InfoHub Logo

ءتىل دامىتۋ
ءبىلىم بەرۋ ساپاسى: قاتىناس

تاقىرىبى: ماماندىقتىڭ ءبارى جاقسى.
ماقساتى: 1. بالالاردىڭ ءار ءتۇرلى ماماندىقتار تۋرالى بىلىمدەرىن تولىقتىرۋ
مىندەتتەرى:
1. بالالاردى ءار ءتۇرلى ماماندىقتار يەسىمەن تانىستىرۋ.
2. سۋرەت بويىنشا قويىلعان سۇراقتارعا تولىق جاۋاپ بەرۋگە داعدىلاندىرۋ ارقىلى زەيىندەرىن دامىتۋ.
3. ماماندىق تاڭداۋعا قىزىعۋشىلىقتارىن تۋدىرۋ.
ساباقتىڭ ءتۇرى: ارالاس ساباق
ساباقتىڭ ءادىسى: تريز ءادىسى
كورنەكىلىگى: ماماندىقتار تۇرلەرىنىڭ سۋرەتى، ساندىق.

ساباقتىڭ ۇيىمداستىرۋ ءبولىمى.
تاربيەشى: بالالار سالەمەتسىڭدەر مە! بۇگىن بىزگە قوناقتار كەلىپتى، قانە قارايىقشى. ولاي بولسا بۇگىنگى ءتىل دامىتۋ ساباعىمىزدى باستايىق.
(ەسىك قاعىپ قويان كىرەدى)
- قويان سىزگە نە بولدى؟
- مەن بالالارىما دۇكەننەن سىيلىقتار الىپ كەلە جاتىر ەدىم، مەنى ماشينا قاعىپ كەتتى.
- بالالار، قويانعا قالاي كومەكتەسەمىز؟
- قوياندى كىم ەمدەپ جازادى؟(دارىگەر)
- بالالار قوياننىڭ سىزدەرگە الىپ كەلگەن تاپسىرماسى بار. قوياننىڭ كوڭىل كۇيى جاقسى بولۋ ءۇشىن، تاپسىرماسىن ورىندايىق.
- ال، بالالار مەن سەندەرگە جۇمباق جاسىرايىن.
ال مىنا جۇمباقتاردىڭ شەشۋىن تابىڭدارشى؟
1. الىپ جاتقان جان – جاقتى،
ۇيلەردى كىم تۇرعىزدى. (قۇرىلىسشى)
2. ءومىرىڭدى كۇزەتكەن
ىسقىرىعى كۇشتى ادام. ول كىم؟ (ميليسيونەر)
3. وسكەن شاشتى جاراتپايتىن
قايشىسى بار جالاڭدايتىن. (شاشتاراز)
- جارايسىڭدار بالالار جۇمباقتاردى وتە جاقسى شەشتىڭدەر.
- بالالار قانداي جۇمباقتار شەشتىڭدەر (قۇرىلىسشى، ميليسيونەر، شاشتاراز). بۇل سوزدەر نەنى بىلدىرەدى؟
- ارينە ماماندىقتار تۋرالى. سەبەبى بىزدەر بۇگىنگى ساباعىمىز ماماندىقتار تۋرالى.
ەندى ورنىمىزدان تۇرىپ سەرگىپ الايىق.

