InfoHub Logo

مۇحتار ءماعاۋيننىڭ "تازىنىڭ ءولىمى" اتتى تۋىندىسىندا ادالدىق پەن ەكىجۇزدىلىكتىڭ،قامقورلىق پەن تاسجۇرەكتىلىكتىڭ شىنايى بولمىسى اشىلا بىلگەن. قارىمدى قالامگەر ادامزاتتىڭ جاقىن سەرىگىنىڭ كورگەن قيىنشىلىقتارىن ايقىنداي ءتۇسىپ،مەيىرىم مەن قايىرىمدى،سۇيىسپەنشىلىك پەن تاعدىر تولقىنىنا قاسقايىپ قارسى تۇرۋدى وسى ءبىر قاسيەتتى جانۋاردان ۇيرەنۋ قاجەتتىگىن بەدەرلەپ،وقىرمان ساناسىنا اششى شىندىقتىڭ ءدامىن جەتكىزگەن. قوعامدىق يدەولوگيانىڭ تۇستارى دا شىعارمادا كورىنىس تاپتى. تازىنىڭ اڭعالدىعى مەن قايتپاس قاھارى شىعارمانىڭ نەگىزگى ءمانىن اسپەتتەي ءتۇستى. اسىرەسە،يەسىمەن وتكەرگەن اڭشىلىق جايىندا جانە ايبات شەكسە دە ونىڭ ءقادىرىن تۇسىرمەي قولىنان كەلگەنىنىڭ بارلىعىن ىستەپ باعۋى- "جانىڭداعى جامان ايەلدەن،قاسىڭداعى كيە تۇتار جانۋارىڭ ارتىق" دەگەن ناقىل ءسوزدى ەرىكسىز تۋدىرادى. شىنىندا دا يەسىنىڭ كوزى كەتكەننەن كاميلانىڭ جاندى جارالار وپاسىزدىعى جۇرەگىمە تۇرپىدەي قادالدى. ونىڭ يت ەكەش يت قۇرلى بولماعانىنا ءىشىم ۋداي اشىپ،وسىنداي جاۋىزدىقتار تاريحي سانانى كۇيرەتەتىنىن ايرىقشا ءتۇسىندىم. ءيا، جازۋشىعا ارقاۋ بولعان نەگىزگى ماسەلەلەر-وسى! اسىرەسە قاردى كوز قاسقارلارعا قالاي جەم بولعانىن، ۇزىلمەگەن ۇمىتىمەن بەيىت باسىنا كەلىپ، قوجايىنىن ىزدەۋى، ساعىنىشتان سارعايىپ، اس-سۋدى دا قاجەتسىنبەي ءجۇرىپ قۇرىعى ۇزىن اجالدىڭ اپانىنا كىردى. ءدال وسىنداي اسىل قاسيەتتەر ادام بويىنان تابىلۋى ەكىتالاي دەپ بىلەمىن. سەبەبى، كوزسىز ەرلىك جاساۋ-ەكىنىڭ ء-بىرىنىڭ قولىنان كەلەر ءىس ەمەس! يەسىن كۇدەر ۇزبەي كۇتۋ-بىزدەر ءۇشىن ءجاي عانا زىمىراعان ۋاقىتپەن تەڭ بولۋى مۇمكىن، ال تازى ءۇشىن وتپەس كۇن، وشپەس جارا. اياۋشىلىقتان اتتاعان ازعىنداردىڭ زامانىندا عيبراتقا تولى كەرەمەت شىعارما ەكەنى داۋسىز. . .

 

---