InfoHub Logo

ومىردە كوپتەگەن ماماندىقتار بار. ءار ماماندىقتىڭ وزىندىك ەرەكشەلىكتەرى بار. دارىگەرلەر ەمدەيدى، ۇستازدار ساباق بەرەدى، انشىلەر ءان سالادى، ساۋلەتشىلەر ءۇي سالادى، تىگىنشىلەر كيىم تىگەدى. باسقا كاسىپتەر ءۇشىن دە سولاي دەۋگە بولادى. ادامدار وزىنە ۇنايتىن كاسىپتى تاڭداۋى كەرەك. ويتكەنى، اركىمنىڭ بولاشاعى تاڭداعان ماماندىعىنا بايلانىستى. جۇمىسىڭدى ءسۇيىپ، جاۋاپكەرشىلىكپەن ىستەگەندە عانا باقىتتى بولاسىڭ. جاس ۇرپاق بىلىمنەن ءنار السا، شاكىرت جۇرەگىندەگى گۇل بولسا، بالا جۇرەگىنىڭ باعبانى اياۋلى ۇستاز ەمەس پا؟ ءيا، عالىم دا، حالىق باتىرى دا، اقىن دا، ۇستا دا، شارۋا دا، شوپان دا ۇستازدان ءتالىم العان. سوندىقتان دا ۇلاعاتتى ۇستازدى ءبارى قۇرمەتتەيدى. ۇستاز تاۋدان اققان وزەن ىسپەتتى، اينالاسىنداعىلارعا قۋات بەرىپ، جولدا كەزدەسكەنگە اس بەرىپ، تاۋداي قيىندىقتى جەڭىپ، ءبىلىمنىڭ سارى جايلاۋىنان تىنىشتىق تاۋىپ، تىنىعادى. ۇستاز – الەمدى كوركەيتەتىن، شاكىرتتەرگە جىلۋ بەرەتىن كۇننىڭ اناسى. ۇستاز – جامان ەمەس جۇرەكتىڭ نەگىزى. مەن تاڭداعان ماماندىعىم ءمۇعالىم. قيىندىعى مەن قىزىعىدا قاتار جۇرەتىن ماماندىقتى بالا كۇننەن ارماندادىم. ادام بالاسىنا كومەكتەسۋ يگى ىستەردىڭ باستاماسى . سوندىقتاندا  بالالارعا ءبىلىم بەرىپ، ءبىلىمدى جاستار كوبەيسە ەكەن ءديمىن. ۇستاز تەك ءبىلىمدى عانا ەمەس، سونىمەن قاتار ونىڭ قىراعىلىعى مەن بەرىلگەندىگى دە وتە قاجەت. شاكىرتىنەن وزعان ۇستاز – ەڭبەك سىڭىرگەن ۇستاز. ويتكەنى، ءومىر زاڭى – دامۋ، ىلگەرىلەۋ، باسىپ وزۋ. شاكىرتتەرىن تاربيەلەيتىن بىلىكتى ۇستاز ۇنەمى ىزدەنىس ۇستىندە، ءبىلىمدى، شىعارماشىل، قوعام سۇرانىسىنا ساي ءوزىن-وزى دامىتىپ، جەتىلدىرە الاتىن بولۋى كەرەك دەپ ويلايمىن. ۇستازدىق دەگەن اۋىر جۇكتى جۇرەگىممەن كوتەرۋدى ءجون كوردىم. ۇستاز - جاس ۇرپاقتىڭ رۋحاني ساۋلەتكەرى، قوعام، حالىق ءوزىنىڭ ءۇمىتى مول بولاشاعىن تاپسىرىتىن سەنىمدى وكىلى. ولار سول سەنىمدى اقتاي وتىرىپ، زەدەلى دە زەرەك، پاراساتتى، ۇلتتىق جانە ادامزاتتىق قۇندىلىقتاردى بويىنا دارىتقان تۇلعالاردى تاربيەلەۋدە. قازاق مەكتەبىنىڭ بولاشاعى تۋرالى م. جۇمابايەۆ «ءاربىر ەلدىڭ كەلەشەگى مەكتەبىنە بايلانىستى»دەپ ايتىپ كەتكەندە تاۋەلسىز قازاقستان رەسپۋبليكاسىنىڭ تاريحي الەۋمەتتىك، مادەني رۋحاني بولمىسىندامىتۋعا، قوعامدىق ءومىر مەن ۇلتتىق مەكتەپتى قالىپتاستىرۋدا ۇستازداردىڭ ەڭبەگى زور. مەملەكەتكە ءار ماماندىق قاجەت. ءبىراق دۇرىس تاڭداۋ - ءسىزدىڭ باعىڭىزدىڭ اشىلۋى. قازاق ءۇش-اق ماماندىقتى بىلەدى: قارا جۇمىسشى، ديرەكتور، باس ديرەكتور. ولار اراسىنداعى اۋماقتار تۋرالى ويلانبايدى. نەگىزى حالقىڭا پايدالى ازامات بولۋعا تىرىسۋ كەرەك، كەرىسىنشە حالقىڭ ساعان پايدالى ەمەس. ءوز سالاسىنىڭ مامانى بولۋ قانداي مارتەبە! سوندىقتان ءبىلىم الۋ ءۇشىن ايانباي ەڭبەك ەتكىم كەلەدى. ماماندىق تاڭداۋدا قاتەلەسپەگەنىمە سەنىمدىمىن.

كومەكباي ايمان

قازاقستان تاريحى كافەدراسىنىڭ دوسەنتى دجولدىبايەۆا ۋ. م

---