قازاقستاندا 5 شەتەلدىك جوعارى وقۋ ورنىنىڭ فيليالى اشىلادى
ءبىلىم جانە عىلىم ءمينيسترى اسحات ايماعامبەتوۆ پرەزيدەنت تاپسىرمالارىن ورىنداۋ ءۇشىن قانداي جۇمىستار جاسالاتىنىن ايتىپ بەردى.
«مەملەكەت باسشىسى ق.ق. توقايەۆ ءماجىلىس وتىرىسىندا سويلەگەن سوزىندە ۇكىمەت الدىندا ءبىرقاتار ماڭىزدى تاپسىرمالار جۇكتەدى. ءبىزدىڭ مينيسترلىك الدىنا ساپالى ءبىلىم الۋعا قول جەتكىزۋدى قامتاماسىز ەتۋگە باعىتتالعان مىندەتتەر قويىلدى. ءبىز وسى تاپسىرمالاردى ورىنداۋعا كىرىستىك، بۇل تۋرالى وتكەن ۇكىمەت وتىرىسىندا باياندادىم. قىسقاشا توقتالىپ وتەيىن. پرەزيدەنتتىڭ تاپسىرماسىنا سايكەس قىزمەتتەرىن ورىنداۋ كەزىندە قازا تاپقان اسكەري قىزمەتشىلەردىڭ، قۇقىق قورعاۋ جانە ارناۋلى مەملەكەتتىك ورگاندار قىزمەتكەرلەرىنىڭ بالالارىنا، جوعارى وقۋ ورىندارى مەن كوللەدجدەردە وقۋى ءۇشىن گرانت بەرۋ جونىندەگى نورمانى قابىلداۋ جوسپارلانۋدا. مەملەكەت تاراپىنان مۇنداي قولداۋ قاجەتتى شارا بولىپ تابىلاتىنىنا سەنىمدىمىن. جاقىندا بولعان قايعىلى وقيعالار كەزىندە ءبىز ولاردىڭ ەرلىگىنىڭ كۋاسى بولدىق، ازاماتتاردى ءوز ءومىرىن اياماي قورعادى» دەپ جازدى اسحات ايماعامبەتوۆ Facebook پاراقشاسىندا.
ونىڭ ايتۋىنشا، كادر تاپشىلىعى بايقالاتىن جانە ءبىلىم ساپاسىندا ۇلكەن الشاقتىق بار وڭىرلەرگە ۇزدىك پەداگوگتەردى تارتۋعا قاتىستى ءبىراز ءىس قولعا الىنادى.
پرەزيدەنتتىڭ تاپسىرماسى بويىنشا قولداۋ شارالارىنىڭ ءتيىستى پاكەتىمەن وسى وڭىرلەرگە ۇزدىك پەداگوگتەردى تارتۋ جونىندە ارنايى باعدارلاما ازىرلەنىپ جاتىر.
