مەن نەگە جۋرناليستيكا ماماندىعىن تاڭدادىم؟
ماقساتقا تەك قاتەلىك جاساپ، تاجىريبە جيناۋ ارقىلى جەتەسىڭ.
توماس ەديسون
ءار ادامنىڭ ومىرىندەگى ەڭ ماڭىزدى، ءارى جاۋاپتى تاڭداۋلاردىڭ ءبىرى – بولاشاق ماماندىقتى تاڭداۋ. ءبىزدىڭ الدىمىزدا ءسان-تۇرلى جولدار تۇر. مەنىڭ ويىمشا، ءار ادام ءوزىنىڭ ىشكى دۇنيەسىنە سەنىپ، جۇرەگىنىڭ قالاۋى بويىنشا بولاشاق ماماندىعىن تاڭداۋ كەرەك. «بولاشاقتا كىم بولامىن؟» دەگەن سۇراق – تۇلعا رەتىندە قالىپتاسۋعا تالپىنعان جاس ۇرپاق، مەن جانە مەنىڭ قاتارلاستارىم ءۇشىن مىڭ تولعانا، كۇماندانا وي تۇيۋگە مۇمكىندىك بەرەتىن اسا ماڭىزدى سۇراق.
وسى سۇراققا جاۋاپ بەرە وتىرىپ ءبىزدىڭ بويىمىزداعى ەڭ العىر قاسيەتتەرىمىز، قۇندىلىقتارىمىز، كاسىبي باعىتىمىز انىقتالادى. وسىنىڭ بارلىعىن ەسكەرە وتىرىپ، مەن دە بارىنشا دۇرىس شەشىم قابىلداعا تىرىستىم. بالا كەزىنەن ەرمەك قىلىپ جۇرگەن ىسىڭ-ەرتىڭىنە بولاشاق ماماندىعىڭ بولىپ شىعا كەلۋى ابدەن مۇمكىن. مەن ءبىرشاما ۋاقىت بويى بولاشاق ماماندىعىمدى ناقتى تاڭداي الماي، ءبىراز اداستىم. اجەمنىڭ سارا جولىن قۋالاپ، اق حالاتتى ابزال جان بولعىم كەلدى. ءبىراق، كىشى كەزىمنەن قالام مەن قاعازدى ەرمەك قىلىپ جۇرەتىنمىن. ومىرىمدە بولعان قىزىقتى وقيعالاردى قاعاز بەتىنە ءتۇسىرىپ، ارتىنشا ۆيدەو تۇسىرگەندى ۇناتاتىنمىن. بالا كەزىمدەگى، بىلاي قاراساڭ، جاي عانا قىزىعۋشىلىعىم – قازىرگى ۋاقىتتا مەنى جۋرناليستيكا دەگەن ۇلكەن سالامەن تانىستىرىپ وتىر.
جۋرناليستيكا – قيىندىعى مەن قىزىعى مول، جان-جاقتى بىلىمدىلىكتى، ءاردايىم ىزدەنىستە بولۋدى تالاپ ەتەتىن جاۋاپتى سالا. ەندەشە، مەنىڭ تۇسىنىگىم بويىنشا جاقسى جۋرناليست بولىپ شىعۋ ءۇشىن بويىڭدا قانداي قاسيەتتەر بولۋ كەرەك؟
مەنىڭ ويىمشا، جاقسى جۋرناليست – ول العىر، تالاپشىل، ەڭبەكقور، جاۋاپكەرشىلىگى مول، ايتقان ءسوزى ءماندى دە ءساندى، تىڭداۋشىنى، ءتىپتى، العاشقى سوزدەردەن-اق قىزىقتىرىپ، تارتا بىلەتىن ادام.
ءسىز ەلىمىزدەگى جۋرناليستيكا سالاسى جايلى قانداي پىكىر ۇستاناسىز؟ قازاقستاندىق جۋرناليستيكا داعدارىستا دەگەن سىبىستاردى، وكىنىشكە وراي، ءجيى ەستيتىن بولدىم. قوعام اراسىندا جۋرناليستەر جايلى جاعىمسىز اقپارات ەستۋ – بولاشاق جۋرناليست ءۇشىن وتە اۋىر نارسە. وسى سالانىڭ مامانى بولۋىمنىڭ تاعى ءبىر سەبەبى وسىدا. ەلىمىزدە بۇل سالانىڭ سان عاسىرلىق تاريحى بولسا دا، مەنىڭشە، ءالى دە باعىندىراتىن بەلەستەر بارشىلىق. مەن جۋرناليستيكانى ۇلكەن دەڭگەيگە شىعارىپ، قازاقستان جۋرناليستەرىنىڭ داڭقىن كوتەرگىم كەلەدى. بۇل ماقساتىمدى ورىنداپ، ەلىمىزگە تامشىداي بولسىن، ءوز ۇلەسىمدى قوسقىم كەلەدى.
وسى ويلارىمدى قورىتا كەلە، مەنىڭ الدىما قويعان ماقساتتارىم – مەنىڭ بولاشاعىمنىڭ ۇلكەن بولىگى. ىشكى جان دۇنيەمنىڭ قالاۋى بويىنشا قابىلداعان شەشىمىم دۇرىس ەكەنىنە كامىل سەنەمىن. ءوز ءىسىمنىڭ شەبەرى بولىپ، وسى سالانى ودان ارى اسقاقتاتقىم كەلەدى. مەن جۋرناليستيكا ماماندىعىن تاڭدايمىن!
You Might Also Like
-
ەلباسىنىڭ الدىڭعى جولعى «ۇلتتىق جاڭعىرۋ» ماقالاسى مەن قازىرگى «ۇلى دالانىڭ جەتى قىرى» ماقالالارى ءاربىر قازاقستاندىقتاردىڭ كوكەيىنەن ورىن الدى. شىن مانىندە، بۇكىل سانامىزدى ۇ...
-
«قوش كەلدىڭ، جاڭا جىل!» جۇرگىزۋشى: بالالار قاراڭدارشى بىزدەر ەرتەگى الەمىنە كەلىپ قالىپپىز عوي، قاراڭدارشى مىنا جەردەن نەنى كورىپ تۇرسىڭدار؟ ەندەشە ءبىز وسى جەردە جاڭا جىل مەرەكەسىن تو...
