InfoHub Logo

№16 كوللەدج مكقك
ساپا مەنەدجمەنتى جۇيەسى
ورىنداعان: ا-41 توپ ستۋدەنتى مۇستاپا احمەت تورەبەك ۇلى
جەتەكشىسى: يبراەموۆ امانوللا مەيرامحانوۆيچ
 

ماماندانۋدىڭ ءۇش ءتۇرى - بۇيىمدىق، تەتىكتەر مەن بولشەكتەر شىعارۋ جونە تەحنولوگيالىق تۇرلەرى بار. ماشينا جاساۋدىڭ ءار سالاسى بەلگىلى ءبىر ءونىم تۇرلەرىن: تراكتور جاسايتىن - تراكتورلار، ستانوك جاسايتىن - ستانوكتار، اسپاپتار جاساۋ - اسپاپتار شىعارادى. ءبىر سالاعا ءونىم شىعاراتىن زاۋىتتار سول ءوز سالاسىنا وراي ماماندانادى. مىسالى، قىزىلورداداعى اۋىل شارۋاشىلىق ماشينالارىن شىعاراتىن زاۋىت - كۇرىش جينايتىن ماشينا، استاناداعى زاۋىت - تۇقىم سەپكىش تراكتور، پاۆلودارداعى زاۋىت - تراكتورلار شىعارادى. ونىمدەر بويىنشا ونداي ماماندانۋدى - بۇيىمدىق ماماندانۋ دەپ اتايدى. ماشينا جاساۋ زاۋىتتارى، كەپ جاعدايدا، دايىن ءونىم ەمەس (ستانوك، اۆتوموبيل)، ونىڭ بولشەكتەرىن شىعارۋمەن اينالىسادى. ونداي ماماندانۋدى بولشەكتەر بويىنشا ماماندانۋ دەپ اتايدى. مىسالى، ستەپنوگورداگى زاۋىت تەمىر جول پودشيپنيكتەرىن، قوستانايداعى - اۋىل شارۋاشىلىق ماشينالارى ءۇشىن ديزەل قوزعاعىشتارىن، ال تالدىقورعانداعى - اككۋمۋلياتورلار شىعارادى.ماشينا جاساۋ زاۋىتتارىنىڭ ءۇشىنشى ءبىر ءتۇرى - تەحنولوگيالىق ماماندانۋ.

ماشينا جاساۋ ءۇش نەگىزگى تەحنولوگيالىق كەزەڭنەن تۇرادى. ءبىرىنشى كەزەڭ - قۇيۋ، سوعۋ نەمەسە سىعىمداۋ ارقىلى بولشەكتەر دايارلاۋ. ەكىنشىسى - بولشەكتەردى ستانوكتاردا مەحانيكالىق وڭدەۋدەن وتكىزۋ، ال ءۇشىنشىسى - بولشەكتەردەن دايىن ونىمدەر قۇراستىرۋ. ەگەر زاۋىت ءوندىرىستىڭ بارلىق ءۇش كەزەڭىن جۇزەگە اسىرماي، تەك بىرەۋىمەن عانا اينالىسسا، ول تەحنولوگيالىق ماماندانۋ، ياعني تەحنولوگيالىق پروسەستەر كەزەڭى بويىنشا ماماندانۋ بولىپ تابىلادى. مىسالى، وسكەمەندەگى اۆتوكولىك قۇراستىرۋ زاۋىتى اۆتوكولىكتەردى تەك دايىن بۇيىمدار جيىنتىعىنان قۇراستىرادى. ياعني بۇل - تەحنولوگيالىق ماماندانۋ بولىپ سانالادى. كەز كەلگەن ماماندانۋ (تەحنولوگيالىق، تەتىكتىك، بۇيىمدىق) كاسىپورىندار اراسىنداعى كووپەراتيۆتەندىرۋسىز (ىنتىماقتاسۋسىز) مۇمكىن ەمەس. كەز كەلگەن اۆتوكولىك ءتۇرلى بولشەكتەردەن (مىسالى، ەلەكتروۆوزداردا ولاردىڭ سانى 200 مىڭنان استام) تۇرادى. ءبىر زاۋىتتا ولاردىڭ بارلىك تۇرلەرىن شىعارۋ مۇمكىن ەمەس جانە ءتيىمسىز. سوندىقتان ءبىر زاۋىت ەكىنشى بىرەۋمەن كووپەراتيۆتەندىرىلەدى. مىسالى، «ازيا-اۆتو» زاۋىتى «نيۆا» كولىگىنە اككۋمۋلياتورلاردى تالدىقورعاننان اكەلەدى. سونىمەن، ماشينا جاساۋ كەشەنى سالاارالىق ەمەس ىشكى سالالىق دامۋىمەن ەرەكشەلەنەدى.

 پايدالانعان ادەبيەتتەر:
-  قازاقستاننىڭ ەكونوميكالىق جانە الەۋمەتتىك گەوگرافياسى: جالپى ءبىلىم بەرەتىن مەكتەپتىڭ 9-سىنىبىنا ارنالعان وقۋلىق /ۆ. ۋسيكوۆ، ت. كازانوۆسكايا، ا. سيكوۆا، گ. زوبەنوۆا. 2-باسىلىمى، وڭدەلگەن. - الماتى: اتامۇرا، 2009. ISBN 9965-34-934-7
- https://kk.wikipedia.org/wiki/ماشينا_جاساۋ_كەشەنى

---