ءوزىڭ ءۇشىن عانا جەڭىسكە جەتۋگە اسىقپا
ءبىراز جىل بۇرىن، سيەتل وليمپياداسىندا، 100 مەترگە جۇگىرۋ الاڭىندا 9 بالا جۇگىرۋگە ازىرلەندى. ولاردىڭ ءبارى دەنە ءبىتىمى جاعىنان ياكي مەنتالدىق دەڭگەيدە مۇگەدەكتەر بولاتىن.
جۇگىرۋگە رۇقسات ەتىلگەن وق اتىلىپ، جارىس باستالدى. بارلىعى شاما-شارقىنا قاراي جۇگىرە جونەلدى، ولاردىڭ ءبارىنىڭ دە جەڭگىسى كەلدى.
بالالار مەجەنىڭ ۇشتەن بىرىنە جەتكەندە ءبىر بالا ءسۇرىنىپ كەتىپ، ءۇش اۋناپ ءتۇستى دە جاتىپ قالدى. ول جىلاي باستادى. باسقا سەگىز جارىسۋشى ونىڭ جىلاعان داۋىسىن ەستىدى. ولار جۇگىرۋلەرىن باسەڭدەتتى دە ارتتارىنا قارادى. سوسىن توقتاپ، ارتقا قايتتى. بارلىعى دا...
داۋن سيندرومىمەن اۋىراتىن، جارىسقا قاتىسۋشى ءبىر قىز بالانىڭ جانىنا وتىرىپ، ونى قۇشاقتادى دا: «ساعان جاقسى بولا باستادى ما؟» دەپ سۇرادى. سوسىن بارلىق توعىز بالا يىقتاسىپ مارەگە قاراي بىرگە ادىمداي باستادى. بارلىق كورەرمەن ورىندارىنان تۇرىپ قول سوعا جونەلدى. قول شاپالاقتاۋ تولاستاماي قويدى...
مۇنى كورگەندەر وسى كۇنگە دەيىن سول وقيعا جونىندە ايتىپ ءجۇر. نەگە؟
ويتكەنى: «ومىردەگى ەڭ ماڭىزدى نارسە - ءوزىڭ ءۇشىن جەڭىسكە جەتۋ ەمەس» دەگەن قاعيدا ءبىزدىڭ ءىشىمىزدىڭ ەڭ تەرەڭ تۇكپىرىندە جاتىر، ونى ءبىز وسىندايدا سەزەمىز.
بۇل ومىردەگى ەڭ نەگىزگى نارسە - وزگەلەردىڭ جەڭىسكە جەتۋىنە جاردەمدەسۋ. ول ءۇشىن ءوز جەڭىسىڭدى قيۋعا نەمەسە باسەكەنى باسەڭدەتۋگە تۋرا كەلسە دە.
You Might Also Like
-
مەن ونىڭ ءتۇنىن سۇيەم، كۇنىن سۇيەم، اعىندى وزەن، اسقار تاۋ، گۇلىن سۇيەم، مەن ونىڭ قاسيەتتى ءتىلىن سۇيەم، مەن ونىڭ قۇدىرەتتى ءۇنىن سۇيەم. بار جاندىگىن سۇيەمىن قىبىرلاعان، ءبارى ماعان: «وتان!&...
-
الەمدە ادەمى جەرلەر وتە كوپ. ولاردىڭ اراسىندا كەيبىرەۋلەرى وتە تانىمال جانە ءارتۇرلى تۋريستىك رەيتينگتەردە قۇرمەتتى ورىندارعا يە. تانىمال 500px فوتوقاۋىمداستىعىنىڭ رەداكسياسى دۇنيەدە سۋرەتكە ك...
