InfoHub Logo

«ماقتانىشىم – تاۋەلسىز قازاقستان»
(كونسەرتتىك باعدارلاما)

ماقساتى:
• قازاق ەلىنىڭ ءجۇرىپ وتكەن جولدارىن، تاۋەلسىزدىك تۋى جەلبىرەگەن جىلدار ىشىندەگى جەتكەن جەتىستىكتەرىن ايتا وتىرىپ، ونى ماڭگى ەستە ساقتاۋ كەرەكتىگىن ءتۇسىندىرۋ.
• وقۋشىلاردى وتاندى سۇيۋگە، تۋعان جەرگە سۇيىسپەنشىلىگىن ارتتىرۋعا، سانالىلىققا، ۇقىپتىلىققا، تاربيەلەۋ.

ءتۇرى: ادەبي – مۋزىكالىق مونتاج.
كورنەكىلىكتەر: ناقىل ءسوز، جالاۋلار، سۋرەتتەر، رامىزدەر، سلايدتار.

بارىسى:

/باستالماس بۇرىن ساحنادان قازاقستان تۋرالى سلايد كورسەتىلەدى، سلايد اياقتالعان سوڭ فانفار وينالىپ 2 جۇرگىزۋشى ورتاعا شىعادى/
1 - جۇرگىزۋشى:
قازاق ەلى تاۋەلسىزدىگىن العانىنا بيىل 21 جىل تولدى. ءوز الدىنا ەگەمەندى ەل بولىپ، تاۋەلسىز ەل اتاندى، قازاق حالقى ءۇشىن، ارينە، ۇلكەن قۋانىش. ءوز ەلىن، ءوزىنىڭ كىندىك قانى تامعان تۋعان جەرىن، انا سۇتىمەن دارىعان تۋعان ءتىلىن تۇسىنبەيتىن ادام جوق. ءبىزدىڭ تۋعان ەلىمىز – قازاقستان! دالاسى قاراسا كوز جەتپەيتىن كەڭ، تاۋلارى ايبات، حالقى مەرەيلى عاجايىپ ولكە.

2 - جۇرگىزۋشى:
ەركىندىك، ازاتتىق ءبىزدىڭ حالقىمىزدىڭ ەجەلگى ارمانى ەدى. اتاجۇرت ءۇشىن، ازاتتىق ءۇشىن جان بەرىپ، جان الىسقا نەبىر سۇراپىل شايقاستار ءوتتى. سول شايقاساتا قانشاما ارىستىڭ قانى توگىلدى، جانى قيىلدى. تامىرى تەرەڭگە بايلانعان الىپ بايتەرەكتەي قازاق حالقى تالاي بوزداعىنان ايىرىلدى، تالاي توزاقتى كوردى، تالاي تەڭسەلدى، ءبىراق قۇلامادى. قۇلاماۋ ءۇشىن قانشاما قىرشىندى قۇرباندىققا شالدى. مىنەكي، بۇگىندە ءبىز – تاۋەلسىزدىكتىڭ بەرىك تۇعىرىنا مىنگەن ەگەمەندى ەلمىز.

1 - جۇرگىزۋشى:
بۇگىنگى «ماقتانىشىم – تاۋەلسىز قازاقستان» اتتى سالتاناتتى كەشىمىزگە...

ەكەۋى بىرگە: قوش كەلدىڭىزدەر!!!

1 - جۇرگىزۋشى:
بۇگىنگى سالتاناتتى كەشىمىزدى اشۋ ءۇشىن ءسوز مەكتەپ ديرەكتورىنىڭ وقۋ ءىسى جونىندەگى ورىنباسارى ورازقۇلوۆا ءدىلبارحان اپكەگە بەرىلەدى.

2 - جۇرگىزۋشى: ءانۇرانىم – جانۇرانىم،
ايتار ءانىم – سويلەر ءسوزىم.
تۋعان جەرىم ساعىنارىم،
ماڭگى باقي شىرقالادى
رەسپۋبليكام ءانۇرانى!
(قازاقستان رەسپۋبليكاسىنىڭ مەملەكەتتىك گيمنى ورىندالادى)
***
2 - جۇرگىزۋشى:
سونىمەن، جەلتوقسان وقيعاسى نە سەبەپتەن بولدى، وعان كىمدەر قاتىستى، ول وقيعاعا سول كەزدە قانداي باعا بەرىلدى؟

1 - جۇرگىزۋشى:
ءيا، ول كۇن تاۋەلسىزدىكتىڭ تۋىن ەڭ العاش كوتەرگەن – ايگىلى 1986 جىلدىڭ 16 جەلتوقسانى ەدى. تاڭەرتەڭگى ساعات 10 - دا بار - جوعى 18 مينۋتتا 26 جىل رەسپۋبليكانى ۇزدىكسىز باسقارىپ كەلگەن دىنمۇحامەت قونايەۆ ورنىنان ءتۇسىرىلىپ، ورنىنا كولبين ەشكىمنىڭ پىكىرىنسىز - اق ۇسىنىلعان ەدى.

