مەملەكەتتىك رامىزدەر - ۇلت ماقتانىشى
قازاقستان رەسپۋبليكاسى تاۋەلسىزدىگىن جاريالاعاننان كەيىن -اق، ءوزىنىڭ بەلسەندىلىگىن،ونەرلى حالىق ەكەنىن دالەلدەي باستادى. ەڭ ءبىرىنشى جەتىستىگىن اۋىز تولتىرارلىقتاي ايتاتىن بولساق،ارينە تاۋەلسىز مەملەكەت رەتىندە اتالۋى.ال سول تاۋەلسىز مەملەكەتتىڭ رامىزدەرى قۇپيا، تاڭعاجايىپ ماعىنالارعا تولى اسىل قازىنا.ءرامىز دەگەندە مەنىڭ ويىما ەڭ ءبىرىنشى كەلەتىنى،حالىقتىڭ ءسالت-داستۇرى،ۇلتى،ءتىلى،تاريحى،ءبارى-بارى وسى رامىزدەردە جىر بولىپ،كوركەمدەلىپ باياندالعان.مىسالعا الار بولساق،ءبىزدىڭ كوك اسپانداي جەلبىرەگەن تۋىمىز اسپان كۇمبەزىن ەسكە تۇسىرەدى جانە حالقىمىزدىڭ مادەني-ەتنيكالىق ءبىرتۇتاستىعى مەن مەملەكەتىمىزدىڭ مىزعىماستىعىن كورسەتەدى.تازا اشىق كوگىلدىر اسپان ءارقاشاندا بەيبىتشىلىكتىڭ ،تىنىشتىقتىڭ بەلگىسى بولعان.ءارى كوك ءتۇس مەنىڭ ويىمشا قازاقستان حالقىنىڭ ءوز مەملەكەتىن قۇرۋ جولىندا نيەتىنىڭ تازالىعىن جانە ماڭىزدىلىعىن بىلدىرەدى.تۋىمىزدى كوركەمدەۋ ءۇشىن ارنايى جاسالعان ورنەك قازاقتىڭ ءداستۇرلى كوركەم ونەرىنىڭ نەگىزگى ناقىشتارىمەن ۇيلەسىم تاپقان.تۋداعى كۇننىڭ نۇرى،شۇعىلالى التىن بەينەسى بايلىق پەن بەرەكەنىڭ ،تىنىشتىقتىڭ نىشانى.ال كۇننىڭ استىندا شارقىراپ ۇشىپ جاتقان بۇركىت قازاق حالقىنىڭ بارلىق ۇلتتارعا قۇشاعىن جايا ۇمتىلاتىن كەڭدىگىن،كوپ ۇلتتى،ەگەمەندى مەملەكەتىمىزدىڭ بوستاندىق سۇيگىش رۋحاني ەركەشەلىگىن بەينەلەيدى.سونىمەن قاتار دالا قىرانى قازاقتاردىڭ جومارتتىلىعى مەن قىراعىلىعىن،وي نيەتىنىڭ بيىكتىگىن بىلدىرەدى.
قازاقستان رەسپۋبليكاسىنىڭ رامىزدەرىنىڭ بىرى-ەلتاڭبا.قازىردە ءبىز ەلتاڭبانىڭ بەينەسىن تەڭگەلەردە،مورلەردە،قارۋ-جاراقتاردا،كيىمدەردە، قولجازبالار مەن كىتاپتاردان كورە الامىز.ەلتاڭبانىڭ نەگىزىن سالىپ،ارقاۋ بولىپ تۇرعان ونىڭ شاڭىراعى.شاڭىراق-ەلتاڭبانىڭ جۇرەگى،قازاق حالقىنىڭ ەجەلدەن كەلە جاتقان كيىز ءۇيىنىڭ كۇمبەزى.ول الەمنىڭ تۇتاستىعىن وشاقتىڭ اماندىعى مەن بەرىكتىگىن بىلدىرەدى.ۋىقتارى ودان تاراپ جاتقان ساۋلەلەر سەكىلدى.ەلتاڭباداعى قوس تۇلپار بوستاندىققا،اماندىق پەن بىرلىككە جەتەلەيدى.ەلتاڭبانىڭ ماڭدايىنداعى بەس بۇرىشتى جۇلدىز مەملەكەتىمىزدىڭ جۇلدىزى جارىق ءارى بيىك بولىپ،ءار ازامات سول جارىق ساۋلەگە سەنىپ،ءارقاشان جارقىن بولاشاقپەن جاقسى جولعا جەتەلەسىن دەگەن سەنىممەن بەلگىلەنگەن.
