پاۆلودار «Smart City» كونسەپسياسىن جۇزەگە اسىرۋدا ۇلگى بولۋى كەرەك – ن. نازاربايەۆ
مەملەكەت باسشىسى پاۆلودار وبلىسىنا جۇمىس ساپارى بارىسىندا سيفرلاندىرىلعان پاۆلودار مۇناي حيمياسى زاۋىتىنىڭ جۇمىسىمەن تانىسىپ، «سيفرلىق قازاقستان» باعدارلاماسى اياسىندا جاسالىپ جاتقان مەكەمەلەردى ارالادى.
قازاقستان پرەزيدەنتى زاۋىتتىڭ وكىلدەرىمەن كەزدەسۋ بارىسىندا ءوندىرىس ورنىنا جاڭا تەحنولوگيالار ەنگىزىلگەنىن تىلگە تيەك ەتىپ، ولار وندىرەتىن ونىمگە سۇرانىس ارتىپ جاتقانىن اتاپ ايتتى.
«سىزدەر ەڭ زاماناۋي زاۋىتتا جۇمىس ىستەيسىزدەر. مۇندا ءوندىرىستى سيفرلاندىرۋ ءىسى قولعا الىنىپ، جاڭا تەحنولوگيالار ەنگىزىلۋدە. سىزدەر ءوندىرىپ جاتقان ونىمگە دەگەن سۇرانىس ارتىپ كەلەدى، دەمەك، سىزدەردىڭ دە تابىستارىڭىز مولايا تۇسپەك»، — دەدى نۇرسۇلتان نازاربايەۆ.
سونداي-اق، پرەزيدەنتتىڭ وڭىرگە ساپارى اياسىندا وبلىستىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس وتكىزىلىپ، پاۆلودار وبلىسىنىڭ اكىمى بولات باقاۋوۆتىڭ بايانداماسى تىڭدالدى.
«2017 جىلدىڭ قورىتىندىسى بويىنشا وبلىستىڭ جالپى ءونىمى العاش رەت 2 تريلليون تەڭگەدەن اسىپ، 3،6 پايىزعا جەتتى. بيىلعى ءبىرىنشى جارتى جىلدىقتىڭ قورىتىندىسى بويىنشا ءوندىرىس كولەمى 4،6 پايىزعا ارتتى. وبلىس كاسىپورىندارىنداعى ءوندىرىس ۇدەرىستەرىن سيفرلاندىرۋ جونىندەگى ءسىزدىڭ تاپسىرماڭىز ورىندالۋدا. تەحنولوگيالىق تۇرعىدان قايتا جابدىقتاۋ ىسىنە 200 ميلليارد تەڭگەدەن استام قارجى جۇمسالدى»، — دەدى وبلىس اكىمى.
ەلباسىنىڭ ايتۋىنشا، پاۆلودار وبلىسىندا ءبىلىم سالاسىن سيفرلاندىرۋ بويىنشا پيلوتتىق جوبا انىقتالىپتى. جالپى ايتقاندا وڭىردە 80 جوبانى جۇزەگە اسىرۋ جۇمىستارى جۇرگىزىلۋدە.
«Smart City» تۇجىرىمداماسىن تولىعىمەن ەنگىزىپ، ۇلگى بولۋ كەرەك»، — دەدى مەملەكەت باسشىسى.
ايتا كەتەرلىگى، پاۆلودار وبلىسىندا سيفرلاندىرۋ پروسەستەرى جان-جاقتى جۇرگىزىلۋدە. بارلىق سالالاردا قارقىندى جۇمىستار ىسكە اسۋدا. «سيفرلىق قازاقستان» باعدارلاماسىنىڭ اياسىندا 100 مەملەكەتتىك بالاباقشا سيفرلىق تەحنولوگيالارمەن قامتاماسىز ەتىلمەك. سيفرلىق ساۋاتتىلىقتى ارتتىرۋ ماقساتىندا وقىتۋ جۇمىستارى جۇرگىزىلۋدە. ماسەلەن، جاز ايلارىنىڭ ارالىعىندا 16 مىڭ ادامنىڭ ەلەكتروندىق ساۋاتىن اشۋ جوسپارلانىپ وتىر ەكەن.
ول بويىنشا بىلىكتى ماماندار ساباق جۇرگىزەدى. كۋرس بارىسىندا الدىمەن كومپيۋتەردە جۇمىس ىستەۋ تاسىلىمەن تانىسىپ، «ەلەكتروندىق ۇكىمەت» پورتالىنىڭ مۇمكىندىكتەرىن جانە وندا مەملەكەتتىك قىزمەتتەردى الۋدى مەڭگەرەدى. سونداي-اق، ءبىلىم بەرۋدىڭ ءبىرىڭعاي اقپاراتتىق جۇيەسى — Bilim Land جۇزەگە اسىرىلۋدا. بۇگىندە بۇل جۇيەگە وبلىستاعى 371 مەكتەپتىڭ 362ء-سى قوسىلىپتى.
You Might Also Like
-
اتالمىش وبلىستا سيفرلاندىرۋ اياسىندا مەكتەپتەرىنىڭ 80%-ى ينتەرنەتكە ەركىن شىعۋ مۇمكىندىگىنە يە بولدى. بۇل جايىندا بۇگىن ۇكىمەتتىڭ كەزەكتى وتىرىسىندا اقتوبە وبلىسىنىڭ اكىمى بەردىبەك ساپاربايەۆ ايتتى.