2 - جۇرگىزۋشى:
كەلدى وسىلاي اڭساعان كۇنىمىز دە
كوپتەن كۇتكەن تاۋەلسىزدىك كەلدى بىزگە.
قايتا ورالدى سان عاسىرلىق قيىندىقتان،
قاسيەتتى ءتىلىمىز بەن ءدىنىمىز دە.

1 - جۇرگىزۋشى:
ءار قازاقتىڭ ەسىندە ساقتالادى،
جەلتوقساندىق ورەندەر اقتالادى.
ەل نامىسىن قورعاعان ساربازدارىم،
ەرلىكتەرىن ماڭگىلىك ساقتالادى.
- قۇرمەتتى قوناقتار! «جەلتوقسان قۇرباندارىن» ەسكە الايىق.
(1 مينۋت ۇنسىزدىك)

***
1 - جۇرگىزۋشى:
1986 جىل، 16 - جەلتوقسان. بۇل ەرلىك پەن ورلىك، قايعى مەن قاسىرەت ميداي ارالاسقان ءارى جاقىن، ءارى قارالى دا، قاسىرەتتى كۇن ەدى.
مۇز جاستانىپ ازاتتىقتىڭ جولىندا،
تاۋەلسىزدىك تۋى تۇردى قولىندا.
سويىل تاياق ويناسا دا جانىندا.
وتان ءۇشىن جانىن قيدى ۇلدارىڭ،
از بولعان جوق ازاپ شەككەن قىزدارىڭ،

2 - جۇرگىزۋشى:
كۇيىنىشتەن اۋىرادى جۇرەگىم،
ەستىگەندە جەلتوقساننىڭ ىزعارىن.
جەلتوقسان - اۋ، ۇمىتىلمايسىڭ جۇرەكتە،
ۇرپاق وسەر اينالاتىن تىرەككە،
ەگەمەندىك ءتيدى بۇگىن ەنشىمە،
جەلتوقسانىم، جەتكىزدىڭ اق تىلەككە.

1 - جۇرگىزۋشى:
كەزەكتى جەلتوقسان وقيعاسىنا ارنالعان كورىنىسكە بەرەيىك!
/كورىنىس/
***
1 - جۇرگىزۋشى:
تاۋەلسىزدىك بىزگە وڭاي كەلمەدى،
تۋىمىزدى بىزگە ەشكىم بەرمەدى.
ەل تىزگىنىن قولىنا الۋ جولىندا
قىرشىن كەتتى تالاي قازاق ەرلەرى.

2 - جۇرگىزۋشى:
16 جەلتوقسان – قازاق ۇلتى ءۇشiن ەرەكشە قاستەرلi كۇن. قازاقستان ءوزiنiڭ مەملەكەتتiك ەگەمەندiگiن جاريالاعان كۇن رەتiندە عانا ەمەس، قازاق حالقىنىڭ توتاليتارلى رەجيمگە باس كوتەرiپ، جەلتوقسان كوتەرiلiسi بولعان كۇن رەتiندە ەل بۇل داتاعا ايرىقشا ءمان - مازمۇنمەن قارايدى. سەبەبi 1986 جىلى الماتىداعى رەسپۋبليكا الاڭىندا باستالعان جەلتوقسان وقيعالارى قازاق تاريحىندا كەنەسارى قاسىم ۇلى، يساتاي مەن ماحامبەت، سىرىم دات ۇلى ءتارiزدi ۇلت تۇلعالارىنىڭ بiر كەزدەگi باس كوتەرۋiنەن بiردە - بiر كەم بولعان جوق.

