كارتا بۇعاتتالعان كەزدە نە ىستەۋ كەرەك؟ ساراپشىلاردىڭ پىكىرى
"ءسىزدىڭ كارتاڭىز بۇعاتتالعان". مۇنداي حابارلاما دۇربەلەڭ تۋدىرىپ، ەسەڭگىرەتىپ جىبەرەدى جانە كوپتەگەن سۇراقتار تۋىندايدى. وندا مەنىڭ اقشام قايدا؟ كارتا نە ءۇشىن بۇعاتتالعان؟ ەندى نە ىستەۋ كەرەك؟ بۇعاتتاۋدىڭ سەبەپتەرى ونشا كوپ تە ەمەس: بانك ءسىزدى الاياقتىق ارەكەتتەردەن قورعاۋعا تىرىسادى نەمەسە ءسىز ءبىر نارسەنى بۇزدىڭىز. ءبىز كارتالاردى بۇعاتتاۋ جانە ونى جويۋ تاسىلدەرى تۋرالى تاجىريبەمىزبەن بولىسەمىز.
كەرەك بولعان جاعدايدا بۇعاتتاۋ
ءوزىڭىزدى بانكتىڭ ورنىنا قويىپ كورىڭىز: ءسىز كليەنتتەرگە قامقورلىق جاساپ، ولاردىڭ قاۋىپسىزدىگىن قامتاماسىز ەتۋىڭىز كەرەك. ءبىراق كەنەتتەن ءسىز كۇدىكتى ارەكەتتەردى بايقايسىز: كارتا بويىنشا بارلىق وپەراسيالار قازاقستان رەسپۋبليكاسىنىڭ اۋماعىندا، سودان كەيىن ءبىر رەت — باسقا ەلدەن جاسالادى. كەيدە بىرنەشە ساعات قانا ايىرماشىلىعى بولۋى مۇمكىن. بانك مۇنى كۇدىكتى وپەراسيا دەپ سانايدى جانە كەرەك بولعان جاعدايدا، كارتانى دا، وپەراسيانى دا بۇعاتتايدى.
شىن مانىندە، يەسى دەمالۋعا كەتىپ، قوناق ۇيدەگى كوفە ءۇشىن تولەم جاساۋى مۇمكىن.
ەگەر شەتەلدىك ساپارعا شىققان كەزدە العاشقى تولەم جاساۋ بارىسىندا كارتا بۇعاتتالعان بولسا، الاڭداماڭىز — بۇل قاۋىپسىزدىك جۇيەسىنىڭ جۇمىس ىستەگەنىن كورسەتەدى.
اعىلشىن تىلىندە ءتىلىڭدى «بۇراپ»، قىزارىپ-قىسىلماس ءۇشىن، ەرتەرەك دايىندالىپ، بانككە ەلدەن تىس جەرگە شىعاتىنىڭىزدى ەسكەرتكەنىڭىز دۇرىس.
ەگەر ولاي جاساماعان بولساڭىز، سول جەردەن تىكەلەي بانككە قوڭىراۋ شالىپ، ءوزىڭىزدىڭ كارتانىڭ يەسى ەكەنىڭىزدى جانە ءاربىر وپەراسيانىڭ ماقۇلدانعانىن راستاۋىڭىز قاجەت.
ەرەجەنىڭ اتى ەرەجە
كارتانى الا وتىرىپ، كليەنت پەن بانك تاراپتاردىڭ قۇقىقتارى مەن مىندەتتەرىن بەلگىلەيتىن شارت جاساسادى. ەگەر كليەنت شارتتىڭ تالاپتارىن ورىنداماسا، وندا بانك كارتانى بۇعاتتاۋعا قۇقىلى.
كارتانى بۇعاتتاۋ جاعدايلارى قازاقستان رەسپۋبليكاسىنىڭ ۇلتتىق بانكى باسقارماسىنىڭ 2016 جىلعى 31 تامىزداعى № 205 قاۋلىسىمەن بەكىتىلگەن تولەم كارتوچكالارىن شىعارۋ قاعيدالارىنىڭ، سونداي-اق قازاقستان رەسپۋبليكاسىنىڭ اۋماعىندا ولاردى پايدالانا وتىرىپ جۇرگىزىلگەن وپەراسيالارعا قىزمەت كورسەتۋ بويىنشا قىزمەتكە قويىلاتىن تالاپتاردىڭ 80-تارماعىندا جازىلعان.
1. يەسى ۇرلانعانى نەمەسە جوعالعانى تۋرالى حابارلادى. ەگەر ءسىز كۇيەۋىڭىزدىڭ نەمەسە اتا-اناڭىزدىڭ كارتاسىن قولدانساڭىز، ەڭ الدىمەن، ولاردىڭ باستاماسى بويىنشا اقشانى پايدالانا المايتىنىڭىزدى ناقتىلاڭىز.
2. كارتا ۇستاۋشى شارت تالاپتارىن ورىندامايدى. مىسالى، ول "پلاستيكتى" ءۇشىنشى تۇلعاعا بەردى نەمەسە زاڭسىز كاسىپكەرلىك قىزمەتتەن كىرىس الادى.
