اقتوبەنىڭ قارعالى اۋدانىندا بىردە ءبىر قازاق مەكتەبى جوق
اقتوبەنىڭ قارعالى اۋدانىندا 17 مىڭنان استام ادام تۇرادى. ولاردىڭ 32 پايىزى وزگە ۇلت وكىلى. اۋدانداعى 17 مەكتەپتىڭ ۇشەۋى ورىس تىلىندە، وزگەسى ارالاس تىلدە ءبىلىم بەرەدى.
اقتوبەنىڭ رەسەيمەن شەكاراس اۋداندارىندا قازاق ءتىلىنىڭ جاعدايى ءماز ەمەس. تۇرعىندارىنىڭ 32 پايىزى وزگە ۇلت وكىلى سانالاتىن قارعالى اۋدانىندا ءالى كۇنگە دەيىن بىردە ءبىر قازاق مەكتەبى جوق.
«اۋدانداعى ءۇش مەكتەپ ورىس تىلىندە، وزگەسى ارالاس. قارعالىنىڭ ورتالىعى بادامشا اۋىلىندا ءبىر مەكتەپ ورىس تىلىندە، بىرەۋى ارالاس بولىپ تۇر. ارالاس مەكتەپ ءتورت جىلدان كەيىن تۇگەلدەي قازاق تىلىنە اۋىستىرىلادى. وعان دەيىن بۇرىن مەكتەپكە قابىلدانعان بالالاردىڭ ءبارى ءبىتىرىپ شىعادى. بالا سانى از بولعان سوڭ اۋدان ورتالىعىنداعى ارالاس تىلدە ساباق بەرەتىن ءبىر مەكتەپتىڭ ءوزىن تولتىرا الماي وتىرمىز»،- دەدى اۋدان اكىمى راحات سىدىقوۆ. ونىڭ ايتۋىنشا، الداعى 2-3 جىلدا اۋدان مەكتەپتەرىنىڭ 60 پايىزى قازاق تىلىندە ءبىلىم بەرەدى دەگەن جوسپار بار.
ايتا كەتەيىك، اقتوبەنىڭ قارعالى اۋدانىندا 17 مىڭنان استام ادام تۇرادى. ونىڭ 9 مىڭنان استامى ەكونوميكالىق بەلسەندى توپقا كىرەدى.
You Might Also Like
-
تابيعات جاساعان جاراتىلىسىنىڭ ءار تىنىمسىز بۇلكىلى پەرزەنتىنە دەگەن تەك قانا كەشىرىم مەن مەيىرىمنەن تۇراتىن ءبىر ۇلكەن جۇرەك بار. ول – انانىڭ جۇرەگى. سول ۇلكەن جۇرەكتەن تارايتىن كۇن ساۋلەسىن...
-
بارلىق عىلىمنىڭ ماقساتى مەن مىندەتتەرى، زەرتتەۋ نىساندارىنا سايكەس قولدانىلاتىن ادىس-تاسىلدەر بولادى. پالەوگەوگرافيالىق جاراتىلىستانۋ باعىتىنداعى عىلىمداردىڭ ءوزارا توعىسۋ ايماعىندا ورنالاسقاندىقتان...
