ءمادي ءباپي ۇلى
ءمادي ءباپي ۇلى (1880-1924) — حالىق اقىنى، انشى-كومپوزيتور. ول قاراعاندى وبلىسىنىڭ قارقارالى اۋدانىندا دۇنيەگە كەلگەن. قاز داۋىستى قازىبەك ءبيدىڭ ۇرپاعى. جاسىنان-اق انشىلىك، دومبىراشىلىعىمەن اتى شىعادى. اقان سەرى، ءبىرجان سال، بالۋان شولاق، ۇكىلى ىبىراي سياقتى ساڭلاقتارمەن كەزدەسىپ، ونەر سايىسىنا تۇسەدى، ونەگە الادى. جالعان جالا جابىلىپ، جازىقسىز اباقتىعا تۇسەدى. تۇرمەدە ەلىن، جەرىن ساعىنىپ، ادىلەتسىز زامانعا قاتتى نالىپ «قاراكەسەك» ءانىن شىعارادى. ءماديدىڭ بۇدان باسقا دا «ءۇشقارا»، «شىركىن-اي»، «ءمادي» اتتى جان سەزىمىن، كوڭىل كۇيلەرىن بەينەلەيتىن شابىتتى شىعارمالارى بار. بۇل اندەردىڭ ءبىرازى كەيىنگى قازاق وپەرالارىندا پايدالانىلۋدا.
ءمادي 1916 جىلعى حالىق-ازاتتىق كوتەرىلىسىنە ءۇن قوسقان. پاتشانىڭ جەرگىلىكتى اكىمدەرىنىڭ وزبىرلىعىن اشكەرەلەيتىن جىرلار تولعاعان. ءمادي
ءباپي ۇلىنىڭ ءان ماتىندەرىنەن باسقا ولەڭدەرى ءالى جيناقتالماعان.
ءماديدىڭ شىعارمالارى تۋرالى ا.جۇبانوۆ زەرتتەۋ ەڭبەكتەر، ال ءا.ابىشيەۆ «نايزاعاي» اتتى رومان، ءا.بەكتاسوۆ «ءمادي» اتتى كىتاپ جازدى.
You Might Also Like
-
قازاق حاندىعىنىڭ نەگىزىن سالۋشىلاردىڭ ءبىرى — موعولستان مەملەكەتى (XIV -XVI عع.). ول XIV عاسىردا شاعاتاي ۇلىسىنىڭ قۇلدىراعان كەزىندە پايدا بولىپ، XVI عاسىرعا دەيىن ءومىر سۇرگەن. مەملەكەت «...
-
ماعجان جۇمابايەۆ (1893 - 1938) سولتۇستىك قازاقستان وبلىسى بۋلايەۆ اۋدانى «مولودەجنىي» كەڭشارىندا تۋعان. العاش ءبىلىمدى اۋىل مولداسىنان، مەكتەپ مۇعالىمىنەن، سودان كەيىن ۋفاداعى «عاليا...