شارتقا قول قويماس بۇرىن ونى وقىپ شىعۋ كەرەك. سوندا جاعىمسىز توسىن جايتتار دا از بولادى.
زاڭنىڭ اتى زاڭ
بانك زاڭدى ورىنداۋ ءۇشىن كارتا بويىنشا شىعىس وپەراسيالارىنا شەكتەۋلەر قويۋى مۇمكىن.
1. ۋاكىلەتتى مەملەكەتتىك ورگانداردىڭ وكىمى بويىنشا. مىسالى، سالىقتى تولەمەگەنى ءۇشىن، تەرگەۋ جۇرگىزۋ ۋاقىتىندا، الاياقتىققا كۇدىكتەنگەندىكتەن جانە ت. ب.
2. سوتتىڭ نەمەسە سوت ورىنداۋشىلارىنىڭ باستاماسى بويىنشا.
3. ق ر قارجى مينيسترلىگىنىڭ قارجى مونيتورينگى كوميتەتى تاراپىنان. ەگەر بانكتىڭ كليەنتى قىلمىستىق جولمەن الىنعان قاراجاتتى جىلىستاتۋ جانە تەرروريزمدى قارجىلاندىرۋ ارەكەتتەرىنە كۇدىكتەنسە، وندا ول "قارا تىزىمگە" ەنگىزىلەدى جانە كارتا بويىنشا شىعىس وپەراسيالارىن بۇعاتتايدى. بۇل كليەنتكە ءتان ەمەس ءىرى سوماداعى وپەراسيالار، ق ر قم قمك تىزىمىندەگى ادامداردىڭ نەمەسە ۇيىمداردىڭ پايداسىنا جاسالاتىن وپەراسيالار بولۋى مۇمكىن.
جالاقى كارتالارى ءۇشىن ەرەكشە جاعدايلار جوق. بانك ونى كەز-كەلگەن باسقا كارتالار سياقتى بۇعاتتايدى.
ەگەر كارتا بۇعاتتالعان بولسا، نە ىستەۋ كەرەك
ەڭ الدىمەن، سەبەبىن انىقتاۋ ءۇشىن بانككە قوڭىراۋ شالۋ كەرەك. ماڭىزدىلىعى: الاياقتاردىڭ قۇربانى بولماس ءۇشىن، تەك قارجى ۇيىمىنىڭ سايتىنان رەسمي نومىرلەرگە عانا قوڭىراۋ شالۋ كەرەك.
بۇدان ءارى بۇعاتتاۋ سەبەبىنە بايلانىستى ارەكەت جاساۋ كەرەك: ۋاكىلەتتى ورگانعا جۇگىنۋ، شوتتاعى اقشانىڭ زاڭدى شىعۋ تەگىن راستايتىن قۇجاتتاردى بانككە ۇسىنۋ جانە ت. ب.
بۇعاتتاۋداعى ەڭ جاعىمسىز نارسە — ادام بەلگىسىز ءبىر ۋاقىتقا دەيىن اقشاسىز قالادى. كەيدە ءىستى قاراۋ اپتالار بويى جۇرگىزىلەدى. كۇنكورىس شەگىنە جەتپەۋ ءۇشىن، ءار ءتۇرلى بانكتەردە بىرنەشە شوتتارىڭىزدىڭ نەمەسە قولما-قول اقشاڭنىڭ بولعانى جاقسى.
ەگەر بۇل بولماسا، وندا ءسىز كەپىلسىز ميكروكرەديت رەسىمدەڭىز. بۇل ۋاقىتشا قارجىلىق قيىندىقتاردى دوستارىڭىز بەن مەن تۋىستارىڭىزدىڭ قاتىسۋىنسىز، ءوز كۇشىڭىزبەن شەشۋگە كومەكتەسەدى.
ەڭ باستىسى — قارىز بويىنشا تومەن پايىزبەن نەمەسە جەڭىلدىكتى كەزەڭى بار قولايلى ميكروقارجى ۇيىمىن تاڭداۋ، بۇل اقشانى ارتىق تولەمسىز پايدالانۋعا مۇمكىندىك بەرەدى. الاياقتاردىڭ كوزىنە ءتۇسۋ تاۋەكەلىنە جول بەرمەي، سايتتان سايتقا كىرمەۋ ءۇشىن، بىرنەشە مقۇ ۇسىنىستارى ءبىر پاراققا ورنالاستىرىلعان سەرۆيستى پايدالانعان ارتىق. مىسالى، Smartzaim.kz سايتى. ءاربىر ۇيىم سايت اكىمشىلىگىنىڭ تەكسەرۋىنەن وتكەن جانە كليەنتتەر اراسىندا جوعارى بەدەلگە يە.
You Might Also Like
-
— ءاي، نەمەنە، كورمەگەلى تالاي زامان بولدى عوي، مەن ابدەن مەزى قىلعان جانداي نەگە قاشقالاقتايسىڭ؟ قويشى ءارى ءتىپتى، مىنەزى اۋىر دەگەن سايىن قايتەدى-ەي، — دەپ سانىمگۇل اڭگىمەگە قانىعا الما...
