InfoHub Logo

مەن ماكۋدىڭ ساراسى،

ولەڭگە بار تالاسى.

ۇلى اقىننىڭ بۇگىنگى،

زاماناۋي جاڭاسى.

وسىلاي باستاۋ العان مەنىڭ العى ءسوزىم رەسپۋبليكالىق «شارىقتا، شىرقا، جاس قىران» اتتى بالالار مەن جاسوسپىرىمدەر اراسىندا وتكەن شىعارماشىلىق بايقاۋ مەنى جەڭىس تۇعىرىنا جەتكىزدى.

قىركۇيەك ايىنىڭ سوڭعى كۇنى مەنى ۇلكەن قۋانىشقا بولەدى. تاراز قالاسىندا وتىلگەن  بۇل سىناق مەنى شيراتقانداي. جارىس جايلى ايتپاس بۇرىن، دايىندىعىم جونىندە ءسوز قوزعايىن.

15 قىركۇيەك كۇنى جەتەكشىم قاسەنوۆا فاتيما ءجۇزجاسار قىزى وسى بايقاۋعا قاتىسۋ تۋرالى ۇسىنىس ءبىلدىردى. ۋاقىتتىڭ تىعىزدىعىنان با، الدە، جوعارعى دەڭگەيدەگى جوبا بولعان سوڭ با، ايتەۋىر، ءبىر قورقىنىش بار. قورىتىندى جىل بولعاندىقتان قوسىمشا ساباقتارىم وتە كوپ جانە «اقىندىق ونەرمەن» ساحناعا شىققان ەمەسپىن. وسى ەكى وي مەنى بايقاۋدان الىستاتسا دا، باعىمدى سىناپ، شابىتىمدى شىڭداۋعا تاپتىرماس تارتىس دەگەن وي  مەنى سىناققا يتەرمەلەدى.

سونىمەن مەن بايقاۋدامىن. ەندىگى كۇنىم تەك دايىندىقپەن ءوتتى. 3 مينۋت بولۋى ءتيىس ەكى شىعارمام ورتا ەسەپپەن 30 شۋماقتان تۇرۋى قاجەت بولدى. بارا-بارا سايىس ەرەجەسى قيىنداسا دا  مەنىڭ قۇلشىنىسىم ورتايمادى. انامنىڭ، ۇستازىمنىڭ سەنىمى مەنى ودان ءارى باۋلي ءتۇستى. الايدا، اۋقىمدى ولەڭ جازىپ، جازىپ قانا قويماي ونى رەسپۋبليكا كولەمىندەگى بايقاۋعا شىعارۋ، ءالى تاجىريبەسى جەتكىلىكسىز مىنا مەن ءۇشىن قيىنعا ءتۇستى. دەسەدە، ۇيدە انامنىڭ، مەكتەپتە ەكىنشى انامنىڭ قامشى سالدىرعان سوزدەرى مەنىڭ دايىندىعىمدى ىلگەرىلەتتى.

بايقاۋ كۇنى. كەزەك ماعان ءتۇسىپ، تۋىندىمدى ورىنداپ شىقتىم. بايقاۋعا دەيىن باس جۇلدەگە سەنىمدى بولعان ۇستازىمنىڭ ءۇمىتى ورىنداۋىمنان سوڭ ەسەلەنە ءتۇستى. ەندى مىنە، مەن جەڭىس تۇعىرىندامىن. بۇل جەتىستىك ۇيدە قولداۋ بىلدىرگەن اتا-انامنىڭ، ماعان قالتقىسىز سەنگەن ۇستازىمنىڭ، ەڭ باستىسى جۇلدەنى ماعان 16 جاسىمدا بۇيىرتقان اللانىڭ ارقاسى.

بۇل سايىستا تەك اقىندىق قابىلەتىم قارقىنداعان جوق، سونىمەن قاتار فاتيما ءجۇزجاسارقىزىنان العان ومىرلىك ساباعىم دا بار.

...سەنە بىلگەن ادام، سەزىنە دە بىلەدى ەكەن. بۇل تاعىلىم مەنىڭ بويىما كىشكەنتايىمنان سىڭگەنىنە شۇكىردەن وزگە ايتارىم جوق. سوندىقتان  ءسىز دە سەنە ءبىلىڭىز.

---