مەن ساعان ەسىرتكى جايلى ايتىپ بەرەمىن...
مەن جولدا كەلەمىن. قىسقى دەمالىسقا شىعىپ، اتا- اناما جەتكەنشە اسىعۋدامىن. زۋلاعان پويىز تۋعان جەرگە، اسىل اتا- اناما جۇيىتكىتىپ الىپ كەلەدى. تۋعان جەرگە دە جەتتىك. اۋاسى نەتكەن تاماشا. انام كۇتىپ الدى. انا مەن بالانىڭ قاۋىشقان ءساتى نەتكەن كەرەمەت!انام ەكەۋمىزدىڭ قۇشاعىمىز ەندى اجىراماستاي، ءبىر- ءبىرىمىزدى قاتتى ساعىنعان ەكەنبىز. كەنەت. . .
بۇل قۋانىشىم ءبىر مەزەتتە سۋ سەپكەندەي باسىلدى. سەبەبى، كەلەسى ۆاگوننان تاعى ءبىر انانىڭ ءوز بالاسىن جىلاپ قارسى الىپ جاتقانىنا كۋا بولدىم. كوڭىلى جابىرقاۋلى انانىڭ مۇگەدەك بالاسىن پويىزدان ءتۇسىرىپ جاتقانىن بايقادىق. مەنىڭ جاسىمداعى عانا جاس جىگىتتىڭ وسىنداي كۇيگە قالاي تۇسكەنىن بىلگىم كەلدى. انا كۇرسىنگەن سايىن، وزەگىن ورتەر وكىنىشىن سىرتقا شىعارعىسى كەلگەندەي بولاتىن سياقتى. ءبىر كەزدە اق جاۋلىقتى انا بالاسىنىڭ ارباسىنا سۇيەنىپ، توقتاۋسىز جىلاي باستادى. ۇلكەندەردىڭ اڭگىمەلەرىنە ارالاسپاۋ كەرەك، ولاردىڭ اڭگىمەلەرىن تىڭداماۋ كەرەكتىگىن بىلەمىن. ءبىراق، مەن جاناعى اپانى اياپ قاسىنا باردىم. مەنىڭ نەگە تەز- تەز باسىپ، بوگدە ادامداردىڭ قاسىنا جەتىپ بارىپ تۇرعانىمدى كورىپ تۇسىنبەي قالعان انام دا جانىما كەلدى. انام مەكتەپتە ءمۇعالىم بولىپ جۇمىس جاسايدى. ول كەز - كەلگەن اداممەن تەز ءتىل تابىسادى. تانىسا كەلە، جاناعى اپانى ۇيگە شايعا دا شاقىردىق. ءبىراق ول اپا «بارمايمىن»، - دەدى. سوندا انام: - اپا سىزگە نە بولدى؟- دەدى - ەيي ءومىر- اي. . . وسىنشاما قاتىگەز، قاتالمىسىڭ؟ءوز بالامدى سونداي ماقۇلىق قالاي قىلدىم؟ - دەپ ءوز- ءوزىن تۇرتكىلەي بەردى. شەر تارقاتقىسى كەلدى مە، «مەن سەندەرگە بارلىعىن ءتۇسىندىرىپ بەرەيىن»، - دەدى اپا.
