InfoHub Logo

كوروناۆيرۋسپەن اۋىرىپ، جازىلىپ شىققان ناۋقاستاردا ۇزاق ۋاقىت بويى ينفەكسيانىڭ سالدارى بايقالۋى مۇمكىن. مۇنداي مالىمدەمەنى بەيجىڭدەگى قىتاي-جاپون دوستاستىق اۋرۋحاناسىنىڭ جۇقپالى اۋرۋلار ورتالىعىنىڭ ديرەكتورى ساو بين جاسادى.

ساو ءبيننىڭ مەديسينالىق توبى ءبىر كەزدەرى قىتايداعى COVID-19-دىڭ تارالۋ وشاعى بولعان ۋحان قالاسىنداعى سزينينتان گوسپيتالىنەن ەمدەلىپ شىققان 1،7 مىڭ كوۆيد-ناۋقاستى باقىلادى. زەرتتەۋ ناتيجەسى كورسەتكەندەي، ناۋقاستاردىڭ 70% السىزدىك، بۇلشىقەتتەردىڭ اۋرۋى، ۇيقىنىڭ بۇزىلۋى، سونداي-اق بۋىنداردىڭ اۋرۋى، تابەتتىڭ ناشارلاۋى، ءجۇرۋ كەزىندەگى قيىندىقتار سىندى اسقىنۋلار بولعان.

ناۋقاستاردىڭ 30% اەروبتى مۇمكىندىك پەن توزىمدىلىكتى باعالاۋ ءۇشىن جۇرگىزىلەتىن 6 مينۋتتىق ءجۇرۋ تەستىنەن وتپەي قالعان. 20% استام ناۋقاس پسيحولوگيالىق اسقىنۋلاردىڭ بولعانىن حابارلاعان. سونداي-اق، جازىلىپ شاققان ناۋقاستاردىڭ جارتىسىنان كوبىندە كت-دياگنوستيكاسىنىڭ كەم دەگەندە ءبىر بولىگى بويىنشا نورمادان اۋىتقۋ بايقالعان.

ساو ءبيننىڭ ايتۋىنشا، COVID-19 اعزاداعى جاسۋشالاردىڭ ولىمىنە، يممۋندىق جۇيەگە شابۋىلعا اكەپ سوعىپ، قوسىمشا زيان كەلتىرۋى مۇمكىن. ۋحاندا ىندەت تارالا باستاعان العاشقى ۋاقىتتا اۋىر جاعدايدا جاتقان ناۋقاستاردىڭ كوبىندە پولياعزالىق جەتىسپەۋشىلىك بەلگىلەرى بايقالعان.

وعان قوسا، زەرتتەۋ كورسەتكەندەي، ەگەر ناۋقاستاردا انتيدەنەلەر نەعۇرلىم جىلدام تومەندەسە، ولاردا ينفەكسيانى قايتا جۇقتىرۋ ىقتيمالدىعى سوعۇرلىم جوعارى بولادى. وسىلايشا، بۇل ساناتتاعى ادامداردى ءقاۋىپ توبىنا جاتقىزىپ، بولاشاقتا مەديسينالىق باقىلاۋدى مۇقيات جۇرگىزۋ قاجەت.

ساو بين ارىپتەستەرىن COVID-19-دىڭ ۇزاق مەرزىمدى سالدارىنا نازار اۋدارۋعا شاقىرىپ، بار كۇشتى كوروناۆيرۋسقا قارسى ۆاكسينا مەن ءدارى ويلاپ تابۋعا باعىتتاۋ كەرەگىن ايتتى.

---