قىزىلكەڭىردەك
ءبىزدىڭ ءۇيدىڭ جانىندا ۇلكەن جازىق بار بولاتىن. سول الاڭقايدا اۋىل بالالارى فۋتبول وينايتىن. ءقازىر دە ءبىر توپ بالا جينالعان. ۇزاق قاراپ تۇردىم دا، قاستارىنا جاقىندادىم. قايسى ءبىرى كەشە فۋتبولدان قالاي جەڭىلىپ قالعاندارىن ايتادى. سامات ەكى دوپ وتكىزىپ الدى ەمەس پە؟ ءتارىزى، جەڭىلىس ساماتقا بايلانىستى، ولاردىڭ ويىنشا. ال، ەركىن بولسا كاپيتانمىن دەپ دوپتى جەكە وينايدى. «قاقپاعا ءوزىم سوقسام» دەيدى، ونىڭ ويى. الگى جينالعان توپ قىزىلكەڭىردەك بولىپ جاتىر.
— كەلەسى كەزدەسۋدە ولاردى قالاي ويسىراتا جەڭەدى ەكەنبىز. شىنىندا سولاي عوي، ولاردى تاعى ءبىر كەزدەسۋگە شاقىرامىز با، اعا؟ — دەدى سامات ءوزىن كىنالى سەزىنىپ.
«اعا!» دەپ سويلەگەندىگىنە قاتتى قىسىلىپ كەتتىم. ولاردىڭ «شاقىرامىز» دەپ تۇرعانى ءۇشىنشى سىنىپ وقۋشىلارى.
— قايتەسىڭدەر داۋلاسىپ، كەشەگى ويىندا ءبىزدىڭ كوماندادا قاتەلىكتەر بولعان شىعار. سول كەمشىلىكتەردىڭ ورنىن تولتىرىپ، ءبىرىمىزدى-بىرىمىز تۇسىنە ءبىلۋىمىز كەرەك، — دەدىم ۇلكەندىگىمدى بايقاتىپ.
— كانيكۋلدىڭ ءبىر اپتاسى بوسقا ءوتىپتى. بىتىرگەن ءىسىمىز دە شامالى. كەشكە دەيىن دوپ قۋالاپ جۇرگەنىمىز، مىناۋ. ونىڭ وزىندە قيراتىپ جاتقانىمىزدى بىلەتىن شىعارسىڭدار، — دەدىم بايسالدى ۇنمەن.
— ال سوندا باسقا نە ىستەمەكپىز، — دەدى سامات. مۇنىڭ سوزىنە مارات پەن جەكسەنبەك قوسىلىپ كەتتى.
— ەندەشە بۇگىنگى كۇنەن باستاپ ءار كۇندى ءتيىمدى پايدالانۋعا كىرىسەمىز. دوپ ويناۋعا دا ۋاقىت تابىلادى...
— ال بارىڭدىكى دە دۇرىس. دەگەنمەن جۇمىستىڭ جەڭىلى جوق. مىنا جۇمىس قيىن ەكەن، ەندى ءبىرى وڭاي دەپ سۇرىپتاپ بولەتىنى جوق. ىستەگەن سوڭ ءبارى جۇمىس. «تامشىدان تاما-تاما كول» دەگەن ەكەن ەرتەدە باسى ءداۋ بىرەۋ، — دەپ ەدىم، بارلىعى دا كۇلىپ جىبەردى. ءداۋ باس كىم ەكەن دەپ سۇراقتى جاۋدىرتتى شەتىنەن. «باسى ءداۋ دەگەنىم اقىلدى ادامدار عوي»، دەي سالدىم.
— شىنىندا دا كەتتىك، كىرپىش قۇيامىز...
— تەز ارادا قۇدىق قازىپ تاستايىق...
— انە، وزدەرىڭ كورمەسەڭدەر كورىڭدەر. باقشادا ءبىر توپ ەشكىلەر ءجۇر.
مارات، سامات جانە جەكسەنبەكتەر تاعى دا كەرىسىپ قالدى. ءبىرىنىڭ ءسوزىن ءبىرى جاقتىراتىن ءتۇرى بىلىنبەيدى.
— ءارقايسىڭ وزىