كوز جاسى تۋرالى قىزىقتى مالىمەت
قوبالجۋلارعا سەبەپ بولاتىن كەيبىر توكسيندەردىڭ ءبىر بولىگى كوز جاستارىمەن دەنەدەن شىعىپ كەتەدى. سونىمەن قاتار كوز جاسى — كوزدى جۇمىپ اشۋ ارقىلى بولاتىن تۇراقتى ۇيكەلىس سەبەبىنەن كوزدىڭ بۇزىلۋىنىڭ الدىن الادى.
فرەيدىڭ زەرتتەۋلەرى بويىنشا، ايەلدەردىڭ ەركەكتەردەن كوبىرەك ءومىر سۇرۋلەرى، ولاردىڭ كوپ جانە ەركىن جىلاۋلارىنا بايلانىستى. ستاتيستيكالىق مالىمەتتەرگە قاراعاندا، ايەلدەردىڭ كوز جاستارىن جيناۋ مۇمكىن بولعاندا، 70 جاستاعى ءبىر ايەلدىڭ كوز جاستارى ءبىر شەلەكتى تولتىرادى ەكەن.
ميننەسوتا شتاتى مەن بريتانيالىق لانكاستەر ۋنيۆەرسيتەتىنىڭ عالىمدارى ادامنىڭ كوز جاسىنىڭ دەنساۋلىققا پايدالى ەكەنىن انىقتادى. بار ماسەلە قانشالىقتى كوپ جىلايتىنىمىزعا بايلانىستى ەكەن.
ميننەسوتا ۋنيۆەرسيتەتىنىڭ ماماندارى از ۋاقىت جىلاعان ادامداردىڭ 88،8%-ىنىڭ كوڭىل-كۇيى مەن دەنساۋلىعى جاقسارعاندىعىنا كوز جەتكىزگەن. جىلاۋ ارقىلى ادام كۇيزەلىستەن ارىلادى. ەگەر جاستى سىرتقا شىعارماسا، اعزادا جۇرەك تالماسىن بولدىراتىن زاتتار ءبولىنىپ شىعادى. ادەتتە جىلاعان سوڭ كۇيزەلىس گورمونى كورتيزولدىڭ دەڭگەيى تومەندەيدى.
تاجىريبە جۇرگىزۋشى پروفەسسور ۋيلليام فرەيدتىڭ ايتۋىنشا، كوزدەن شىعاتىن جاستىڭ بىرنەشە ءتۇرى بار. ەموسيالىق، فيزيكالىق جانە ت.ب. العاشقىسىنىڭ حيميالىق قۇرامى ەكىنشىسىنەن وزگەشە. ويتكەنى ەكىنشى ءتۇرى ءتانىمىز اۋىرعان كەزدە شىعادى. ەموسيالىق كوز جاستىڭ ارقاسىندا ارتەريالىق قىسىم رەتكە كەلەدى.
بريتانيالىق ماماندار جاستىڭ ادامنىڭ پسيحولوگيالىق دەنساۋلىعىنا تيگىزەر پايداسى زور ەكەنىنە نازار اۋدارعان. لانكاستەر ۋنيۆەرسيتەتىندەگى زەرتتەۋدىڭ جەتەكشىسى بولعان كەري كۋپەر دۇرىس جىلاي ءبىلۋ كەرەكتىگىن ايتادى.
كوپ ادام السىزدىگىن جاسىرۋ ءۇشىن جىلامايدى. تەك باسىنا تۇسكەن قيىندىققا وزگەلەردىڭ نازارىن اۋدارتۋ ءۇشىن جىلايدى. ەگەر مۇنداي ماقساتىڭىز بولماسا، تازا اۋادا جالعىز قالىپ جىلاعان ءجون. تەرەڭ تىنىس الۋدىڭ ارقاسىندا ويىمىز جيناقتالىپ، ءاربىر ىسىمىزگە دۇرىس باعا بەرەمىز.
You Might Also Like
-
فەرمانىڭ ۇلى تەورەماسى (نەمەسە فەرمانىڭ سوڭعى تەورەماسى) — ماتەماتيكاداعى ەڭ ايگىلى دەۋگە بولاتىن تەورەماسى؛ ونىڭ شارتى ورتا مەكتەپ ءبىلىمى دەڭگەيىندە تۇجىرىمدالعانىمەن، دالەلدەۋ ءۇشىن كوپتەگەن...
-
ەرتەدە ءبىر بەس اعايىندى جىگىت بار ەكەن. بەسەۋى ءبىر بايتەرەكتىڭ قاسىنا جارتى جەر سالعان ەكەن. ەگىنى پىسكەن سوڭ، تۇندە كەلىپ بىرەۋ جەپ كەتەدى ەكەن. سونان سوڭ ولار ەگىنىن كۇزەتىپتى. اۋەلى ۇلكەن اعاسى ...
