InfoHub Logo

تاقىرىبى: كوكتەمگى ورمانعا ساياحات

ساباقتىڭ ماقساتى: بالالاردى كوكتەمگى تابيعات ەرەكشەلىگىن سەزىنۋگە ۇيرەتۋ، كوكتەم
مەزگىلىن باسقا مەزگىلدەردەن ايىرا بىلۋگە تاربيەلەۋ. بالالاردى تابيعاتتى ايالاي بىلۋگە، ورمانعا
بارعاندا ەرەجەلەردى ساقتاۋعا داعدىلاندىرۋ. تاقپاق ايتىپ سوزدىك قورىن بايىتۋ.
بالالاردىڭ بەلسەندىلىگىن ارتتىرىپ، تابيعاتقا قامقور بولۋعا باۋلۋ.
ساباقتىڭ كورنەكىلىگى: سلايد، سيقىرلى جولدار، گۇلدەر، توپىراق سالىنعان قۇمىرا،
تۇقىم.

ساباقتىڭ بارىسى:
تاربيەشى:- قانە بالالار، ءبىز ءبىر - ءبىرىمىزدىڭ قولىمىزدان ۇستاپ شاتتىق شەڭبەرىنە تۇرايىق.
كۇننىڭ نۇرىن سۇيەمىز،
ءان سالامىز كۇندە ءبىز،
بالداي ءتاتتى دوستارمىز
ءارقاشان ءبىز بىرگەمىز.

تاربيەشى: بالالار سەندەر ورماندا ءجۇرۋ ەرەجەسىن بىلەسىڭدەر مە؟
بالالار:- ورماندا شۋلاماۋ كەرەك.
- ءبىر - بىرىنەن قالماي ءجۇرۋ كەرەك.
- ايقايلاپ ولەڭ ايتپاۋ كەرەك، سەبەبى قۇستار، اڭدار شوشىپ كەتەدى.
- بۇتاقتاردى سىندىرماۋ كەرەك.
- ورمانعا قوقىس تاستاۋعا بولمايدى.
تاربيەشى:- جارايسىڭدار، بالالار سەندەر ورماندا ءجۇرۋ ەرەجەسىن بىلەدى ەكەنسىڭدەر. ولاي بولسا مىنا سيقىرلى جولدارمەن ورمانعا ساياحاتقا بارايىق.
- مىنا جولدىڭ ءتۇسى قانداي بالالار؟
بالالار:
- مىنا جول قىزىل ءتۇستى.
- بۇل ءتۇس قاي جىل مەزگىلىن بىلدىرەدى؟
- بۇل ءتۇس جاز مەزگىلىن بىلدىرەدى.
- بۇل جول ۇزىن با، قىسقا ما؟
- بۇل جول ۇزىن.
تاربيەشى:
- بالالار ماعان كۇز مەزگىلىنىڭ ءتۇسىن بىلدىرەتىن جولدى تاۋىپ بەرىڭدەرشى؟
بالالار:
- كۇز مەزگىلىنىڭ جولى سارى.
تاربيەشى:
- نەگە كۇز مەزگىلىنىڭ جولى سارى ءتۇستى؟
بالالار:
- سەبەبى كۇز مەزگىلىندە اعاشتاردىڭ جاپىراقتارى سارى ءتۇستى.
تاربيەشى:
- مىنا جول قاي ءتۇستى؟
بالالار:
- بۇل اق ءتۇستى. بۇل قىس مەزگىلىن بىلدىرەدى.
تاربيەشى:
- بۇل جول كەڭ بە، الدە تار ما؟
بالالار:
- بۇل جول كەڭ ەكەن.
تاربيەشى:
- ال، سوڭعى جولدىڭ ءتۇسى قانداي جانە نەگە ۇقسايدى؟
بالالار:
- جاسىل ءتۇستى. شوپتەردىڭ ءتۇسى سياقتى.
تاربيەشى:
- بالالار كوكتەم مەزگىلىندە قانداي ەرەكشەلىكتەر بولادى؟
بالالار:
- جەر بەتى جاسىل شوپكە تولادى، قۇستار ۇشىپ كەلەدى. ادامدار جەڭىل، جۇقا كيىنەدى.
اعاشتارعا بۇرشىكتەر شىعادى. العاشقى گۇلدەر بايشەشەك، قىزعالداق، سارعالداق
شىعادى.(بالالار كوكتەم مەزگىلى جايلى تاقپاقتارىن ايتادى.)

تاربيەشى:
- بالالار مىنە ءبىز ورمانعا كەلدىك. ورمانداعى قوقىستاردى، قۇمىرانى جيناپ تازالايىق.
ەندى وتىرىپ دەم الايىق، قۇستاردىڭ داۋىسىن تىڭدايىق.(قۇستاردىڭ داۋىستارى. )
سەرگىتۋ ءساتىن جاسايىق.
بالالار:
ءجۇر كوجەگىم توپ - توپ باس
مىنە بىلاي توپ - توپ باس
سۇر قاسقىرىم قولىڭ سوق
مىنە بىلاي قولىڭ سوق.
ءجۇر ايۋىم بيلەي عوي
مىنە بىلاي بيلەي عوي.
ورمانداعى ايۋدىڭ
قۇلپىنايى كوپ ەكەن
تەرىپ - تەرىپ الايىق
قالتامىزعا سالايىق.
تاربيەشى:
بالالار ايۋ نەنى جەگەندى جاقسى كورەدى؟
بالالار: بالدى.
تاربيەشى: قيمىلدى ويىن «ايۋلار مەن ارالار»دەپ اتالاتىن ويىن وينايمىز.
ءبىز كوكتەمدە وسەتىن گۇلدەردى بىلەمىز.(سلايدتان كوكتەمدە وسەتىن گۇلدەرى كورسەتۋ.)
بۇگىن ساباقتا ءبىز دە ءوز قولىمىزبەن قۇمىراعا گۇل سەبەمىز.
(توپىراق سالىنعان دايىن قۇمىرالار، گۇل تۇقىمدارى، سۋ قۇيعىش.) بالالارعا قۇمىراعا گۇل تۇقىمىن ەگىپ كورسەتۋ، سۋ قۇيۋ. بالالاردىڭ جۇمىسى.
تاربيەشى: ال، بالالار ەندى ورنىمىزعا وتىرايىق. بالالار سەندەرگە ساباق ۇنادى ما؟
ساياحات نەسىمەن ۇنادى؟
بالالار:
- سيقىرلى جولدارمەن جۇردىك.
- ويىن وينادىق.
- گۇل تۇقىمىن ەكتىك.
تاربيەشى:
بالالار، سەندەر ساباقتى جاقسى مەڭگەرىپسىڭدەر. وسىمەن ساباعىمىزدى اياقتاپ ءان - كۇي ساباعىندا
جاتتاعان « جاس ءداۋىردىڭ تۇلەگىمىز» ءانىن ايتىپ، قوناقتارمەن قوشتاسايىق.
بالالار: قوش ساۋ بولىڭىزدار.