InfoHub Logo

قىتايدىڭ جاساپ شىعارعان Tik-Tok قولدانباسى بۇكىل الەمنىڭ نازارىن وزىنە اۋدارتتى. قولىڭ بوساي قالعاندا سمارتفونداعى وسى قولدانباعا ۇڭىلەمىز دە قالامىز. سيقىرى بار ىسپەتتى. 15-30 سەكۋندتىق بەينەروليكتەردى كورىپ الدانامىز،ۋاقىتتىڭ قالاي وتكەنىن بىلمەي قالامىز. ترەندتەگى بەينەروليكتەردى قايتالاپ،قولىمىزدان كەلگەنشە بار ونەرىمىزدى كورسەتىپ،تۇسىرەمىز. ىزدەۋ باتىرماسىن باسساڭ،كەرەكتىنىڭ ءبارى الدىڭنان شىعادى. "ىزدەگەنىڭ الدىڭنان ىزدەمەي-اق تابىلادى". بۇل الەۋمەتتىك جەلىنى قولداناتىندار ەكىگە بولىنەدى: ەلىكتىرىپ الىپ كەتەتىندەي بەينەروليك تۇسىرەتىندەر جانە قولدانبانىڭ تاماشالاۋشى كورەرمەندەرى. ءبارى دە بار. قارا پيار ۇستاپ،"اتىڭ شىقپاسا جەر ورتە" دەگەندەي،تانىمال بولامىن دەپ تىرمىسىپ،ادامنىڭ باسىنا قونبايتىن ءتۇرلى ىس-ارەكەتكە باراتىندار قازىرگى ۋاقىتتا كوزگە ۇيرەنشىكتى بولىپ بارادى. سەرۋەندەۋگە شىعا قالساڭ سمارتفونعا قاراپ سەكەڭدەپ بيلەگەن كىشكەنتاي بالادان،"ءبىر اياعى كوردە،ءبىر اياعى توردە" تۇرعان قاۋساعان قارتتى دا كورەسىڭ. جاھاندانۋ زامانىندا باتىستىڭ مادەنيەتى ەنىپ،ۇلتتىعىمىز بەن تىلىمىزدەن بەزەمىز بە دەپ قورقامىن. اقىلعا قوناتىن دۇنيەلەردىڭ ازايىپ،ادام بالاسىنىڭ ويىنا قونىمسىز دۇنيەلەردى شىعارىپ،وزىنە باۋراپ الاتىن بۇل الەۋمەتتىك جەلىنىڭ قانداي سيقىرى بار ەكەن؟ 

تۇرعانبەك ءبيبىفاتيما

---