كوكونىس داقىلدارى
كوكونىس داقىلدارى — كوكونىس (شىرىندى ونىمدەر، جاپىراقتى وسىمدىكتەر، تامىر-جەمىستى وسىمدىكتەر، بادانالار) الۋ ءۇشىن وسىرىلەتىن وسىمدىكتەر. ولاردىڭ 80 تۇقىمداسىنىڭ 600-دەن استام ءتۇرى بار. جەمىس ۇرىقتىلار (قىزاناق، كيار، بۇرىش)، جاپىراقتىلار (كاپۋستا، سالات)، بادانا (پياز جانە سارىمساق)، تامىر-جەمىستى وسىمدىكتەر (ءسابىز، قىزىلشا، اقجەلكەن) قازاقستاننىڭ سۋارمالى ەگىنشىلىكپەن اينالىساتىن اۋداندارىندا وسىرىلەدى.
كوكونىس شارۋاشىلىعى
1) كوكونىس الۋ ماقساتىندا ولاردى وسىرۋمەن اينالىساتىن وسىمدىك شارۋاشىلىعىنىڭ ءبىر سالاسى. كوكونىس شارۋاشىلىعىنىڭ باسقا وسىمدىك شارۋاشىلىعىنان ەرەكشەلىگى — مۇندا كوكونىس داقىلدارى اشىق جانە قورعالعان جەرلەردە وسىرىلەدى. كوكونىس شارۋاشىلىعى ءوسىرۋ تاسىلدەرى بويىنشا: تاناپتىق كوكونىس شارۋاشىلىعى، اشىق تاناپتاعى كوكونىس شارۋاشىلىعى جانە قورعالعان جەردەگى كوكونىس شارۋاشىلىعى بولىپ بولىنەدى. قورعالعان جەردەگى كوكونىس شارۋاشىلىعىنىڭ ەڭ جەتىلگەن تۇرىندە مىسالى، وسى زامانعى جىلىجايلاردا) وسىمدىكتىڭ ءوسىپ-دامۋىنا قاجەتتى بارلىق جاعدايلار جاسالادى جانە جىلدىڭ كەز كەلگەن مەزگىلىندە (قىستا، ەرتە كوكتەمدە جانە قارا كۇزدە) كوكونىس الۋعا مۇمكىندىك بەرەدى.
اشىق تاناپتاعى كوكونىس شارۋاشىلىعى — كوكونىستى تاناپتىق جاعدايلاردا وسىرەدى. كوكونىس شارۋاشىلىعىندا وسىمدىكتى ەرتە كوكتەتۋ، ءوسىرىپ جەتىلدىرۋ (مىسالى، ءتۇستى كاپۋستالار)، كوشەتتەردى تىعىز (مىسالى، كەش پىسەتىن كاپۋستالار ارالىقتارىنا ەرتە پىسەتىن كاپۋستالار وتىرعىزىلادى) جانە كايتا ەگۋ (مىسالى، ەرتە الىناتىن شالعام ورنىنا اسكوك وتىرعىزىلادى) مەن وتىرعىزۋ ءادىسى كەڭىنەن قولدانىلادى. دەرەكتەرگە سۇيەنسەك، ءبىزدىن، زامانىمىزدان بۇرىنعى 3 مىڭىنشى جىلدارى-اق كوكونىس وسىرۋمەن ەجەلگى قىتايدا، مىسىردا، ەجەلگى گرەكيادا جانە ەجەلگى ريمدە اينالىسقان.
2) كوكونىس داقىلدارىنىڭ بيولوگياسىن، كوكونىس ونىمدىلىگىن جوعارىلاتۋ مەن ساپاسىن جاقسارتۋدىڭ وزىق تەحنولوگياسىن، ەڭبەك شىعىنى مەن وزىندىك قۇنىن تومەندەتۋگە باعىتتالعان پروگرەسسيۆتى تاسىلدەردى زەرتتەيتىن عىلىم. كوكونىس ءوسىرۋشى عالىمدار كوكونىس داقىلدارىنىڭ جاڭا، جەتىلگەن سورتتارىن شىعارۋمەن دە شۇعىلدانادى.
وقۋعا كەڭەس بەرەمىز:
ءبىر رەت ساتىپ الىپ، ءاردايىم وسىرۋگە بولاتىن 8 كوكونىس
جەمىس-جيدەكتەر مەن كوكونىستەردىڭ گۇلدەۋ بارىسىنداعى كورىنىستەرى
You Might Also Like
-
كۇنجىت — كۇنجىت تۇقىمداسىنا جاتاتىن ءبىر جىلدىق نە كوپ جىلدىق وسىمدىك تۋىسى. نەگىزىنەن وڭتۇستىك افريكادا، ماداگاسكار، سوكوترا ارالدارىندا، ونتۇستىك-شىعىس ازيا، جاڭا گۆينەيا جانە سولتۇستىك اۆستر...
-
كەرەيت حاندىعى IX - XII عاسىرلاردا زاۆحان، تولا، سەلەنگادان شىعىس موڭعول قۇمىنا دەيىنگى سايىن دالانى قونىس ەتىپ، باتىسىندا نايمان حاندىعى، سولتۇستىگىندە مەركىتتەر، وڭتۇستىگىندە تاتارلار، شىعىسىندا ...
