مەنىڭ سۇيىكتى ۇستازىم
«ۇستازدىق ەتكەن جالىقپاس، ۇيرەتۋدەن بالاعا» دەپ ۇلى اباي اتامىز ايتىپ كەتكەندەي:
مەنىڭ ەڭ العاشقى «اۋليەاعاش ورتا مەكتەبىنىڭ» تابالدىرىعىن اتتاعان كۇن ول – ەڭ كەرەمەت ساتتەردىڭ ءبىرى. وسىدان 1 جىل بۇرىن 2020 جىل پاندەميا كەزى، وقۋشىلاردىڭ ءبارى قاشىقتىقتان وقۋعا ءماجبۇر بولعان كەز ەدى. مەن ءبىزدىڭ مەكتەپكە «1-قىركۇيەك ءبىلىم كۇنى» شاشىما اق بانتيگىمدى تاعىپ، ۇستىمە ادەمى مەكتەپ فورماسىن كيىپ، بەتپەردەمدى تاعىپ، ءبىلىم كۇنىنە ارنالعان قاشىقتىقتان ۆاتساپ جەلىسىمەن مەكتەپ ديرەكتورىنىڭ قۇتتىقتاۋ سوزىنەن كەيىن ۆيدەو ارقىلى تاراتىلاتىن العاشقى قوڭىراۋىن سوعۋعا باردىم. مەكتەپتىڭ الدى تىم-تىرىس، مەكتەپ عيماراتى وتە ادەمى جانە بيىك ەكەن. مەكتەپتىڭ الدىنان شىنار اپايىم ماعان مەيىرىمدى كوزدەرىمەن كۇلىمسىرەپ قارسى الىپ، وقۋشى اتانعانىممەن قۇتتىقتاعانى ءالى ەسىمدە، سولاي جۇرەگىمدى جىلى لەبىزدەرىمەن بىردەن نۇر سەكىلدى جاۋلاپ الدى . سول ساتتەن بەرى شىنار اپاي ماعان وتە جاقىن جانداردىڭ بىرىنە اينالدى. شىنار اپاي بىزگە وقۋدى، جازۋدى ۇيرەتتى. اپايدىڭ ايتقانىن ورىنداپ، رەنجىتپەۋگە تىرىستىم. ويتكەنى، ۇستازىم سوعان لايىقتى جان. اپايىمنىڭ جەتەكشىلىگىمەن ءتۇرلى سايىستارعا قاتىسىپ، عىلىمي جوبانى دا قورعاپ جۇلدەلى ورىندارعا يە بولدىم. ۇستازىم بىزگە ءبىلىم بەرىپ قانا قويماي، تازالىققا، ۇقىپتىلىققا، ەڭبەككە، وتانىمىزدى سۇيۋگە، انا – ءتىلىمىزدى قۇرمەتتەۋگە باۋلىدى. ومىردە ءوز انامنان كەيىنگى ءقادىرلى جان ول مەنىڭ ۇستازىم. سەبەبى شىنار زەينەل قىزى - بىزگە ءبىلىم بەرىپ، تاربيەلەپ، كۇلىمدەگەن، كۇنىم دەگەن، جۇرەگىمىزگە بولاشاققا ماقسات قويا بىلۋگە سەنىم ۇيالاتقان زور تۇلعا. ۇستازىمنىڭ بىزگە ارتقان سەنىم مەن ءۇمىتىن اقتايمىن دەپ ۋادە بەرەمىن.
You Might Also Like
-
كەمىرگىشتەر، كەمىرۋشىلەر — سۇتقورەكتىلەر كلاسىنىڭ ەڭ كوپ تاراعان وتريادى. ءقازىر ولاردىڭ دۇنيە جۇزىندە 32 تۇقىمداسقا جاتاتىن 2500-دەي، ال قازاقستاندا 15 تۇقىمداستىڭ (ۇشارلار، تيىنتارىزدىلەر، قۇ...