1 - جۇرگىزۋشى:
ەندەشە ابيىربەك اعامىز بەن مايرا اپايىمىزدىڭ ورىنداۋىنداعى «جەلتوقسان جەلى» ءانىن ەكراننان تاماشالايىق!
/ەكراندا «جەلتوقسان جەلى» ءانى/
***
1 - جۇرگىزۋشى:
سەنەن ارتىق قاسيەت جوق جەر تەگى،
سەن ۇرپاقتىڭ كۇلىپ اتار ەرتەڭى.
تاعدىرىڭدى تاپسىر ماعان تۋعان جەر،
كوركەيتۋگە مىندەتتىمىن مەن سەنى!

2 - جۇرگىزۋشى:
ورىنتايەۆ بالعىننىڭ ورىنداۋىندا -«جەڭىس تۋى جەلبىرەپ» ءانى.
قوشەمەتپەن قارسى الايىق، حالايىق!
***
1 - جۇرگىزۋشى: وتان... اتامەكەن... اتاجۇرت... تاريح... بۇل قاي قۇلاققا دا اسقاق ەستىلەر اسىل ۇعىمدار. ادام ومىرگە كەلىپ، ەس جيىپ، ەتەك جايا باستاعان ساتتەن اق وتانىنىڭ تاريحىنا دەن قويا باستايدى.

2 - جۇرگىزۋشى: بايتاق ەل، كۇن ساۋلەتتى قازاقستان بۇگىندە دامۋدىڭ داڭعىل جولىنا ءتۇستى. ولشەۋسىز تابيعات بايلىعىمەن عانا ەمەس، ەڭ الدىمەن سان ءتۇرلى ۇلتتاردان قۇرالعان حالقىنىڭ اۋىزبىرلىگىمەن اتى شىقتى. بۇگىنگى قازاقستان ءوزى ورنالاسقان ايماقتىڭ عانا ەمەس، بۇكىلالەمدىك ماسەلەلەردى تالقىلاۋدا جانە شەشۋدە ىقپالدى ءرول اتقاراتىن ەل.

1 - جۇرگىزۋشى: ەندەشە، ەلىمىزدىڭ تاۋەلسىزدىك العالى 20 جىلدىق تاريحىنا ۇڭىلەيىك، ەكرانعا نازار اۋدارايىق!
/1991 - 2011 جىلدار ارالىعىنداعى ەكراندىق ۆيدەومونتاج كورسەتىلەدى./
***
1 - جۇرگىزۋشى:
دۋمان قىزسىن، كورسەتسىن ەل ونەرىن،
جاتىر نەبىر ايتىلىپ ءسوز دە كەرىم.
ءان بۇلاعى قاينارىن قانىپ ىشكەن،
كورسەتسىن وقۋشىلار ءوز ونەرىن.
/ەكراننان بەكبولات تىلەۋحاننىڭ تاۋەلسىزدىك تۋرالى وي - تولعاۋى/

2 - جۇرگىزۋشى: ساحنادا راتاي سارا «تۋعان جەر» ءانى. قوشەمەتپەن قارسى الايىق!
***
1 - جۇرگىزۋشى:
تاۋەلسىزدىك بىزگە وڭاي كەلمەدى،
جۇرتىم مەنىڭ نە قيىندىق كورمەدى
جىلاپ تۇرىپ انالارىم بۇل جولدا
سان پەرزەنتىن قارا جەرگە جەرلەدى.

2 - جۇرگىزۋشى:
تاۋەلسىزبىن، تاۋەلسىزبىن مەن بۇگىن،
كەلدى، مىنە ازاتتىعىم، تەڭدىعىم،
بوستاندىقتا بايلىعىم مەن ەندىگىم
شەشىل ەندى، شەمەن بولعان شەرلى ءۇنىم.
/ەكراننان ارداق نازاروۆتىڭ تاۋەلسىزدىك تۋرالى وي - تولعاۋى/

1 - جۇرگىزۋشى:
اۋداندىق « جاس اقىندار جىرلايدى» اتتى ءمۇشايراعا قاتىسىپ العىس حاتپەن ورالعان 5 سىنىپ وقۋشىسى زينابدۋللايەۆ بەكنۇردى «تاۋەلسىز قازاقستان» ولەڭىمەن قارسى الايىق!
***
1 - جۇرگىزۋشى:
جەلتوقسان ايى ەستەسىڭ،
داۋىل بوپ بۇرقان سەپكەنسىڭ،
ازاتتىق كۇنى قاشاننان
كوكەيىن ەلدىڭ تەسكەنسىڭ.

