InfoHub Logo

ماماندىق تاڭداۋ - كەز كەلگەن جاستى قينايتىن، بولاشاق ومىرگە دەگەن باعىت-باعدار بولىپ تابىلادى. سول سەبەپتى ءار ادام ءوز تابيعاتىنا ساي كەلەتىن ماماندىقتى تاڭداۋدا جاڭىلماۋى ءتيىس. ءاربىر ماماندىق وزىندىك تاعىلىمى مول تاريحىمەن ەرەكشەلەنەدى. مەن وسى ورايدا، ءوز ماماندىعىمدى تاڭداۋدا جاڭىلىسپاعانىما كوزىم انىق جەتتى. قازىرگى كەزدە ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلوسوفيا جانە ساياساتتانۋ فاكۋلتەتىندە «ءدىنتانۋ» ماماندىعى بويىنشا گرانت يەگەرىمىن. ناقتىلاپ ايتاتىن بولسام، بۇل ماماندىقتى بىتىرگەن ستۋدەنت مەشىتتە يمام بولىپ، ۋاعىز ايتاتىن ادام ەمەس. ءدىنتانۋ زايىرلى ماماندىقتاردىڭ ءبىرى، ياعني ەكونوميست، زاڭگەر، بۋحگالتەر دەگەن ماماندىقتاردان اسىپ تۇسپەسە، كەم ەمەس. ءدىندى دۇرىس، جەتە تۇسىنبەۋ قوعامدا ءتۇرلى سەنىم نەگىزىندە ادامدار اراسىنداعى، كونفەسسيا اراسىنداعى، حالىقتار اراسىنداعى قايشىلىقتارعا الىپ كەلەدى. ءبىر دە ءبىر ءدىن ادامزاتتى زۇلىمدىققا، جاماندىققا شاقىرمايدى، قايتا قيىن كەزەڭدەردە ادامعا رۋحاني ازىق، قولداۋ بولىپ، قوعامنىڭ ۇيىتقىسىنا اينالادى سول سەبەپتەن ءدىننىڭ نەگىزىن، ىشكى رۋحاني دۇنيەسىن، شىعۋ تاريحىن، دامۋ بارىسىنداعى ءتۇرلى اعىم، باعىتتاردىڭ كوزقاراستارىن، ەرەكشەلىكتەرىن زەرتتەپ، ءبىلۋ ماڭىزدى.

قوعامداعى ءقايسىبىر وزەكتى ماسەلەلەر ءدىن سالاسىمەن بايلانىستى بولعاندىقتان قاراپايىم حالىققا دۇرىس باعىتتاعى ءدىني ءبىلىم بەرۋ وتە ماڭىزدى. بۇل سالانى يگەرگەن ماماندارعا: مەملەكەتتىك، ءدىني جانە قوعامدىق ۇيىمداردا بۇقارالىق اقپارات قۇرالدارىندا تاۋەلسىز ساراپشى رەتىندە جانە ساراپشىلار كوميسسياسى قۇرامىندا؛ ۇقك جانە ءىىم ساراپتاما قىزمەتىنىڭ، مەملەكەتتىك باسقارۋ، سىرتقى جانە ىشكى ساياسات ءبولىمىنىڭ، ءدىن ىستەرى كوميتەتىنىڭ قىزمەتكەرلەرى؛ ءدىن تاريحى مەن تەورياسى، زاماناۋي وركەنيەتتىڭ ءدىني-فيلوسوفيالىق ماسەلەلەرى بويىنشا عىلىمي-زەرتەۋ جۇمىستارىندا عىلىمي قىزمەتكەر؛ مەملەكەتتىك جانە مەملەكەتتىك ەمەس جوعارى جانە ورتا ارناۋلى وقۋ ورىندارىنىڭ وقىتۋشىلارى؛ «حالال» ستاندارتتاۋ كوميتەتىنىڭ، قمدب قىزمەتكەرلەرى جانە باسقا دا مەملەكەتتىك، مەملەكەتتىك ەمەس مەكەمەلەر مەن حالىقارالىق ۇيىمداردىڭ قىزمەتكەرلەرى رەتىندە جۇمىس جاساۋعا مۇمكىندىك بار.

 

 

يلياسوۆا شاپاگات، ءال-فارابي اتىنداعى قازۇۋ ءدىنتانۋ ماماندىعىنىڭ 3 كۋرس ستۋدەنتى.  جەتەكشىسى فيلوسوفيا عىلىمدارىنىڭ كانديداتى، ءدىنتانۋ جانە مادەنيەتتانۋ كافەدراسىنىڭ اعا وقىتۋشىسى كانتاربايەۆا ج.ۋ.

 

 

 

---