InfoHub Logo

قىس مەزگىلىندە كۇن ساۋلەسىنىڭ جەتىسپەۋشىلىگى، قوزعالىستىڭ ازدىعى ءتۇرلى ۆيرۋستاردى جۇقتىرىپ اۋرۋعا دۋشار قىلادى. ءيا، راسىمەن، قىس پەن كۇزدە ادام اعزاسى كوپتەگەن دارۋمەندەردى قاجەت ەتەدى. الايدا ارنايى ماماننىڭ تاعايىنداۋىنسىز كەز كەلگەنىن قابىلداي بەرۋگە بولمايدى. الدىمەن ساراپتاما ارقىلى اعزاداعى دەڭگەيىن تەكسەرۋ كەرەك. سونىمەن قاتار بىزگە دارۋمەندەردىڭ كوپ مولشەرى بار تاعامدار ءتىزىمىن ءبىلىپ جۇرگەن ارتىق ەتپەيدى.

س دارۋمەنى

يممۋنيتەتىمىزدەگى نەگىزگى دارۋمەندەردىڭ ءبىرى. ول تەرىنى نارلەندىرىپ، سۇيەكتەر مەن تىستەردى ساۋ قالپىندا ۇستايدى، جارالاردى ەمدەيدى. قىزاناق، قىرىققابات، كوكشوپ تۇرلەرى مەن بولگار بۇرىشىندا س دارۋمەنى جەتكىلىكتى مولشەردە بار.

وقۋعا كەڭەس بەرەمىز:

سينگا: س دارۋمەنىنىڭ تاپشىلىعى

ە دارۋمەنى

بۇل دارۋمەن قىس مەزگىلىندە تەرىنى جانە شاشتى ىلعالداندىرۋعا كەرەك. قىستا باس تەرىسى قۇرعاپ، شاش تۇسكىش بولادى. وسى ورايدا ە دارۋمەنى ىلعال تەپە-تەڭدىگىن ساقتاۋعا كومەكتەسەدى. جەرجاڭعاق، بروككولي، كۇنباعىس داندەرى جانە كەشيۋ جاڭعاعى ە دارۋمەنىنە وتە باي.

تەمىر

تەمىر يممۋنيتەتتى كوتەرۋ ءۇشىن وتە ماڭىزدى، سونداي-اق، ول بىزگە سەرگەك جۇرۋگە كومەكتەسەدى. ال ناقتىراق ايتساق، تەمىر بۇكىل اعزانى ازىقتاندىرىپ، بۇكىل دەنەگە وتتەگىن جەتكىزەدى. تەمىردى ءوز دەڭگەيىندە ۇستاپ تۇرۋ ءۇشىن ەت، ۇرمەبۇرشاق، قوشقىل جاپىراقتى كوكونىستەر، قۇس ەتىن جانە تەڭىز ونىمدەرىن جەۋ كەرەك.

مىرىش

دارۋمەننىڭ بۇل ءتۇرى انتيوكسيدانت ءرولىن اتقارادى، تىندەردى قالپىنا كەلتىرەدى، گورمونداردى تەڭەستىرەدى، ساۋ يممۋنيتەتتى قالىپتاستىرىپ، اس قورىتۋدى جاقسارتادى. مىرىش شپيناتتا، سيىر ەتىندە، ۇرمەبۇرشاقتا، تەڭىز ونىمدەرىندە، اسقاباق تۇقىمداستارىندا جانە جاڭعاقتاردا كوپ بولادى.

D دارۋمەنى

بۇل دارۋمەندى الۋ ءۇشىن جارتى ساعات كۇن استىندا وتكىزسە جەتەدى. ال كۇز بەن قىستا ءبارىمىز ءىس جۇزىندە «كۇن» دارۋمەنىن قاجەت ەتەمىز. سونىمەن بىرگە ول بىزگە ماڭىزدى مينەرالدى زاتتاردى سىڭىرۋگە، مەتوبوليزمدى رەتتەۋگە كومەكتەسىپ، جاسۋشالاردىڭ دۇرىس دامۋىنا ىقپال ەتەدى جانە يممۋندىق جۇيەنى رەتتەيدى. قىس مەزگىلىندە ونى كەرەك مولشەردە الۋ ءۇشىن ماي، ءسۇت، جۇمىرتقا، ساڭىراۋقۇلاق، باۋىر مايى مەن مايلى بالىق جەگەن ءجون.

