مەنىڭ وتانىم — قازاقستان
شىمكەنت قالاسى ۇلىقبەك اتىنداعى
№3 جالپى ورتا ءبىلىم بەرەتىن مەكتەبىنىڭ
6 «ۆ» سىنىپ وقۋشىسى احمەدوۆا جاسمينا
مەنىڭ وتانىم — قازاقستان
پاي-پاي!
قازاق جەرى!
نەتكەن بايتاق
ادەمى!
تاۋ مەن تاسى،
كۇنى، گ ۇلى
ادەمى!
اشىق اسپان،
بەيبىت ەلى
ادەمى!
تۋعان ولكەم!
كەڭ جازيرا،
بايتاق جەرىم
گۇلدەنە بەر،
جاساي بەر، قازاقستانىم!
مەن — قازاقستاندىقپىن! مەنىڭ وتانىم -قازاقستان. التىن كۇمبەزدى كوگىمدە قىران قۇستى بايراعى جەلبىرەگەن، ايبارلى ءانۇرانى اسقاقتاعان، داڭقتى تۋعان جەرىمنىڭ جاس قازاقستاندىق ەكەنىمدى ماقتان تۇتامىن.
تۋعان ەلىم نەبىر سۇراپىل وقيعالاردى باستان كەشىردى.سوعان قاراماستان، مويىنۇسىنباي الەم كارتاسىنان ويىپ تۇرىپ كەرەگەسى مىقتى «قازاقستان» دەگەن مەملەكەت ورىن الدى.
قازاقستان-كوپۇلتتى دا باتىل، ايباتتى دا اسقاق ەلدەردىڭ ءبىرى.وسىنداي ەڭسەسى ىرگەلى، ىرىس پەن ىنتىماعى، بەرەكە مەن بىرلىگى جاراسقان ەلدىڭ ازاماتى ەكەنىمدى ماقتانىش ەتەمىن.
قازاق جەرىنىڭ اتا-بابالارىنان قۋات، ورەلى سوزدەرىنەن ونەگە، تاعىلىمدى تاربيە الىپ، باتىلدىعىنان بويىما كۇش جيناپ، كەرەگەسى مىقتى قازاقستان ەلىنىڭ ەلجاندى ازاماتى بولامىن.
«جاستارى جالىن جۇرەكتى، ءورشىل نامىستى، بيىك رۋحتى بولسا، ول ەلدىڭ ەڭسەسى بيىك بولادى»،-دەيدى تۇڭعىش ەلباسىمىز ن.ءا.نازاربايەۆ.سوندىقتان دا بولاشاقتىڭ ىرگەسىن ءبىز سەكىلدى، تۋعان جەرىمنىڭ جاس قازاقستاندىقتارى قۇراتىن بولسا، الەمدە قازاقستان ەلىنەن مىقتى ەل بولماق ەمەس.
مەن 6-سىنىپتىڭ وقۋشىسىمىن.كىتاپ وقۋدى سۇيەمىن. ءوزىمنىڭ ۇلتىم وزبەك بولعانىمەن، قازاقشا تاريحي كىتاپتاردى، اقىن-جازۋشىلاردىڭ شىعارمالارىن كوپ وقيمىن. مەنىڭ وقىعان كىتاپتارىمنان اڭعارعانىم، تۋعان جەر جايلى جىر دا، قارا سوزبەن جازىلعان شىعارمالار دا ءاربىر حالىقتىڭ ادەبيەتىندە مولىنان كەزدەسەدى. ءاربىر حالىق تۋعان جەرىن ارداق تۇتىپ، اناسىنداي قاستەرلەيدى.قازاق حالقى دا تۋعان ولكە ءقادىرىن جاس ۇرپاق بويىنا، ساناسىنا بالا كەزىنەن-اق سىڭىرۋگە ۇمتىلاتىندىعىن تۋعان جەر جايلى ماقال-ماتەلدەردەن، اڭىزدار مەن باتىرلىق جىرلارىنان كورۋگە بولادى. «يت-تويعان جەرىنە، ەر-تۋعان جەرىنە» نەمەسە «تۋعان جەردەي جەر بولماس، تۋعان ەلدەي ەل بولماس» دەپ ەرەكشەلەپ كورسەتەدى.بۇلاردىڭ بارىنەن شىعاتىن قورىتىندى: اركىمگە تۋعان جەرى، تۋعان ولكەسى قىمبات ەكەندىگى دەپ ويلايمىن.
ەكى ءجۇز جىل بويى قازاق حالقىنا تىنىم بەرمەگەن جوڭعار باسقىنشىلارىنا قارسى ەلىن باستاپ ەرلىكپەن سوعىسقان قايتپاس باتىرلارىمىز-قاراكەرەي قابانباي، قانجىعالى بوگەنباي، شاپىراشتى ناۋرىزباي باستاعان باتىرلاردىڭ، از-تاۋكە، حان ابىلاي، كەنەسارى سىندى حانداردىڭ تۋعان ەلى ءۇشىن باستارىن بايگەگە تىككەن ەرلىكتەرىن بۇگىنگى ۇرپاقتارى، بىزدەر ماقتانىش ەتەمىز.