. . . . «بۇل- مەنىڭ جالعىز ۇلىم. بالامدى اكەسى ەكەۋىمىز كىشكەنتايىنان بەتىن قاقپاي، ەركەلەتىپ وسىردىك. نە ايتسا سونى الىپ بەرىپ، ايتقانىن ەكى ەتپەي جاساپ جۇردىك. مەكتەپتە وقىعان كەزىندە ءتۇرلى ۇيىرمەلەرگە بەردىك. ءقازىر جوعارى وقۋ ورنىنا ءتۇستى. جاڭا ورتا، جاڭا دوستار تاپتى. بالامىزعا سەندىك پە، الدە باسقا ورتاعا قالاي سىڭىسەدى دەپ ويلامادىق پا، بىلمەيمىن، ءبىراق مەن سول كەزدەگى دوستارىنىڭ كىم ەكەندەرىن بىلمەپ ەدىم. سوڭعى كەزدەرى بالام كۇرت وزگەرىپ كەتتى. تەز اشۋلانىپ شىعا كەلەدى. ۇيگە اراسىندا ءبىر قونادى. بالامنان سۇراسام نەگە ۇيگە قونبايسىڭ دەسەم ، «دوستارىممەن سەسسياعا دايىندالىپ ءجۇرمىز»، - دەيدى. «جاقسى»، - دەپ سەنىپ ءجۇردىم. ءبىر كۇنى بالام تويىپ اراق ءىشىپ كەلدى. ءبىراق بىزگە بىلدىرتكىسى كەلمەدى. انا بولعاسىن جۇرەگىڭ سەزەدى عوي، مەن سەزدىم ، ءبىراق بالام مويىندامادى. كەلەسى كۇنى قۇقىق ورگاندارى ۇيگە كەلدى. سويتسەم، بالام اراق ىشكەنىمەن قويماي، ۇرلىق تا جاساپ ءجۇر ەكەن. جانە ناشاقور ەكەن. . . مەن قاتتى تاڭ قالدىم. سودان بالامدى ەمدەتۋ ءۇشىن ەمحاناعا جاتقىزدىم. ءبىراق ، بالامنىڭ ومىرگە تالپىنىسى بولماسا، وزدىگىنەن ەمدەلىپ كەتە المايتىندىعىن ايتتى. ءۇش جىل ءوتتى. بالامدا مۇلدەم تالپىنىس جوق. سولاي جۇرگەندە كۇيەۋىم بالانى ۋايىمداعاسىن جۇرەگى اۋىرىپ، مۇگەدەكتىككە ۇشىرادى. ەندى ءقازىر بالام دا مۇگەدەك بولىپ قالدى. ەكى ۇلكەن ەر ادامدى باعىپ ، قاسىقتاپ تاماق بەرىپ وتىرمىن. اللادان جاتسام، تۇرسام مەدەت سۇرايمىن. وسى تۇرعاندا بالامدى كەزەكتى ەمىنەن الىپ كەلە جاتىرمىن. تالاي شاڭىراقتى ورتاسىنا ءتۇسىرىپ، تالايدىڭ باقىتىن بايانسىز قىلعان تاجالمەن قوعامنىڭ كۇرەسۋگە سونشالىق دارمەنسىز بولعانى مەنى قىنجىلتادى. ەل بولىپ بىرىكسەك ، الماس اسۋلارىمىز بولماس ەدى عوي؟!»- دەپ اپا اڭگىمەسىن كۇرسىنىپ توقتاتتى. سوندا مەن: - «ول تاجال نە؟»، - دەپ سۇراعاندا - "ەسىرتكى"- دەپ جاۋاپ بەردى. انام ەكەۋمىز انا قايعىسىنا جۇرەگىمىز اۋىرىپ، بار جاقسىلىقتى تىلەپ، قيماي قوشتاستىق.
قورىتىندىلاي كەلە، بۇل دەرت - ءبىر عانا وتباسىنىڭ ەمەس، قانشاما وسىنداي انا قاسىرەتى، زامان قاسىرەتى دەگىم كەلەدى. «ەسىرتكى»، «ناشاقورلىق»دەگەن زامانا دەرتىنەن قۇتىلۋ ءۇشىن جاس جەتكىنشەكتەردى اتا- انالار باقىلاۋدا ۇستاۋ كەرەك دەپ ويلايمىن. ءتيىمدى ءىس- شارالارعا قاتىستىرىپ، دۇرىس ءومىر ءسۇرۋدى ۇيرەتەتىن باعىتتار كوپ بولسا، جامان قىلىقتارعا اۋەستەنبەيدى. ويتكەنى، بولاشاق- جاستار قولىندا!
#ۋپندپكزو
قىزىلوردا وبلىسى
ارال اۋدانى، سەكسەۋىل كەنتى،
№177 ورتا مەكتەبى، 8ۆ سىنىپ وقۋشىسى
ايبولات قىزى ءبيبىنۇر
You Might Also Like
-
بۇگىنگى تاڭداعى ەڭ وزەكتى ماسەلەلەردىڭ ءبىرى جاستاردىڭ ەسىرتكىگە تاۋەلدى بولۋى. نەگىزىنەن ەسىرتكىنى ب.ز.ب. 3 مىڭ جىل بۇرىن جۇڭگو يمپەراتورى ەمشى شەن-نۋن ەسىرتكىنى ىشەك،سكلەروز،ۇمىتشاقتىق،جوتەل اۋر...
