كۇرمەتىم مەنىڭ قۇرمەتتىم
كىشكەنتاي كەزىمنەن سۋىنان ءنار الىپ، تابيعاتىنان قۋات الىپ، دارىنىمنىڭ باستاۋىنا جول اشقان - اۋىلىم! قانشاما الىپ، دارا تۇلعالار اۋىلدان تۇلەپ ۇشقان. بيىك شىڭعا جەتەلەيتىن سارا جولدىڭ ءبىرى اۋىلدان باستالادى ما دەپ ويلايمىن. سەبەبى، تۋعان جەردىڭ تابيعاتىنان، اققان ءمولدىر بۇلاعىنان، ءتىپتى ۇشقان قۇسىنان شابىت الاتىن اسقان جەردى كورمەدىم-اۋ، ءسىرا؟
تاريحقا ۇڭىلسەك… اۋىل اتاۋىن اقساقالداردىڭ ايتۋى بويىنشا، جان-جاعىن ءتورت تاۋ قورشاپ، كۇرمەلىپ تۇرعاندىقتان “كۇرمەتى” دەپ اتاپ كەتكەن دەسەدى. ءبىزدىڭ اۋىل كۇنگەي الاتاۋ جوتاسىنىڭ شىعىس بولىگىندە ورنالاسقان، ول قىرعىزستاننىڭ شەكاراسىمەن شەكتەسەدى. بيىكتىگى 3552 م. اۋىلىمنىڭ تابيعاتىن سوزبەن ايتىپ جەتكىزۋ مۇمكىن ەمەس. شىعىس بەتكەيىندە كولساي كولى، باتىسىندا تالدى، ورىكتى، قۇدىرعى، بەسمويناق ت.ب كورىكتى مەكەندەر بار. ءقاسقاتوردىڭ باۋرايىندا دەمالۋشىلار ءجيى باراتىن تاسباز، جامانسارى، قىزەمشەك،بوتالى، ەكى اشا تاۋلارى ورنالاسقان.
بولاشاقتاعى پارىزدارىمنىڭ ءبىرى-اۋىلىمدى كوركەيتىپ، ءوز ۇلەسىمدى قوسۋ دەپ بىلەمىن. سەبەبى، كۇرمەتى-تۋعان جەرىم، رۋحانياتىمنىڭ جان ازىعى، دارىنىمنىڭ باستاۋى مەن ۇلتتىق قۇندىلىقتارىمىزدىڭ التىن بەسىگى. وسىنداي مەكەندە وسكەنىمە ءارقاشان ماقتانامىن!
ءال-فارابي اتىنداعى قازاق ۇلتتىق ۋنيۆەرسيتەتىنىڭ "قازاق ءتىلى مەن ادەبيەتى" ماماندىعىنىڭ 1-كۋرس ستۋدەنتى يلياسوۆا ايىم، قازاقستان تاريحى كافەدراسىنىڭ دوسەنتى دجولدىبايەۆا ۋ.م
You Might Also Like
-
ومىردە كوپتەگەن ماماندىقتار بار. ءار ماماندىقتىڭ وزىندىك ەرەكشەلىكتەرى بار. دارىگەرلەر ەمدەيدى، ۇستازدار ساباق بەرەدى، انشىلەر ءان سالادى، ساۋلەتشىلەر ءۇي سالادى، تىگىنشىلەر كيىم تىگەدى. باسقا كاسىپتە...
-
جات جەردە قانشا تۇراقتاساڭ دا، ءوزىڭنىڭ تۋىپ وسكەن جەرىنە ەشبىر جەر جەتپەيدى عوي، شىركىن! كىندىك قانىڭ تامعان جەردىڭ ءاربىر اۋاسى، ءشوبى دە، سامال جەلى دە، تاۋلارى مەن جەمىس بەرەر اعاشى، ءبارى-بارى جان...
