مەكتەپ وقۋشىسى گارري پوتتەردى قازاق تىلىنە اۋداردى
اقتوبەدە نازاربايەۆ زياتكەرلىك مەكتەبىنىڭ وقۋشىسى سيقىرشى گارري پوتتەر تۋرالى تانىمال كىتاپتىڭ بىرنەشە ءبولىمىن قازاق تىلىنە اۋداردى.
10 «ە» سىنىبىنىڭ وقۋشىسى اسىلاي سەيتەنوۆا اعىلشىن تىلىنەن جوبانى ورىنداپ، سيقىرشى تۋرالى بۇكىل الەمگە تانىمال كىتاپتىڭ العاشقى ءتورت ءبولىمىن اۋداردى. ول ءۇشىن ءۇش اي ۋاقىت كەتتى. اسىلاي جۇمىسقا بيىلعى جىلدىڭ قاڭتار ايىندا اعىلشىن ءتىلىنىڭ مۇعالىمىمەن بىرگە كىرىستى.
وقىتۋشىنىڭ ايتۋىنشا، بۇل - وقۋشى قىزدىڭ ءبىرىنشى جوباسى.
«ءبىز كىتاپتىڭ ءتۇپنۇسقاسىن قازاق تىلىنە اۋداردىق. جۇمىس كۇردەلى بولدى. ونىڭ بارىسىندا اعىلشىن سويلەۋ ءتىلىن مەڭگەرىپ، ورىسشا اۋدارمامەن سالىستىردىق، ودان كەيىن قازاق تىلىندە ءماتىن قۇردىق. باستى ماقسات - قازاق ءتىلىن مەڭگەرگىسى كەلەتىن شەتەلدىك ارىپتەستەر مەن وقۋشىلار اراسىندا قازاق ءتىلىن ايگىلەندىرۋ. ءبىز الەمدىك بەستسەللەردىڭ مەملەكەتتىك ءتىلدى وقۋ پروسەسىندە ەرەكشە قىزىقتى بولاتىنىن شەشتىك»، - دەپ اتاپ ءوتتى اقبوتا ابىشيەۆا.
ءمۇعالىم سونداي-اق اسىلاي ەكەۋىنىڭ جۇمىستى قۋانا جالعاستىرىپ، ۋاقىت بولسا، كىتاپتىڭ ءبىرىنشى تومىن تولىق اۋدارىپ شىعاتىندارىن قوسىپ ءوتتى.
كولەمى شاعىن بولعانىنا قاراماستان، جوبا وبلىستىق كىشى عىلىم اكادەمياسىندا جانە شەتەلدىك ارىپتەستەر ءۇشىن كىتاپ فورماتىندا تانىستىرىلدى. الايدا اۆتورلار مۇنىمەن شەكتەلگەن جوق. وسى اپتادا اۋدارما جاڭا ۇلگىدە شىعارىلادى، ونداعى ءماتىن سۇراقتار، گلوسساريي جانە كوپ بوياۋلى سۋرەتتەرمەن تولىقتىرىلادى. جاڭا نۇسقاداعى سۋرەتتەردىڭ اۆتورى - نازاربايەۆ زياتكەرلىك مەكتەبىنىڭ وقۋشىسى ولجاس ەسەنبايەۆ.
ايتا كەتەيىك، «گارري پوتتەر جانە فيلوسوفيالىق تاس» كىتابىنىڭ العاشقى ءتورت تاراۋىن عالامتوردان وقۋعا بولادى.
You Might Also Like
-
سوڭعى كەزدە ءبىلىم سالاسىنداعى جاڭاشىلدىقتارعا قاتىستى قوعامدا قىزۋ تالقىلاۋلار ءجۇرىپ جاتقانى بەلگىلى. بىرەۋلەرى وزگەرىستەر اسىعىستىقپەن ەنگىزىلىپ جاتىر دەسە، كەيبىرەۋلەرى بۇل جاڭا قادامدار وتە دۇرى...
-
قازاقستان حالقىنىڭ كوپ ۇلتتىلىعى مەنىڭ ويىمدا كيىز ءۇي بەينەسىندە كورىنىس تاپتى. كەرەگەنىڭ كەڭدىگى –جەرىمەن قازاق ۇلتىنىڭ كوڭىلىنىڭ كەڭدىگىندەي. شانشىلعان ۋىقتار ...
