مەنىڭ ماماندىعىم - جۋرناليست
ادام ءوز ومىرىندە ەڭ باستىسى ماماندىق تاڭداۋدان جاڭىلماۋى قاجەت. اركىمنىڭ وزىنە ەتەنە جاقىن، جانىنا جاعىمدى ماماندىق تاڭداۋ ءساتى-اسقاقتاعان ارمانىنىڭ ەڭ ءبىرىنشى باسپالداعى. ماماندىعىڭدى تاڭداعان ساتتە سول كاسىپتىڭ بىلگىرى بولۋى شارت.
“سەندە ءبىر كىرپىش دۇنيەگە،
كەتىگىن تاپ تا، بار قالان”-دەپ اباي اتامىز ايتپاقشى ءار ءور تۇلعا ءوز ومىرلىك جولىن تابا ءبىلۋى كەرەك، ءبىراق بۇل ومىردە ماماندىق تاڭداۋ دا وڭاي شەشىم ەمەس.مەنىڭ سوناۋ بالا شاقتان ارقاۋ ەتكەن ارمانىمنىڭ ءبىرى- جۋرناليست ماماندىعى.
جۋرناليست ادامدارعا بارىنشا كەڭ، وبەكتيۆتى جانە شىنشىل بولۋى ءتيىس.
مەن بۇل ماماندىقپەن اينالىسۋدى سوناۋ بالالىق شاعىمنان ارماندادىم، بالا كەزىمدە بەيسەن قۇرانبەكتىڭ “ايتۋعا وڭاي” باعدارلاماسىن قىزىعا قاراپ، مەن دە ءدال وسى كىسىدەي بولامىن دەگەن ارمانىما قانات ءبىتتى.
كۇن سايىن ميلليونداعان ادامدار ءبىزدىڭ الەمدە نە بولعانىن ءبىلۋ ءۇشىن تەلەديداردى قوسادى، جاڭالىقتار سايتىن اشادى نەمەسە تاڭەرتەڭگى گازەتتى اينالدىرادى. جۋرناليست ءارقاشان الەمدە بولىپ جاتقان بارلىق نارسەنىڭ الدىڭعى شەبىندە، ءارقاشان جاڭا جانە قىزىقتى ادامدارمەن قارىم-قاتىناس جاسايدى.
بۇل ماماندىق قيىندىعى مەن قىزىعى قاتار جۇرەتىن، كوپ ىزدەنىستى تالاپ ەتەتىن سالا. مەنىڭ ويىمشا، جۋرناليستيكا ماماندىعىن تاڭداعان ستۋدەنتتەر ءوز كاسىبىنە وتە ادال بولۋى كەرەك. سونىمەن قاتار قاعازى مەن قالامى ارقىلى قورعانسىزعا پانا بولىپ، ادىلەتتىلىكتى جاقتاعاندارى ءجون. قوعامداعى بولىپ جاتقان جەتىستىكتەرمەن قاتار كەلەڭسىزدىكتەردى اياماي جاريالاۋدان اداسىپ قالماعانى ءجون. دەي تۇرعانمەن، تىڭ اقپاراتتاردى جاريالاعان كەزدە دەرەك پەن دايەك تولىق بولۋى شارت. ەلدەن، كوشەدەن ەستىگەن جالاڭ سوزدەرگە سەنىپ جازا بەرسە ونداي جاڭالىقتاردىڭ كوك تيىندىق قۇنى بولمايدى. ءبىر ەلدى نەمەسە ءبىر ادامدى نەگىزسىز قارالاي بەرسە، جالا جاپسا باسى پالەگە قالۋى مۇمكىن. ءبىز وسىعان اباي بولۋىمىز كەرەك. اقپارات ءادىل تارازى بولىپ، ادام مەن قوعام ءۇشىن كىرشىكسىز قىزمەت ەتسە عانا ءبىز كوزدەگەن ماقساتتارعا جەتە الامىز.
مەنىڭ وسى جولدى تاڭداۋىمنىڭ دا وزىندىك ۇلكەن سەبەبى بار. مەن ءوزىمنىڭ جاستار جايلى جۋرنالىمدى جاريالاعىم كەلەدى. جاسوسپىرىمدەردىڭ پروبلەمالارى كوپ ەكەنىن بىلەمىن. كوبىنەسە بۇل پروبلەمالار ولاردىڭ سيپاتىنا، كوزقاراستارىنا، جەكە ومىرىنە ۇلكەن اسەر ەتەدى. كەيبىر قاقتىعىستارعا نەمەسە ساتسىزدىكتەرگە بايلانىستى ولار مەكتەپ تۋرالى، جاقىندارى تۋرالى، بولاشاعى تۋرالى ويلامايدى. بۇل ماسەلە ولاردى الاڭداتادى. جاسوسپىرىمدەر "جالعىز دۇرىس شەشىمدى" تاڭدايدى: ولار ىشە باستايدى، تەمەكى شەگەدى، ەسىرتكى قابىلدايدى، وز-وزىنە قول جۇمساۋعا تىرىسادى. ال مەنىڭ جۋرنالىم وسىنداي جاسوسپىرىمدەرگە شىن مانىندە دۇرىس شەشىم تابۋعا كومەكتەسەدى. سونىمەن قاتار، مەن ءوزىمنىڭ جاستارمەن جانە تانىمال ادامدارمەن سۇحباتتاساتىن ايدار اشىپ، سۇحباتتاسقىم كەلەدى. بۇل مەنىڭ بۇرىننان كەلە جاتقان ارمانىم. ارمانىمنىڭ جولىندا جان-تانىممەن بەرىلە قىزمەت ەتەمىن.
بۇل جول جاي جول ەمەس بەساسپاپتاردىڭ جولى. اباي اتامىز ايتقانداي قازىردەن باستاپ: «بەس نارسەگە اسىق بولىپ، بەس نارسەدەن قاشىق بولۋىمىز كەرەك». «سەگىز قىرلى، ءبىر سىرلى»، ءوزىنىڭ دىتتەگەن ماقساتىنا جەتۋدەن تايسالمايتىن، بولاشاق ۇرپاقتىڭ كەلەر كەلەشەگىنە كامىل سەنىپ، ولاردىڭ ءبىزدىڭ ادال ءىزباسارىمىز بولاتىنداي جول قالدىرىپ، بولاشاعىنا سەنىم ارتۋىمىز قاجەت. ەڭ باستىسى، قازاقتىڭ باس اقىنى، ءور تۇلعا – اباي اتامىزدىڭ «اقىل، قايرات، جۇرەك ۇشەۋىن بىردەي ۇستا» - دەمەكشى، مىنا ءجۋرناليستتىڭ دە بويىندا وسى قاسيەتتەر بولۋى مىندەتتى
You Might Also Like
-
عۇمار قاراشيەۆ (1875-1921جج) – قوعام قايراتكەرى، ويشىل اقىن. جاستايىنان جەتىم قالىپ، اعايىن-تۋىسىنىڭ قولىندا ءوستى. ساۋاتىن اۋىل مولداسىنان اشىپ، 1902 جىلدان باستاپ اۋىلدا بالالاردىڭ زەيىنىن اش...