«پەداگوگتەردىڭ وسى سالالاردا جۇمىس ىستەۋىنە مۇددەلى بولۋى ءۇشىن ءبىز جالاقىنىڭ ارتتىرۋ كوەففيسيەنتىن بەلگىلەۋ، تۇرعىن ءۇي بەرۋ نەمەسە تۇرعىن ءۇيدى جالعا الۋ قۇنىن وتەۋ، كوممۋنالدىق قىزمەتتەردى تولەۋ وتەماقىسى جانە ت.ب. وسى سياقتى الەۋمەتتىك قولداۋ شارالارىن ۇسىنامىز. مۇنداي الەۋمەتتىك پاكەت ارنايى راسىمنەن ءوتىپ، بەلگىلى ءبىر ولشەمدەرگە سايكەس كەلەتىن جانە بەلگىلى ءبىر مەكتەپتەرگە جۇمىسقا اۋىساتىن مۇعالىمدەرگە بەرىلەدى. ناقتى ىسكە اسىراتىن كەيبىر تەتىكتەرىن ءالى دە تالقىلىيتىن بولامىز. مەملەكەت باسشىسىنىڭ ءبىرقاتار تاپسىرمالارى جوعارى ءبىلىم بەرۋدى دامىتۋعا قاتىستى بولدى. تاعى ءبىر باعىت – 5 شەتەلدىك جوو فيليالدارىن اشۋ. بۇل شارا وتاندىق ۋنيۆەرسيتەتتەر اراسىندا باسەكەلەستىكتى ارتتىرۋعا دا مۇمكىندىك بەرەدى. ءبىز وسى باعىتتاعى جۇمىسقا كىرىسكەنىمىزدى اتاپ وتكىم كەلەدى. 2021 جىلدىڭ قىركۇيەگىندە دە مونتفورت لەستەر بريتان ۋنيۆەرسيتەتىنىڭ (De Montfort University Leicester) فيليالى اشىلدى. سونىمەن قاتار، قوزىبايەۆ اتىنداعى ۋنيۆەرسيتەتتى اريزونا ۋنيۆەرسيتەتىنە سەنىمگەرلىك باسقارۋعا بەرۋ ماسەلەسى پىسىقتالۋدا. ەلىمىزدىڭ باتىس وڭىرلەرىندەگى جاستاردىڭ جوعارى بىلىمگە قول جەتكىزۋىن ارتتىرۋ ءۇشىن وندا ەكى جەتەكشى شەتەلدىك تەحنيكالىق ۋنيۆەرسيتەتتىڭ فيليالدارى اشىلاتىن بولادى. سونداي-اق، پرەزيدەنتتىڭ تاپسىرماسىنا سايكەس رەسەيدىڭ ۇزدىك تەحنيكالىق ۋنيۆەرسيتەتىنىڭ فيليالىن اشۋ بويىنشا جۇمىس جۇرگىزىلۋدە. باسقا دا الەمدىك دەڭگەيدەگى ۋنيۆەرسيتەتتەردىڭ فيليالدارىن اشۋ بويىنشا جۇمىس جۇرگىزىلۋدە. سونداي-اق، ءبىلىم ساپاسىندا ۇلكەن الشاقتىعى بار وڭىرلەردەن وقۋعا تۇسۋشىلەر ءۇشىن تەحنيكالىق دايىندىق باعىتتارى بويىنشا قوسىمشا گرانتتار ءبولۋ جوسپارلانۋدا. اتالعان ماقساتتى گرانتتار ەلىمىزدىڭ جەتەكشى جوعارى وقۋ ورىندارىندا ءبىلىم الۋ ءۇشىن بولىنەتىن بولادى. بۇل رەتتە نەگىزگى تۇرعىلىقتى جەرى بويىنشا بىتىرۋشىلەردىڭ جۇمىسپەن قامتۋدى شارتتاردىڭ ءبىرى رەتىندە بەكىتۋ ۇسىنىلادى. اعىمداعى جىلدىڭ وزىندە تەحنيكالىق دايىندىق باعىتتارى بويىنشا جوعارى وقۋ ورىندارىندا وقۋ ءۇشىن گرانتتار سانى ايتارلىقتاي وسەتىن بولادى» دەپ اتاپ ءوتتى مينيستر.
You Might Also Like
-
شاكىرت – مەنىڭ مارتەبەم. مەن – باسپالداق، مەن ارقىلى شارىقتاسىن ول اسپانداپ!
-
قىس مەزگىلىندە كۇن ساۋلەسىنىڭ جەتىسپەۋشىلىگى، قوزعالىستىڭ ازدىعى ءتۇرلى ۆيرۋستاردى جۇقتىرىپ اۋرۋعا دۋشار قىلادى. ءيا، راسىمەن، قىس پەن كۇزدە ادام اعزاسى كوپتەگەن دارۋمەندەردى قاجەت ەتەدى. الايدا ارنا...