سەرگىتۋ ءساتى:
تەرەزەنى اشايىق،
تازا اۋا جۇتايىق.
تەز – تەز، تەز – تەز وتىرىپ،
ورنىمىزدى تابايىق.
بالالار ەندى سۋرەتكە نازار اۋدارايىقشى، ءقازىر سۇراقتارعا تولىق جاۋاپ بەرىپ، سويلەم قۇراستىرايىق.
مىسالى – دارىگەر مامانى كىم؟ – ول كىشكەنتاي بالالارمەن ۇلكەندەردى ەمدەيدى.
اسپازشى مامانى كىم؟ – ءدامدى اس پىسىرۋمەن اينالىسادى.
قۇرىلىسشى مامانى كىم؟ – كوپ قاباتتى، ءزاۋلىم ۇيلەر سالادى.
ءمۇعالىم مامانى كىم؟ – وقۋ مەن جازۋدى، ءبىلىم بەرەتىن اپاي.
ماي قىزمەتكەرى كىم؟ – ەلدىڭ تىنىشتىعىن قورعايتىن مامان.
ساتۋشى كىم؟ – ول ازىق – تۇلىكتەر ساتاتىن ادام.
شاشتاراز مامانى كىم؟ – ءتۇرلى شاش ساندەيتىن ادام.
ءبىز وينايمىز، وينايمىز
كىم بولۋدى قالايمىز.
ولاي بولسا كىم اسپازشى بولعىسى كەلەدى؟
ولاي بولسا كىم ءمۇعالىم بولعىسى كەلەدى؟
ولاي بولسا كىم ماي قىزمەتكەرى بولعىسى كەلەدى؟
ولاي بولسا كىم ساتۋشى بولعىسى كەلەدى؟
ولاي بولسا كىم شاشتاراز بولعىسى كەلەدى؟
كىم دارىگەر بولعىسى كەلەدى؟
ولاي بولسا كىم قۇرىلىسشى بولعىسى كەلەدى؟
- تاربيەشى بالالاردان ءار ماماندىقتىڭ ءىس قيمىلىن اڭگىمەلەپ سۇرايدى.
- بالالار ساتۋشى نە ىستەپ جاتىر؟ (ول ازىق - تۇلىك ساتىپ جاتىر)
بالالار ءبىزدىڭ ورتامىزعا دارىگەر كەلدى. قوياندى دارىگەر ەمدەسىن.
دارىگەر:
جاقسى وقىپ ساباقتى،
ءبىلىم الىپ تولامىن.
اۋرۋلاردى ەمدەيتىن
مەن دارىگەر بولامىن.
شاشتاراز:
ءسان ۇلگىسىن قياتىن
شاشتاراز بولام جولىڭا
ءتۇرلى – ءتۇرلى شاش قيىپ
قىزمەت ەتەم حالقىما.
ساتۋشى:
جاقسى وقىپ ساباقتى
ماقساتىم بۇل ۇرانىم
ۇلكەن بولىپ وسكەندە
ساتۋشى بوپ تۇرامىن.
ماي:
ەلگە قىزمەت ەتەمىن
شارشامايمىن مەن ءبىراق
كۇنى – ءتۇنى ماي بوپ
ۇيىقتامايمىن مەن ءبىراق.
قۇرىلىسشى:
قولدا تەمىر قالاعىم
سازدان ساراي سالامىن
الماتىدان اۋمايتىن
اسەم قالا سالامىن.
ءمۇعالىم:
ءمۇعالىم، اسپازشى
جاقسى وقىپ ساباقتى
ءبىلىم الىپ تولامىن
بوبەكتەردى وقىتار
مەن ءمۇعالىم بولامىن
اسپازشى:
ءدامدى تاماق ءپىسىرىپ
ونەرلى بالا بولامىن
حالقىم سۇيگەن ارداقتى
مەن اسپازشى بولامىن.
- بالالار قوياندى ەمدەپ جازدىق. ەندى جول ەرەجەسىن ماي قىزمەتكەرى ءتۇسىندىرىپ جولدان جۇرگىزىپ كورسەتسىن.
- جارايسىڭ، قويان، ەندى جول ەرەجەسىن ۇيرەندىڭ بە.(ۇيرەندىم)
- ولاي بولسا سەن بىزگە قوناق بول.
- جارايسىڭدار بالالار، ەندى ءبارىمىز تاقتاداعى سۋرەتكە قارايىق.

ءقازىر «كىم جىلدام» ويىنىن وينايمىز. ول ءۇشىن ءبارىمىز تاقتاداعى ويىننىڭ شارتىمەن تانىسىپ وتەيىك.
شارتى: تاقتاداعى سۋرەتتەرگە قارايمىز، قاي سۋرەت ماماندىققا كەرەك. سونى تەز تاۋىپ ايتامىز.
- بالالار قوياندا قىزىعىپ سەندەرمەن ويناعىسى كەلىپ تۇر.
- بىرگە وينايسىڭدار ما؟
- ەندەشە «سەن وسكەندە كىم بولعىڭ كەلەدى؟» ويىنىڭ وينايىق.
- شارتى: قويان دوپ لاقتىرۋ ارقىلى ءار بالا ءوز ويىن ايتادى.
- بالالار مەن كوجەكتەرىمە بارايىن. سەندەر جول ەرەجەسىن ۇيرەتتىڭدەر جانە دارىگەرلىك كومەك كورسەتتىڭدەر. ال ەندى مەن سىيلىقتارىممەن بولىسەيىن. (الما تاراتۋ) سەندەرگە كوپ راحمەت. ساۋ بولىڭدار بالالار.

قورىتىندى:
- بۇگىن بالالار قانداي تاقىرىپتا اڭگىمەلەستىك؟
- قانداي ماماندىق يەلەرىن بىلدىڭدەر بالالار؟
جارايسىڭدار بالالار قازاقتا مىناداي ماقال بەر، «ەڭبەك ەتسەڭ ەرىنبەي، تويادى قارنىن تىلەنبەي»، «ەڭبەكتىڭ – نانى ءتاتتى، جالقاۋدىڭ جانى ءتاتتى»
بالالار ەرىنبەي ەڭبەكتەنىپ ساباققا جاقسى قاتىسقاندارىڭىز ءۇشىن كوپ راحمەت.
ماداقتاۋ: بۇگىنگى ساباققا بالالار وتە جاقسى قاتىستىڭدار.