/ەكراننان مەدەۋ ارىنبايەۆتىڭ تاۋەلسىزدىك تۋرالى وي - تولعاۋى/

2 - جۇرگىزۋشى:
ساحنادا 9 «ءا» سىنىپ وقۋشىلارى قايىرحانوۆا زاعيرا مەن رىسقۇلبەك باعداتتى «سالەم ساعان، تۋعان ەل» انىمەن قارسى الايىق!
***
1 - جۇرگىزۋشى:
سارىارقا دالاسىندا، ەسىل وزەنىنىڭ جاعاسىندا الەمدى وزىنە قاراتقان جاڭا قالا بوي كوتەردى. ول ءبىزدىڭ ەلوردامىز – استانا. استانا دا تاۋەلسىزدىگىمىزدىڭ بەلگىسى ەمەس پە؟
2 - جۇرگىزۋشى:
دوستىق پەيىل – تاتۋلىقتىڭ تىرەگى.
ءبىزدىڭ حالىق بەيبىت ءومىر سۇرەدى.
بار الەمدى ءبىر وزىنە قاراتقان
ەلوردامىز – ەۋرازيا جۇرەگى!
1 - جۇرگىزۋشى:
ءبىز بۇگىندە بۇكىل ەلىمىزدىڭ يگىلىگى بولىپ تابىلاتىن جاڭا استاناعا يە بولدىق.
2 - جۇرگىزۋشى:
جاڭا ەلوردا وتانىمىز ءۇشىن ءبىزدىڭ سۇيىكتى قازاقستانىمىزدىڭ جاڭا بولاشاعىنىڭ جارقىن دا ىزگى بەتاشارى بولدى.

***
رسالييەۆ ماديار - « استانا – ازيانىڭ ارۋ قىزى»
الىمبەك جادىرا – «استانا»
داتاي ديدار«بايتەرەك»

***
1 - جۇرگىزۋشى:
ارمانعا اقىر جەتتىك، ەل بولدىق تا ەگەمەن
ويدا جوقتا تۇسكەن جوق قوي بۇل توبەدەن
تاريحي سول كۇرەستىڭ تارتۋى ول،
ارۋاق قولداپ، ءادىل شىندىق جەبەگەن.

2 - جۇرگىزۋشى:
ساحنادا سەيدالييەۆ نۇربولات «ءوز ەلىم» انىمەن. قوشەمەتپەن قارسى الايىق!

***
1 - جۇرگىزۋشى:
و، داريعا، التىن بەسىك تۋعان جەر،
ءقادىرىمدى كەلسەم بىلمەي كەشە كور
سۇيەم سەنىڭ تۋعان ەل – اتامەكەن
ابزال انام سەنسىڭ عوي قۇشاعىڭ كەڭ.

2 - جۇرگىزۋشى:
ساحنادا قۇدايبەرگەن دوسجان «جاسا قازاق» انىمەن. قوشەمەتپەن قارسى الايىق!
***
1 - جۇرگىزۋشى:
تاۋەلسىزدىك پەيىل سىيى قازاقتىڭ
ارىمىزدان ارىلعالى ازاتتىڭ
باتىرى كوپ، اقىنى كوپ حالىققا
اللا جار بوپ تۋا قالعان عاجاپ كۇن.

2 - جۇرگىزۋشى:
سۇلەيمەنوۆ ءبىرجاننىڭ ورىنداۋىندا قۇرمانعازىنىڭ «اداي» كۇيى
***
1 - جۇرگىزۋشى:
5 - سىنىپ وقۋشىلارىنىڭ ورىنداۋىندا حور «اتامەكەن»
***
1 - جۇرگىزۋشى:
وسىنداي ەركىندىكتى ەل تىلەسىن،
باقىت قۇسى باسىمىزعا ەركىن كەلسىن.
ال ەندى تاۋەلسىزدىك قۇتتى بولىپ،
كوك بايراق ماڭگى باقي جەلبىرەسىن!

2 - جۇرگىزۋشى:
نامىستى وت - جالىنعا شىندايىق ءبىز،
قايراتتىڭ ەرلىگىنە لايىقپىز.
20 جىل تولعان ەكەن جەلتوقسانعا،
ءاۋمين، قابىل بولسىن، جىر - ءانىمىز!

1 - جۇرگىزۋشى:
وسىمەن، بۇگىنگى كونسەرتتىك باعدارلامامىز ءوز مارەسىنە جەتتى. نازار قويىپ تىڭداعاندارىڭىزعا راحمەت!