مەكتەپ ديرەكتورى نۇرسۇلتان نازاربايەۆقا قازاقتىڭ قارا دومبىراسىن سىيعا تارتتى
بۇگىن اقوردادا قازاقستاننىڭ ايەلدەر قاۋىمى وكىلدەرىمەن «كوكتەم شۋاعى» اتتى كەزدەسۋ بارىسىندا سولتۇستىك قازاقستان وبلىسى ۆوزۆىشەنكو ورتا مەكتەبىنىڭ ديرەكتورى يرينا سەدوۆا ەلباسى نۇرسۇلتان نازاربايەۆ دومبىرا سىيلادى.
«سولتۇستىك قازاقستان وبلىسىنىڭ ۆوزۆىشەنكو اۋىلىنان كەلىپ وتىرمىن. ءبىزدى الىس-الىس اۋىلداردان، ەلىمىزدىڭ تۇپكىر-تۇپكىرىنەن شاقىرىپ، وسىنداي شۋاقتى كەزدەسۋ ۇيىمداستىرعانىڭىز ءۇشىن سىزگە العىسىم شەكسىز. بۇل ءبىز ءۇشىن ۇمىتىلماس تاريحي وقيعا!
قۇرمەتتى نۇرسۇلتان ءابىش ۇلى، مەنىڭ قازاق ءتىلىن ءبىلۋىم تاعدىرىما ەرەكشە اسەر ەتتى. قازىرگى تاڭدا ءوزىم ءبىلىم العان مەكتەپتىڭ ديرەكتورىمىن ءارى سوندا قازاق تىلىنەن ساباق بەرەمىن. ەندى اعىلشىن ءتىلىن ۇيرەنىپ ءجۇرمىن. مەملەكەتتىك ءتىلدى ءبىلۋ ءاربىر ازاماتتىڭ پارىزى دەسەك، وزگە ءبىلدى ءبىلۋ ءوزىڭ ءۇشىن كەرەك. سوندىقتان ءسىزدىڭ ءۇش ءتىلدى ءبىلىم بەرۋ باستاماڭىزدى قولدايمىن. اسا قۇرمەتتى ەلباسى! قازاقتىڭ شارشاعانىن باساتىن دا، جان سارايىن اشاتىن دا قاسيەتتى دومبىرا. ءسىزدىڭ دومبىرانى جاقسى تارتاتىنىڭىزدى ءبارىمىز دە بىلەمىز. مەن سىزگە 9 پەرنەسىنە قازاقستانداعى 9 ميليلون ايەلدىڭ وزىڭىزگە دەگەن ىقىلاسى سياتىن دومبىرا سىيلاعىم كەلەدى»، - دەي كەلە ول قازاقستان پرەزيدەنتىنە دومبىرانى سىيعا تارتتى.
«مەملەكەتتىك ءتىلدى بىلەسىڭ، ورىس ءتىلىن بىلەسىڭ. ءوزىڭنىڭ انا ءتىلىڭ نەمىس ءتىلىن دە بىلەسىڭ. جارايسىڭ!»، دەگەن ەلباسى سىيعا تارتقان دومبىرانى قابىل الدى.
You Might Also Like
-
قىزىلوردا وبلىسى، ارال اۋدانى بەكباۋىل ەلدى مەكەنى، №65 ورتا مەكتەپتىڭ 4 «ب» كلاسس وقۋشىسى: التىنبەك ۇلى قۇرمانعازى جەتەكشىسى: كۋشەكبايەۆا فاريدا ابساتوۆنا
-
ەگىنشىلىك جۇيەسى — وسىمدىك شارۋاشىلىعى سالاسىن عىلىمي تۇرعىدان جۇرگىزۋ. ەلىمىزدىڭ ەگىنشىلىك جۇيەسىنە بەلگىلى ورىس عالىمى پروفەسسور ا.ن. سونەتوۆ (1826-1901 جج.) عىلىمي نەگىزدە تۇسىنىك بەردى. X...
