مەكتەپ جانە كوللەدج پەداگوگتەرىنىڭ، بالاباقشا تاربيەشىلەرىنىڭ جالاقىسى تاعى 25%-عا ءوستى
2022 جىلدىڭ 1 قاڭتارىنان باستاپ پرەزيدەنت قاسىم-جومارت توقايەۆتىڭ تاپسىرماسى بويىنشا بالاباقشا تاربيەشىلەرىنىڭ، مەكتەپتەر مەن كوللەدجدەردىڭ، سونداي-اق قوسىمشا ءبىلىم بەرۋ جۇيەسى پەداگوگتەرىنىڭ جالاقىسى تاعى 25 پايىزعا ۇلعايدى.
بۇل جايىندا ق ر ءبىلىم جانە عىلىم مينيسترلىگىنىڭ باسپا ءسوز قىزمەتى ءمالىم ەتتى.
ەستەرىڭىزگە سالا كەتسەك، مەملەكەت باسشىسىنىڭ تىكەلەي تاپسىرماسىمەن پەداگوگتەردىڭ جالاقىسى 2020 جىلدىڭ قاڭتارىندا 25 جانە 2021 جىلدىڭ قاڭتارىندا تاعى 25 پايىزعا وسكەن بولاتىن. وسىلايشا، مۇعالىمدەردىڭ جالاقىسى ەكى ەسە ۇلعايادى.
«ءبىز مۇعالىمدەردىڭ جالاقىسىن كوتەرۋدىڭ ءسوزسىز وڭ اسەرىن كورىپ وتىرمىز. ءبىزدىڭ كاسىبىمىزگە –پەداگوگ كاسىبىنە قازىرگى تاڭدا ۇزدىكتەر كەلەدى. پەداگوگيكالىق ماماندىققا تۇسەتىندەردىڭ ۇبت ورتاشا بالى ايتارلىقتاي ءوستى جانە «التىن بەلگى» يەگەرلەرىنىڭ سانى بىرنەشە ەسەگە كوبەيدى. مۇعالىمدەردىڭ ەڭبەكاقىسىن ارتتىرۋ ەل بولاشاعىنا ۇلكەن ينۆەستيسيا بولىپ تابىلادى. بيىلعى جىلدىڭ قاڭتار ايىنان باستاپ پرەزيدەنت ق.ك. توقايەۆ تاپسىرعانداي، بارلىق پەداگوگتەر جوعارى جالاقى الاتىن بولادى. سونىمەن قاتار، جالاقىمەن بىرگە مۇعالىمدەر الاتىن قوسىمشا تولەمدەر دە ارتادى. بۇل – بىلىكتىلىك ساناتى ءۇشىن (لاۋازىمدىق جالاقىنىڭ 30%-نان 50%-نا دەيىن)، ماگيستر دارەجەسى ءۇشىن، اعىلشىن تىلىندە پاندەردى جۇرگىزگەنى، داپتەرلەر تەكسەرگەنى، سىنىپ جەتەكشىلىگى جانە تالىمگەرلىك ءۇشىن تولەنەتىن ۇستەمەاقىلار»، – دەپ اتاپ ءوتتى ءبىرىنشى ۆيسە-مينيستر شولپان كارينوۆا.
ايتا كەتەيىك، پەداگوگتەردىڭ جالاقىسى وقۋ جۇكتەمەسىنە، ءبىلىم دەڭگەيىنە، بىلىكتىلىگىنىڭ، جۇمىس ءوتىلىنىڭ، ماگيستر دارەجەسىنىڭ بولۋىنا جانە باسقا دا قوسىمشا اقىلارعا بايلانىستى ەسەپتەلەدى.
ەستەرىڭىزگە سالا كەتسەك، 2021 جىلى ماگيسترلىك دارەجە ءۇشىن ۇستەماقى الۋشىلار شەڭبەرى كەڭەيتىلدى. اتاپ ايتقاندا، ادىستەمەلىك كابينەتتەردىڭ ادىسكەرلەرىنە ماگيستر دارەجەسى ءۇشىن قوسىمشا اقى بەلگىلەندى. سونداي-اق، دەنە شىنىقتىرۋ مۇعالىمدەرىنە ساباقتان تىس ۋاقىتتا قوسىمشا سپورت سەكسيالارىن وتكىزگەنى ءۇشىن تولەمدەر قاراستىرىلعان.
سونداي-اق، وسى جىلدىڭ 1 قاڭتارىنان باستاپ مەملەكەت باسشىسىنىڭ تاپسىرماسىن ورىنداۋ اياسىندا كىتاپحاناشىلار، بۋحگالتەرلەر، زەرتحاناشىلار جانە ءبىلىم بەرۋ ۇيىمدارىنىڭ باسقا دا قىزمەتكەرلەرىنىڭ جالاقىسى ءوستى. 2022 جىلدىڭ قاڭتار ايىندا ولاردىڭ جالاقىسى ورتا ەسەپپەن العاندا 20 پايىزعا ارتادى جانە ارى قاراي جىل سايىن پرەزيدەنت جولداۋى شەڭبەرىندە ءوسىپ وتىراتىن بولادى.
You Might Also Like
-
يتمۇرىن — ليمونعا قاراعاندا 60 ەسە ارتىق س دارۋمەنىنە يە ەكەندىگىن بىلەسىز بە؟
-
تۇرىك قاعاناتىنىڭ جوعارعى مەملەكەتتىك سوتى «جارعى» دەپ اتالادى. دەرەكتەرگە كوز جۇگىرتسەك، تۇرىكتەردە زاڭ شىعارۋشى ورگان بولعاندىعىن بايقاۋعا بولادى. جارعىلاردىڭ باستى مىندەتى — ءتو...
