كاسپيي ءتىلتىستىسى
كاسپيي ءتىلتىستىسى — دوڭگەلەك اۋىزدىلار كلاسىنىڭ وكىلى. ءبالىقتارىزدى جانۋاردىڭ ۇزىندىعى 55 سم، سالماعى 200 گ دەيىن. اۋىزى تۇتىك ءتارىزدى، كوپتەگەن ءمۇيىزدى تىستەرى بولادى، ونى سورعىش رەتىندە پايدالانادى. ۋاقىتىنىڭ كوبىن كاسپيي تەڭىزىندە تۇزدى سۋىندا وتكىزەدى، ال ۋىلدىرىق شاشۋ ءۇشىن جايىق وزەنىنە كوتەرىلەدى. سۋ تەمپەراتۋراسى 110°س-قا تومەندەگەندە كوبەيۋ ءۇشىن قونىس اۋدارۋ باستالادى. ۋىلدىرىعىن وزەننىڭ تاياز جەرلەرىنە شاشادى. ۋىلدىرىق شاشۋدىڭ اۋىر جولىن يگەرۋ ءۇشىن، جولعا شىعار الدىندا دەنەسىنىڭ 34% ماي بولادى. بۇرىن جانۋارلاردى ۇستاپ، كەپتىرىپ، مايىن جارىق ءۇشىن پايدالاناتىن بولعان، ءقازىر تاماق ءۇشىن پايدالانادى.
1941 جىلعا دەيىن جىلىنا ورتا ەسەپپەن 350 توننا ءتىلتىس اۋلانعان، سودان بەرى سانى ۇزدىكسىز كەمۋدە. تىرشىلىك ەتۋىنە نەگىزگى ءقاۋپى — جايىق وزەنىندە سۋ قۇرىلىستارىن سالۋ. قولدان ءوسىرۋدى ۇيىمداستىرىپ، جاس تىلتىستەردى قورىقتىق رەجيمى بار سۋلارعا جىبەرۋ كەرەك.
You Might Also Like
-
كەنەن ازىربايەۆ (1884-1976) — قازاقتىڭ ايگىلى حالىق اقىنى، كومپوزيتور. قازاقستاننىڭ ەڭبەك سىڭىرگەن ونەر قايراتكەرى. تۋىپ-وسكەن جەرى – جامبىل وبلىسىنىڭ قورداي اۋدانىنداعى ءماتىبۇلاق دەگەن ...
-
كەمىرگىشتەر، كەمىرۋشىلەر — سۇتقورەكتىلەر كلاسىنىڭ ەڭ كوپ تاراعان وتريادى. ءقازىر ولاردىڭ دۇنيە جۇزىندە 32 تۇقىمداسقا جاتاتىن 2500-دەي، ال قازاقستاندا 15 تۇقىمداستىڭ (ۇشارلار، تيىنتارىزدىلەر، قۇ...
