مەدەۋباي قۇرمانوۆتىڭ تۋىلعانىنا بيىل 80 جىل
الماتى وبلىسى،جاركەنت اۋدانىندا 1938 جىلى قاراشانىڭ 28-ىندە دۇنيەگە كەلگەن. مەدەۋباي شاياحمەت ۇلى قۇرمانوۆ - ادەبيەتتانۋشى، عالىم، اۋدارماشى، اقىن، فيلولوگيا عىلىمدارىنىڭ كانديداتى.
ارپالىسقا،قيىندىق پەن قۋانىشقا تولى مىنا ومىردە 46 عانا جىل قوناق بولسادا،ارتىندا قالعان وشپەس ەڭبەكتەرى بۇگىنگى جاس ۇرپاققا مۇرا.
مەدەۋباي قۇرمانوۆ تەك قانا ادەبيەتتانۋشى،عالىم عانا ەمەس،سونىمەن قاتار،مۇعالىمدىك قىزمەتتى دە قاتار الىپ جۇرگەن.ءوزىنىڭ اقىندىق قاسيەتىمەن عانا شەكتەلىپ قويماي،ءارتۇرلى مەكەمەلەردە ءتۇرلى قىزمەتتەر اتقارعان.
ەڭبەك جولى:
قازاق مەملەكەتتىك حالىقارالىق قاتىناستار جانە الەم تىلدەر ۋنيۆەرسيتەتىن بىتىرگەن (1968).
1955 - 1963 جىلدارى قىزىلجار، قوعالى ورىس جانە قازاق ورتا مەكتەپتەرىندە ءمۇعالىم،
1963 جىلى الماتى مەديسينالىق ينستيتۋتىندا وقىتۋشى،
1966 - 1974 جىلدارى كافەدرا مەڭگەرۋشىسى،
1974 - 1978 جىلدارى قازاق مەملەكەتتىك حالىقارالىق قاتىناستار جانە الەم تىلدەر ينستيتۋتىندا دوسەنت،
1978 - 1983 جىلدارى ادەبيەت جانە ونەر ينستيتۋتىنىڭ ءبولىم مەڭگەرۋشىسى قىزمەتىن اتقارعان.
بىلىكتى عالىم،ايتۋلى اقىن ءوزىنىڭ شىعارماشىلىق ومىرىندە جەتكەن ەڭ ۇلكەن جەتىستىكتەرىنىڭ بىرى-نەمىس اقىنى ي.گەتەنىڭ ‹‹فاۋست›› تراگەدياسىنىڭ قازاقشا اۋدارماسى.‹‹ءومىر،قانداي ءتاتتى ەدىڭ››اتتى كىتاپتا مەدەۋباي قۇرمانوۆ جايلى بىلاي دەپ جازىلعان ەكەن:″مەدەۋباي ارمانشىل بولاتىن.كەزدەسە قالساڭ-اق قازاق پەن نەمىس ادەبيەتىنىڭ اراسىندا باياعى اباي زامانىنان بەرى ۇزىلمەي كەلە جاتقان رۋحاني بايلانىستار جايىندا تەبىرەنىپ،تولعانا سويلەيتىن.وسى حاقىندا ءىرى-ىرى ەڭبەكتەر،زەرتتەۋلەر جازۋدى ارماندايتىن.نەمىس كلاسسيكتەرىن قازاق تىلىنە ءتۇپنۇسقادان تىكەلەي اۋدارۋ كەرەكتىگىن ءاردايىم باسا ايتۋشى ەدى″. اقىن اسقاق ارمانىنا جەتىپ قانا قويماي،ارتىندا وشپەس،ماڭگى ءىز قالدىرىپ كەتتى.
اقىن مەدەۋباي اعامىز گەتەنىڭ ‹‹فاۋست›› تراگەدياسىمەن عانا شەكتەلىپ قالمادى،تاعى دا گەنريح گەينەنىڭ ءبىر توپ ولەڭدەرىن، ۆيللي برەدەلدىڭ پروزاسىن اۋدارسا، «جالىن» باسپاسى «ەسكى ب ا ق» اتتى ەرتەگى كىتابىن شىعارعان. سونداي-اق، كلاۋس شنايدەردىڭ «الماتى–قازاقستان كوكتەمى» دەگەن كىتابىنان بىرنەشە تاراۋدى قازاقشاعا اۋدارعان. سوۆەت-نەمىس جازۋشىلارى ا.رەيمگەن، ە.ۋلمەر، ك.ەرليح، ن.ۆاككەردىڭ شىعارمالارىن قازاق تىلىندە سويلەتكەن جانە «ءومىر قانداي ءتاتتى ەدىڭ»، «دوستىق كوپىرى» دەگەن كىتاپتارى بار. جاريالانعان وسى ەڭبەكتەرمەن اقىن-اۋدارماشى اعامىزدىڭ ەسىمى قانشاما ەلگە تانىمال بولسا،دارىندى اقىنىمىزدىڭ بۇگىندە جاريالانباعان كوپتەگەن ولەن جولدارى بار ەكەنى بەلگىلى.
كوزىنىڭ تىرىسىندە مەدەۋباي قۇرمانوۆ ارنايى شاقىرۋمەن گەرمانيانىڭ سىيلى قوناعى بولعان. بۇگىنگى تاڭدا حالىقارالىق ۆەنمار مۋزەيىندە مەدەۋباي قۇرمانوۆ اعامىزعا ارنالعان ەكسپوناتتار بار.
مەدەۋباي قۇرمانوۆ جانە قۇندى ادەبي مۇرالارى بۇگىنگى كۇنى عانا ەمەس، بولاشاقتا دا كەڭىنەن ناسيحاتتالىپ، ءوز جالعاسىن تابا بەرمەك.
You Might Also Like