وقۋعا كەڭەس بەرەمىز:

D دارۋمەنىنىڭ تاپشىلىعى: ءبىلۋ كەرەك بەلگىلەر

فوليي قىشقىلى

بۇل كوبىنە جۇكتى ايەلدەرگە تاعايىندالادى، ويتكەنى ونىڭ جەتىسپەۋشىلىگى ۇرىق دامۋىنىڭ تەجەلۋىنە اكەلۋى مۇمكىن. الايدا جۇكتى ايەلدەن بولەك، كەز كەلگەن ادام ءۇشىن بۇل ەلەمەنت وتە قاجەت. فوليي قىشقىلى كوڭىل-كۇيدى رەتتەۋگە كومەكتەسەدى، اسىرەسە قىستاعى كوڭىلسىزدىك كەزىندە ماڭىزدى. سونىمەن قاتار، ول جۇرەك اۋرۋى، قانت ديابەتى جانە ونكولوگيالىق اۋرۋلاردىڭ ءقاۋپىن ازايتۋعا كومەكتەسەدى.فوليي بۇرشاق، ۇرمەبۇرشاق، جاسىمىق، اۆوكادو، جاڭعاقتار مەن بروككوليدە كوپ.

ا دارۋمەنى

بۇل ماڭىزدى دارۋمەن دە انتيوكسيدانت قىزمەتىن اتقارىپ، سۇيەكتەردى، تىستەردى جانە جۇمساق تىندەردى ساۋ قالپىندا ساقتايدى. وعان قوسا دەنەنىڭ تابيعي قورعانىسىن قولداۋ ارقىلى ساۋ يممۋندىق جۇيەنى قالىپتاستىرادى. ا دارۋمەنىن شپيناتتان، سابىزدەن، ورىكتەن جانە ءتاتتى كارتوپتان الۋىمىزعا بولادى.

ەگەر دارۋمەندەر بىر-بىرىمەن دۇرىس ۇيلەسپەيتىن بولسا، وندا ولار ەداۋىر ناشار سىڭەدى. ولاردى تاڭەرتەڭ نەمەسە كۇندىزگى ۋاقىتتا سۋمەن ىشكەن دۇرىس. الايدا قانتتى گازدالعان، ەنەرگەتيكالىق سۋسىندارمەن، شايمەن، اسىرەسە كوفەمەن ىشۋگە بولمايدى. سونداي-اق تاماقتانعان سوڭ جارتى ساعاتتان كەيىن قابىلداۋ وتە ءتيىمدى.

ءتۇرلى دەڭگەيدەگى دەپرەسسياعا، مازاسىزدىققا ۇشىراعان جانە كوڭىل-كۇيى ءبىرقالىپتى ەمەس ادامدار الدىمەن دارىگەرمەن كەڭەسىپ، قانداي دارۋمەندەردىڭ جەتىسپەيتىنىن انىقتايتىن اناليز تاپسىرۋ كەرەك. ال باسقا جاعدايلاردا ءاردايىم ولاردى قابىلداپ ءجۇرۋ يممۋنيتەتتى نىعايتىپ، دەنساۋلىقتى ساقتايدى.

وقۋعا كەڭەس بەرەمىز:

قىس مەزگىلىندەگى ەڭ پايدالى جەمىستەر

اعزاڭىزعا دارۋمەن جەتىسپەيتىنىن بەت-الپەتىڭىزدەن بىلە الاسىز

ۆيرۋستارمەن قالاي كۇرەسۋ كەرەكتىگى جونىندە دارىگەر كوماروۆسكييدەن نۇسقاۋلىق

---