مەن ساعان ەسىرتكى جايلى ايتىپ بەرەمىن
جاس ۇرپاق – ۇلت بولاشاعى. قازىرگى تاڭداعى جەتكىنشەك جاستارىمىزدىڭ دەنساۋلىعىمەن، تاربيەسىنە ۇلكەن كوڭىل ءبولۋىمىز قاجەت. سەبەبى جاستار ءبىزدىڭ بولاشاعىمىز ەلىمىزدىڭ، ۇرپاعىمىزدىڭ جالعاسى كەلەشەك جاستاردىڭ قولىندا. سوندىقتان–ءتانى مەن جانى ساۋ ادامداردىڭ ىنتىماعىنا نەگىزدەلگەن قوعامدا ءومىر ءسۇرۋىمىز شارت. سەبەبى ءبىز وسىنداي بايتاق دالادا، وسىنداي كوز جانارىن ەرىكسىز بايلايتىن تابيعاتتا، تازا اۋاسىمەن ىنتىماعى جاراسقان بەيبىت زاماندا ءومىر ءسۇرىپ كەلەمىز. الايدا، قازىرگى تاڭدا جاسوسپىرىمدەر اراسىنداعى ەسىرتكىگە شالدىعۋ ناشاقورلىق دەرتى شىنىمەن كوز الدىمىزدا ءورشىپ بارادى.
كەيبىرەۋلەر ەسىرتكىنىڭ كومەگىمەن پروبلەمادان، قوبالجۋدان، كادىمگى ءومىر قيىنشىلىقتارىنان ارىلۋعا تىرىسادى. وكىنىشكە وراي، ءبىرىنشى رەت ەسىرتكىنى قابىلداي وتىرىپ، ەشكىم دە كوتەرگەن جۇگىنىڭ اۋىرلىعىن نەمەسە قايعىسىنىڭ جەڭىلدىگىن سەزىنە المايدى. كۇن سايىن وسىنداي ەسسىزدىككە جاستار كوپتەپ بوي ۇرۋدا. ال ونىڭ سوڭى كىسى ءولىمى مەن زورلىق-زومبىلىققا الىپ باراتىندىعىن بىلمەيتىن جاستاردىڭ بۇل ءىسى ءىشىمىزدى قىنجىلتۋدا. الەۋمەتتىك قۇبىلىس رەتىندە ناشاقورلىق ەسىرتكىلەردى قولدانۋعا جاڭا قۇربانداردى تارتۋ ەسەبىنەن كۇننەن كۇنگە ءوسىپ ءوز قاناتىن كەڭگە جايىپ كەلەدى.. ەسىرتكىلەر الدىمەن – ادام پسيحيكاسىنىڭ جاعدايىن بۇزادى، كوڭىل-كۇيىن، ساناسىن، اينالاسىنداعى ادامداردى قابىلداۋىن جيىلەتەدى، ءتارتىبىن وزگەرتەدى. ادام وزىنە بەيمالىم نارسەنى ءبىرىنشى رەت تارتىپ كورگەندە ءلاززات الىپ، سوسىن ادام سوعان تاۋەلدى بولىپ، ىزدەۋمەن بولادى. ءسويتىپ، قاس-قاعىم ساتتە قالاي ناشاقورعا اينالىپ شىققاندىعىن ءوزى دە بايقاماي قالادى.
ەسىرتكى – ورتالىق جۇيكە جۇيەسىنە اسەر ەتەتىن قوزدىرعىش زات. ەسىرتكىنى ءبىرىنشى رەت قولدانعان مولشەردىڭ اسەرى 3-4 ساعاتقا دەيىن ساقتالادى. مولشەردەن تىس پايدالانۋ جۇرەكتىڭ توقتاپ قالۋىنا، ولىمگە اكەلىپ سوقتىرادى ەكەن. ەسىرتكىنىڭ كەيبىر تۇرلەرى اۋىرعاندى باسۋ، تىنىشتاندىرۋ ماقساتىندا تەك مولشەرىمەن عانا مەديسينادا قولدانىلادى. وسىنداي جاستارعا قاراپ دەننىڭ ساۋلىقتىڭ ماڭىزدىلىعى سونشالىقتى قادىرسىز، تومەن ەكەنى جانىڭدى اۋىرتادى. قوعام مەن الەۋمەتتىك ورتا بۇل پروسەسكە ءوز ىقپالىن تيگىزۋى قاجەت. جانۇيادا اتا-انا مەن بالانىن اراسىندا ءوزارا تۇسىنىسپەۋشىلىكتىڭ، نەمقۇرايدىلىقتىڭ، اتا-انالار تاراپىنان باقىلاۋدىڭ تومەندىگى - مۇنىڭ ءبارى ەسىرتكىگە بوي ۇرۋدىڭ سەبەپتەرى. سەبەبى جاسوسپىرىمدەر ۋاقىتىنىڭ كوپ بولىگىن اتا انانىڭ كوز الدىندا وتكىزەدى.
مەن ءوزىمنىڭ پىكىرىمدى ولەڭ جولىمەن اياقتاي وتىرىپ، دوستارىمنىڭ الداعى ۋاقىتتا ەسىرتكىنىڭ ەتەگىنە ەرمەسە ەكەن دەپ تىلەيمىن.
سالاۋاتتى ءومىر ءسۇرشى ارداعىم،
قاتەلىكتەن تىستەلمەسىن بارماعىڭ.
وسىمدىكتىڭ وتتەگىن تەك الا ءبىل،
نە قىلاسىن زاردابىن؟
اللا بەرگەن ادامدىقتى جوعالتپا
قيىندىقتار كەزدەسسەدە مويىما
ەشقاشاندا ەسىرتكىگە جولاماي
اتا-بابا سەنىمدەرىن ورىندا.
قىزىلوردا وبلىسى ارال اۋدانى
№21 ورتا مەكتەبى كمم
9 «ا» سىنىپ وقۋشىسى
سراجادينوۆا لاۋرا
You Might Also Like
-
ەلىمىزدىڭ جاڭا داۋىردە قول جەتكىزگەن بارلىق تابىسىنىڭ قاينار كوزى – تاۋەلسىزدىك. تاۋەلسىز ەل بولعاندىعىمىزدىڭ ارقاسىندا عانا تورتكۇل دۇنيەنىڭ ءبىر بۇرىشىندا قازاق دەيتىن حالىقتىڭ ۇلكەن ىستەر ت...
-
بادىكوۆا لياززات رىموۆنا، قوناقجايلىلىق جانە تۋريزم يندۋسترياسى كوللەدجى، الماتى قالاسى
