مەكتەپكە جۇمىسقا قابىلداۋ ەلەكتروندىق رەجيمدە بولماق – عابيدوللا ءابدىراحىموۆ
«سيفرلىق قازاقستان» مەملەكەتتىك باعدارلاماسىنىڭ اياسىندا شىمكەنت مەكتەپتەرىندەگى جۇمىسقا قابىلداۋ پروسەسى ەلەكتروندىق جۇيەدە جۇرگىزىلەتىن بولادى. بۇل تۋرالى شىمكەنت قالاسىنىڭ اكىمى ع. ءابدىراحىموۆ ۇكىمەتتىڭ كەڭەيتىلگەن وتىرىسىندا باياندادى.
«سيفرلاندىرۋ ماقساتىندا ءمۇعالىمدى جۇمىسقا قابىلداۋ اۆتوماتتىق جۇيەسى ەنگىزىلدى. بۇل قىزمەتتى قازىرگى تاڭدا ونلاين رەجيمدە الۋعا بولادى. ەلەكتروندىق ءوتىنىش جولداپ، كونكۋرسقا قاتىسۋعا جاعداي جاسالعان. ناتيجەسىندە ارىزدار 90 پايىزعا ازايىپ، مۇعالىمدەردىڭ ساپالىق قۇرامى ءوستى. بۇل باعىتتى دامىتۋ اياسىندا مەكتەپكە جۇمىسقا قابىلداۋ ەلەكتروندىق جۇيەدە بولادى»، — دەدى ع. ءابدىراحىموۆ.
اكىمنىڭ ايتۋىنشا، وسى جۇيە ارقىلى 2109 ءوتىنىش قابىلدانىپ، 1063 ونلاين كونكۋرس وتكىزىلگەن. ناتيجەسىندە 780 كانديدات جۇمىسقا الىنىپتى.
سونداي-اق، ول شىمكەنت قالاسىندا «اقىلدى قالا» جوباسى بارلىق باعىتتا قارقىندى جۇزەگە اسىرىلىپ جاتقانىن، بۇگىندە ءبىرقاتار ناتيجەلەرگە قول جەتكىزىلگەنىن ايتتى.
«قالاداعى 459 بالاباقشاعا بالالاردى قابىلداۋ جانە جولداما بەرۋ اۆتوماتتى جۇيەسى ەنگىزىلدى. بۇل جۇيە – بالانى ەلەكتروندى تۇردە كەزەككە قويۋعا، جولداما الۋعا جانە بالاباقشا اۋىستىرۋعا مۇمكىندىك بەرەدى. بۇل ءوز كەزەگىندە بالانىڭ ەلەكتروندىق پاسپورتىن قۇرايدى. ەڭ باستىسى – سىبايلاستىق تاۋەكەلدىك جويىلىپ، اتا-انالاردىڭ مەملەكەتتىك ورگانمەن تىكەلەي بايلانىسى توقتادى. سىبايلاس جەمقورلىقتىڭ 18 تاۋەكەلى جويىلىپ، بالاباقشاعا قابىلداۋ بويىنشا ارىزدار 80 پايىزعا ازايدى»، — دەدى ول.
ال، ءبىلىم سالاسىن سيفرلىق جۇيەگە وتكىزۋ بولسا وقۋشىنىڭ وقۋ ۇلگەرىمىن ارتتىرۋعا، ءمۇعالىمنىڭ قىزمەت ساپاسىن كۇشەيتۋگە ءوز ىقپالىن تيگىزىپ جاتىر ەكەن.
«بۇل جۇيە شىمكەنت قالاسىنىڭ بارلىق مەكتەبىنە ەنگىزىلدى. ناتيجەسىندە بالالاردى مەكتەپكە ءبولۋ جاقسارىپ، 3 اۋىسىمدى وقىتۋ قالپى جويىلدى. ۇشىنشىدەن، بارلىق 128 مەكتەپتە ەلەكتروندىق جۋرنال جانە كۇندەلىك جۇيەسى ەنگىزىلدى. ءموبيلدى قوسىمشانى ەنگىزۋ اتا-انا مەن وقۋشى اراسىنداعى بايلانىستى كۇشەيتتى. بالانىڭ وقۋ ۇلگەرىمى، ساباققا قاتىسۋ مەن باقىلاۋعا مۇمكىندىك بەردى. وسىنىڭ ارقاسىندا وقۋشىلاردىڭ ساباققا سەبەپسىز قاتىسپاۋى 22 مىڭنان 2 مىڭعا تومەندەدى. وقۋشىلار اراسىنداعى قۇقىق بۇزۋشىلىق 75 پايىزعا تومەندەدى. ولاردىڭ ساباق ۇلگەرىمى 12 پايىزعا ارتتى»، — دەپ اتاپ ءوتتى شىمكەنت اكىمى.
ونىڭ ايتۋىنشا، سيفرلاندىرۋ بالاباقشا جۇمىسىن ايتارلىقتاي جەڭىلدەتكەن. بالاباقشالار اۆتوماتتاندىرىلىپ، كەزەككە تۇرۋ سياقتى ماسەلەلەر ونلاين فورماتقا كوشىپتى.
«وسىنىڭ ارقاسىندا 3 جاستان 6 جاسقا دەيىنگى بالالار كەزەگى 2 جارىم ەسەگە ازايدى. ياعني، 46 مىڭنان 18 مىڭعا دەيىن ازايدى. بۇعان دەيىن بالاباقشاعا جولداما بەرۋ ءۇشىن 3 ايدا 1 رەت كوميسسيا وتىرىسى بولاتىن. ال، ءقازىر بۇل پروسەسس تاۋلىك بويىنشا اۆتوماتتى تۇردە ونلاين رەجيمدە جۇرگىزىلەدى»، — دەپ تۇيىندەدى ول.
ايتا كەتەيىك، «سيفرلىق قازاقستان» مەملەكەتتىك باعدارلاماسى اياسىندا «اقىلدى قالالاردىڭ» تيپتىك تۇجىرىمداماسى ۆيسە-پرەمەر-مينيستر اسقار جۇماعالييەۆتىڭ باستاماسىمەن قولعا الىنىپ، اقپارات جانە كوممۋنيكاسيالار مينيسترلىگى جانە «زەردە» ۇلتتىق ينفوكوممۋنيكاسيا حولدينگىمەن» جۇزەگە اسىرىلۋدا. ال، شىمكەنت قالاسىنداعى سيفرلاندىرۋ پروسەسى ءبىلىم بەرۋ، دەنساۋلىق ساقتاۋ، ءتۇرعىن-ۇي كوممۋنالدىق شارۋاشىلىق جانە قاۋىپسىزدىك سىندى سالالاردى قامتۋدا.
You Might Also Like
-
الماتىدا ايالدامالارداعىاۆتوبۋس كۇتۋگە كەتەتىن ۋاقىت30 پايىزعا تومەندەدى. مۇنداي كورسەتكىشكولىكتى باسقارۋ جۇيەسىن سىناقتان وتكىزۋ كەزىندە بەلگىلى بولدى. بۇل تۋرالى اقپارات جانە كوممۋنيكاسيالار مينيس...