ءوز ەلى،ءوز ەرلەرى ەسكەرمەسە،
ەل تەگى، السىن قايدان كەمەڭگەردى،- دەگەندەي، تۋعان ەلى باردا، ەرجۇرەك ۇلدارى مەن قىزدارى حالىق جادىندا ماڭگى ساقتالا بەرمەك.
قانداي دۇنيە جەتەدى بالاۋىڭا!
ءبارى سەنىڭ،جان وتان، قالاۋىڭا!
ءوز بەينەڭدەي الەمگە تۇر تانىلىپ،
قازاقستان گەربى دە، جالاۋى دا،- دەگەن اقىن جۇبان مولداعالييەۆتىڭ «مەن — قازاقپىن» پوەماسىنداعى تۋعان ولكەگە، جەرگە دەگەن ىستىق ماحابباتى ءاربىرىمىزدىڭ جۇرەگىمىزدەن ورىن الۋى كەرەك.تۋعان ولكەسىن تۇعىرىنا بالاعان اقىن،جىرشىلاردىڭ جىر ءتىلى ارقىلى تۋعان جەرگە دەگەن سەزىمىمىزدى جەتكىزگەندەيمىز:
«جالبىر تون جەتىم بولىپ جۇرگەنىمدە،
كوتەرىپ قاراتىپ ەڭ مەنى كۇنگە.
اكەم دە، انام دا سەن، تۋعان ەلىم،
سەن ءۇشىن ىرىسىم دا، قاسىرەتىم دە»، - دەپ قاسىم امانجولوۆ تەبىرەنە جىرلاسا،ءبىزدىڭ بايتاق قازاستاننىڭ جەرىن، قادىرمەندى ەلىن انگە، جىرعا قوسپاعان دا اقىن جوق-اۋ، ءسىرا؟!
اتىراۋدان التايعا دەيىنگى، اق ەسىل مەن الاتاۋعا دەيىنگى بارلىق قازاق ولكەسى-مەنىڭ تۋعان ولكەم، تۇعىرلى ولكەم. مەنىڭ ويىمشا، تۋعان ولكە دەگەنىمىز-دۇنيە ەسىگىن اشقان قالا عانا بولماۋى ءتيىس.بۇرىنعى اتا-بابالارىمىز ەل تۇتاستىعىن ويلاپ، تۋعان ەلىنىڭ قاي شەتىنە جاۋ تيسە، سول جەرگە الىستان ات ارىتىپ، كومەككە بارعانى تاريحتان بەلگىلى.مەن ءۇشىن ەلىمنىڭ قاي قيىرى بولسىن-ىستىق تا، قيماس مەكەن.الەمدەگى جەر كولەمى جاعىنان توعىزىنشى ورىن الاتىن الىپ ەلدىڭ سولتۇستىك پۇشپاعى-اتاعى ارقادان اسىپ، الەمگە كەتكەن ايگىلى سەكسەن كولدى كوكشەتاۋ ولكەسى.وسىنداي عاجاپ الەمدە تۋىپ-وسكەنىمە،اۋاسىن جۇتىپ، توپىراعىن باسىپ، جۇرگەنىمە تەك شەكسىز العىسىمدى بىلدىرەمىن.
ارداقتاپ اناسىن، قۇرمەتتەپ داناسىن،
باۋىرعا باسقانبىز بارشانىڭ بالاسىن،- دەپ ءانۇرانىمىزدا ايتىلاتىنىنداي، قۋعىن-سۇرگىن كەزىندە ءوز ەلىنەن قۋىلعان قانشاما ۇلتتىڭ بالاسىن وزەككە تەپپەي،وگەيسىتپەي باۋىرعا باسقان كەڭپەيىل ولكە.مىڭعىرتىپ مال ءوسىرىپ، ميللياردتاپ ءدان وسىرگەن قويناۋى قۇت، قاباتى كەندى باي ولكە.
تاۋەلسىزدىككە قول جەتكىزگەن وسىناۋ جارقىن كۇندەردە مەنىڭ تۋعان جەرىمدە، بايتاق قازاقستاندا، بۇكىل الەمدە تەك بەيبىتشىلىك بولسا ەكەن دەيمىن.تۋعان ەلدى بىزدەر، جاس ۇرپاقتار سۇيمەسەك، ونىڭ ەرتەڭى نە بولماق؟
You Might Also Like
-
بىردە المەرەك باتىر الىس ساپارعا شىعادى. ۇزاق جول جۇرەدى. ءبىر كۇنى كەشتەتە قازاق سالتى بويىنشا الدىنان كەزدەسكەن اۋىلعا اتىنىڭ باسىن بۇرادى دا، ەڭسەلى اق بوز ءۇيدىڭ الدىنا بارىپ توقتايدى. قۇدايى قون...