«باعىمىز جانىپ،جۇلدىزدارىمىز جارقىراي بەرسىن »دەگەن سەنىممەن العا قاراي جىلجي بەرۋ دەگەن اسىل ارماندى وسى بەس بۇرىشتى جۇلدىز ارقالاپ تۇرعانداي كورىنەدى.
تاعى ءبىر رامىزىمىز-مەملەكەتتىك ءانۇران.وسى سالتاناتتى اۋەندى ەستىگەندە قاي قازاقستان ازاماتىنىڭ جۇرەگى ءدىر ەتپەيدى ەكەن ءسىرا؟ءانۇرانىمىز جۇرەكتىڭ ءلۇپىلىن ارتتىرىپ،حالىقتى پاتريوتتىق سەزىمگە تاربيەلەيدى.وتانعا دەگەن سۇيىسپەنشىلىك،بەيبىت پەيىل،دوسقا اشىق قۇشاعىمىزبەن ەركىندىككە قۇشتار كوڭىلىمىز جاقسى كورىنىس تاپقان.بۇل مۋزىكالىق بويتۇمار دەسەك ارتىق ەمەس.سەبەبى حالىقتىڭ تاريحى،ۇلتى،بايلىعى مەن ەركىندىگى،ءبارى ء-بارى وسى انۇرانىمىزبەن شىرقالادى. كوپتەن كۇتكەن ،اتا-بابالارىمىز اڭساعان تاۋەلسىزدىككە قانشا قان توگىپ جەتتىك.ەندى مىنە،ەگەمەن ەلىمىزدىڭ قادىر-قاسيەتىن قاستەرلەپ.ونىڭ مەملەكەتتىك رامىزدەرىن ارداقتاۋ ءار قازاقستان رەسپۋبليكاسى ازاماتىنىڭ بورىشى.
ەل كوگىندە قالىقتاپ ءرامىزىمىز،
بولامىز بولاشاقتىڭ جارىعى ءبىز.
ەڭبەك ءبىلىم جۇرەككە اركەز جيعان،
باتىل قازاق التىن ەل بارلىعىمىز،
رامىزىمەن كوركەيگەن التىن ەلىم،
قامقورلىق قىپ عالامنىڭ التى بەلىن.
جىرعا قوسام ءرامىزىن ەل وتاننىڭ،
جۇرەكتە جىر ەل دەسە بار بىلەمىن! -دەپ اقىندارىمىز جىرلاعانداي رامىزدەرىمىزدىڭ مارتەبەسى اسقاقتاي بەرسىن!ويتكەنى رامىزدەر-بۇلار ءبىزدىڭ ەلىمىزدىڭ،قازاقستانىمىزدىڭ،ياعني رەسپۋبليكامىزدىڭ بەت بەينەسى،ءبىز ءۇشىن بيىك،ءبىز ءۇشىن قاستەرلى.ولاي بولسا قازاقستاننىڭ ءاربىر ازاماتى ولاردى قۇرمەتتەي،قاستەرلەي ءبىلۋى قاجەت دەپ ويلايمىن.
ءماجيت ەرجىگىت
اقتوبە وبلىسى، حرومتاۋ اۋدانى،
تاسوتكەل ورتا مەكتەبىنىڭ
8 سىنىپ وقۋشىسى
You Might Also Like
-
اسپان اينالىپ جەرگە تۇسكەندەي ىستىق. ەڭسەلى ءۇيدىڭ الدىنان بالالاردىڭ ايقاي-شۋى ەستىلەدى. وڭشەڭ ءبىر جالاڭاشتار. تەاتر ءۇيىنىڭ قيىر بەتىندەگى سۋى كوككە اتىلعان فونتانداردىڭ ماڭىندا قاراقۇرىم سۋعا شومى...
-
اياز اتانىڭ حايۋاناتتار باعىنان ءۇش مايمىلى قاشىپ كەتكەنگە ۇقسايدى: بىرەۋىن ءقازىر عانا جاڭا جىلدىق شىرشانىڭ استىنان تاۋىپ الىپتى، ەكىنشىسى تابىلماي جاتىر، ءۇشىنشى مايمىل وسى قۇتتىقتاۋدى وقىپ ك ۇلى...
