كۇنىنە ءۇش قۇرما جەۋدىڭ دەنساۋلىققا پايداسى
قۇرمانىڭ دەنساۋلىققا پايداسى زور. اس قورىتۋ، جۇرەك-تامىر جۇيەسىن جانە مي جۇمىسىن جاقسارتادى. بۇل جايىندا مەديسينا عىلىمدارىنىڭ دوكتورى جانە ديەتولوگ سينتيا ساسس «Health» پورتالىنا بەرگەن سۇحباتىندا ايتا كەتەدى.
ماماننىڭ پىكىرى بويىنشا، قۇرمانىڭ قۇرامىندا كوپتەگەن دارۋمەن (كالسيي، تەمىر، ماگنيي، كاليي، مىرىش، مارگانەس) جانە تابيعي انتيوكسيدانتتار بار. ولار قابىنۋعا قارسى قاسيەتكە يە جانە جۇقپالى اۋرۋلارمەن كۇرەسۋگە كومەكتەسەدى.
كۇنىنە 3 قۇرما جەگەن پايدالى. اسقازان-ىشەك جولدارىنىڭ قالىپتى جۇمىس ىستەۋىنە زور سەبەپ بولادى، — دەيدى سينتيا ساسس.
كوپتەگەن حالىقتاردا قۇرما قاسيەتتى تاعام سانالادى. جوعارىدا مامان ايتا كەتكەندەي، بۇل جەمىستىڭ ەكى-ۇش داناسىنىڭ ءوزى اعزاعا وتە پايدالى. كۇنىنە ءۇش قۇرما جەپ قانا اعزانى قاجەتتى ميكروەلەمەنتتەرمەن قامتاماسىز ەتۋگە بولادى. دارىگەرلەر ءتىپتى ءتاتتى ءارى زياندى كامپيتتەردى قۇرمامەن الماستىرۋعا كەڭەس بەرەدى.
قۇرما — ادامنىڭ اسقا دەگەن تابەتىن جاقسارتىپ، جۇمىسقا دەگەن قابىلەتىن جاقسارتادى. جۇرەك اۋرۋى تۇرلەرىنىڭ الدىن الادى، حولەستەريندى، قانداعى قانتتى رەتتەيدى. سونىمەن قاتار السگەيمەر اۋرۋى بار ادامدار ءۇشىن پايدالى.
قۇرما كوزدىڭ كورۋ قابىلەتىن جاقسارتادى (ءتىپتى سابىزدەن دە پايدالى). سەبەبى قۇرامىندا ا دارۋمەنىنىڭ مولشەرى كوپ. ەگەر ءوزىڭىزدى سەرگەك ءارى قۋاتتى سەزىنگىڭىز كەلسە، قۇرما جەپ تۇرىڭىز. بار بولعانى ءۇش قۇرما جەسەڭىز، ءبىر كۇنگە جەتەرلىك ەنەرگيا الاسىز.
وقۋعا كەڭەس بەرەمىز:
سان ءتۇرلى دەرتتىڭ شيپاسى — قۇرما
You Might Also Like
-
جازدا اۋىلىنا دەمالىسقا كەلگەن شوقان ساققۇلاق شەشەندى قوناققا شاقىرىپ، بىرنەشە كۇن ونىڭ تاعىلىمدى اڭگىمەلەرىن تىڭدايدى. ديدارلاسۋ كەزىندە جاس شوقان قوناققا توسىننان سۇراقتار قويىپ:
-
ءدىنتانۋ ەلىمىزدە جاڭا اشىلعان ماماندىق. بۇل ماماندىقتىڭ ءبىلىم بەرۋ باعدارلاماسى جوعارى ءبىلىم بەرۋدىڭ جالپىعا مىندەتتى مەملەكەتتىك ستاندارتىنا ساي نەگىزدەلگەن.
