يتمۇرىننىڭ پايداسى
يتمۇرىن — ليمونعا قاراعاندا 60 ەسە ارتىق س دارۋمەنىنە يە ەكەندىگىن بىلەسىز بە؟
كۇشتى انتيوكسيدانت بولىپ تابىلاتىن يتمۇرىننىڭ ارتىقشىلىقتارى مەن پايدالارى مۇنىمەن توقتامايدى. س دارۋمەنىمەن قوسا ا، ۆ، ە، ك دارۋمەندەرى جانە ماگنيي، تەمىر سەكىلدى مينەرالدارى ارقىلى يممۋنيتەتتى كۇشەيتۋمەن قاتار، جۇيكە جۇيەسى مەن جاسۋشا جاڭالانۋى تۇرعىسىندا پايداسى بار. اس قورىتۋ جۇمىسىن جاقسارتادى جانە ءىش قاتۋ مازاسىزدىعى بارلارعا تابيعي شيپا كوزى بولىپ تابىلادى. قانداعى جامان حولەستەرين مولشەرىنىڭ تومەندەپ، جاقسى حولەستەرين مولشەرىن كوتەرەتىن يتمۇرىن، جۇرەك پەن قانتامىر دەرتتەرىنە شيپا بولادى. قۇرامىنداعى ك دارۋمەنى ارقىلى قاننىڭ ۇيۋىن قامتاماسىز ەتەدى. سول سەبەپتى قانتامىرلاردىڭ بىتەلۋى، ترومبوز سەكىلدى ناۋقاستاردىڭ ازداپ تۇتىنعانى ابزال. ازىقتارداعى تەمىردىڭ اعزاعا سىڭىمدىلىگىن ارتتىراتىندىقتان انەمياعا قارسى پايداسى بار. قۇرامىنداعى كاراتينويدتار توبىنا جاتاتىن ليكوتين ءوز كەزەگىندە كاتاراكتانىڭ الدىن الىپ، كوز ساۋلىعىنا ءتيىمدى اسەر ەتەدى. سوڭعى جىلدارداعى زەرتتەۋلەر يتمۇرىننىڭ تىزە بۋىندارىنا تۇز جينالۋى، شەمىرشەكتەردىڭ قاجالۋى سەكىلدى دەرتتەرگە قارسى پايدالى ەكەندىگىن كورسەتۋدە.
يتمۇرىن تۇنباسىنان شاي دايىنداۋ ءۇشىن 1 اس قاسىق يتمۇرىن جەمىسىنە 1 ستاقان قايناعان سۋ قۇيىپ، 10 مينۋت ەمالدى ىدىستا قاقپاعى جابىق كۇيدە قايناتادى. مۇنداي شايدى ءبىر كۇن تۇندىرىپ قويۋعا دا بولادى. سودان كۇنىنە دايىن شايدان 1 ستاقاننان ىشەدى. ونىڭ قۇرامىندا ادام اعزاسىنا قاجەتتى ميكروەلەمەنت وتە كوپ. ودان جاسالعان دارىلەر ادام اعزاسى ءۇشىن وتە قىمبات دارى-دارمەكتىڭ ورنىن الماستىرا الادى. وعان قوسا بۇل جيدەك سىعىندىسى تولىق ادامداردى جۇرەك تالماسىنان قورعايدى. جۇرەگى اۋىراتىن جانە قان قىسىمى جوعارى ادامدار يتمۇرىن تۇنباسىن كۇنىنە 40 گرامنان 6 اپتا بويى ءىشۋى كەرەك.
وقۋعا كەڭەس بەرەمىز:
You Might Also Like
-
ادەتتەگى كۇندەردىڭ ءبىرى ەدى. قويشى شايعا تويىپ الىپ، تەرلەپ، كەيىن بارىپ وتىرعان سوڭ، اباي:
-
2022 جىلدىڭ 1 قاڭتارىنان باستاپ پرەزيدەنت قاسىم-جومارت توقايەۆتىڭ تاپسىرماسى بويىنشا بالاباقشا تاربيەشىلەرىنىڭ، مەكتەپتەر مەن كوللەدجدەردىڭ، سونداي-اق قوسىمشا ءبىلىم بەرۋ جۇيەسى پەداگوگتەرىنىڭ جالاقى...
