مەرگەنىم-اي
كول بەتى ايناداي جالتىرايدى. شىعىستان باياۋ سامال ەسەدى. قالىڭ قۇراق سىبدىر قاعادى. مۇرات مىلتىعىن قىسا ۇستاپ، قامىس اراسىنا تىعىلا تۇسەدى.
ول ورنىنان تۇرىپ، ماڭايدى شولىپ ءوتتى. ەشتەڭە كورىنبەگەن سوڭ، تىزەدەن سۋ كەشىپ، الاڭقايعا شىقتى. وڭدى-سولىنا كوز تاستاپ، قۇلاق تۇرەدى. ويى قامىس اراسىنداعى جالعىز اياق جولعا ءتۇسىپ ارعى بەتكە وتپەك. سولاق-اق ەكەن، قاڭقىلداعان قازدىڭ داۋسى ەستىلدى. ەكى قاز ۇزاڭقىراپ بارىپ كول ورتاسىنا قالىقتاي قوندى.
مۇراتتىڭ كۇتكەنى وسى ەدى. مىلتىقتىڭ، شۇرىپپەسىن باسىپ قالدى. مەڭىرەۋ تىنىشتىقتا مىلتىق داۋسى گۇرس ەتتى. قازدىڭ ءبىرى قاڭقىلداپ ۇشا جونەلدى دە، ەكىنشىسى كوتەرىلە بەرىپ سۋعا قۇلادى.
ءماز بولعان ول كيىمىن دە شەشپەستەن بەلۋاردان سۋ كەشىپ، جارالى قازدى جيەككە الىپ شىكتى. قانشا بۇلقىنىپ، سابالاسا دا جىبەرگەن جوق. قۋانىشى قوينىنا سيماي، ۇيگە كەلىپ، ەسىك الدىندا وتىرعان اكەسىنىڭ الدىنا ولجاسىن تاستاي سالدى. ونىڭ ماقتانىپ تۇرعانى بەپ-بەلگىلى ەدى.
سويتكەنشە قازدىڭ اياعىنداعى قىزىل شۇبەرەكتەن جاسالعان بەلگىنى كوزى شالىپ قالعان اجەسى:
— مۇرات، قاراعىم-اۋ، مىناۋ ءۇي قازى عوي، بەلگىسىن كورمەيسىڭ بە، - دەدى رەنجىپ.
مۇراتتىڭ جۇرەگى سۋ ەتە ءتۇستى. «ماسقارا ءۇي قازىن اتىپ الىپتى». نە ايتىپ تۇرعانىن ءوزى دە تۇسىنبەي: «مۇمكىن ەمەس، مۇمكىن ەمەس»، — دەي بەردى كۇبىرلەپ.
You Might Also Like
-
ەرتە-ەرتە ەرتەدە، ەشكى ءجۇنى بورتەدە، «ەرتەگى» دەگەن كەرەمەت پاتشالىق كۇرعان ولكەدە ءبىر ايتۋلى وقيعا بولىپتى. ول قانداي وقيعا دەيسىڭ عوي، ىزگى جۇرەكتى، ۇشقىر قيالدى جاس دوس؟ ول بىلاي بول...
-
قالىڭ توعايدى قاق جارا اعىپ جاتقان قاراتال وزەنىنىڭ تابيعاتى اسەم-اق. وزەندى جاعالاي وسكەن ميۋالى اعاش، وقالى توندى كومكەرگەن قۇندىزداي قۇلپىرادى. جىنىس توعايدىڭ ءار جەرىنەن قوي تاستى بەلدەۋلەر كورى...
