كەكىلىك
كەكىلىك — تاۋىقتارىزدىلەر وتريادى قىرعاۋىل تۇقىمداسىنا جاتاتىن ادەمى كۇس. نەگىزگى مەكەنى— تاۋ-تاستى جەرلەر. قازاقستاندا جەتىسۋ (جوڭعار) الاتاۋىندا، ءتيان-شاننىڭ سولتۇستىگىندە ىلە جانە سولتۇستىك الاتاۋدا، كاراتاۋدا. ساۋىر مەن تارباعاتايدا، ۇستىرتتە جانە مانعىستاۋ تۇبەگىندە كەزدەسەدى. دەنە تۇرقى 35 سم، سالماعى 370-770 گ. جابىن قاۋىرسىنى بىركەلكى رەندى، اقشىل ءتۇستى القىمى قارا جولاقپەن كومكەرىلگەن، ەكى قاپتالىندا اق جانە قوڭىركاي رەندى كولدەنەڭ جولاقتارى بار. تۇمسىعى، كوزىنىڭ اينالاسى قىزىل، اياقتارى قىزعىلت ءتۇستى بولادى. اياعىنىڭ بۇلشىق ەتى جاقسى دامىعان، سوندىقتان شيراق قوزعالىپ، تىرشىلىگىنىڭ كوپشىلىگىن جەردە وتكىزەدى. بۇتا مەن اعاشتارعا قوناقتاۋى سيرەك بايقالادى. كەكىلىكتەر ۇيالاعان كەزدە توپتاسىپ ۇشىپ، كوبىنەسە "كە-كە-لەك، كە-كە-لەك" دەپ دىبىستايتىن بولعاندىقتان، قۇستىڭ اتالۋى وسىعان بايلانىستى قويىلعان.
كەكىلىك — وتىرىقشى قۇس. ورمان وسپەگەن تاۋ تاستاردىڭ اراسىنا قاراپايىم ۇيا جاسايدى، وندا كوبىنەسە 7-22 جۇمىرتقا بولادى. قازاقستاندىق ورنيتولوگ يۋريي گراچيەۆ كەكىلىك انالىعىنىڭ ەكى جەرگە ۇيا جاساپ، جۇمىرتقالايتىنىن دالەلدەدى. مۇنداي جاعدايدا ءبىر ۇياداعى جۇمىرتقانى انالىعى، ەكىنشى ۇياداعى جۇمىرتقانى اتالىعى باساتىنى انىقتالدى. وسىلايشا كەكىلىكتەر قاتال قىستا شىعىنعا ۇشىراعان بالاپاندارىنىڭ ورنىن تولتىرادى. كەكىلىكتەر وسىمدىك وسكىندەرى جانە تۇقىمدارىمەن، جاندىكتەرمەن قورەكتەنەدى. كەكىلىكتىڭ ەتى ءدامدى، ارنايى رۇقساتپەن اۋلانادى.
وقۋعا كەڭەس بەرەمىز:
كوكەك
كەپتەر
قۇستار الەمىنىڭ بيتبوكسەرى - ليراقۇيرىق(ۆيدەو)
You Might Also Like
-
كەنەسارى حان (1802-1847) — قازاق حاندىعىنىڭ سوڭعى حانى، ۇلت ازاتتىق كوتەرىلىسىنىڭ ايگىلى باسشىسى. ول ءوزىنىڭ تەگى جاعىنان تورە تۇقىمىنان. باباسى قازاقتىڭ اتاقتى حانى ابىلاي. ارعى اتالارى شىڭعى...
-
ق ر ءبىلىم جانە عىلىم ءمينيسترى اسحات ايماعامبەتوۆ مۇعالىمدەر قاۋىمىن ۇستازدار كۇنىمەن قۇتتىقتادى.
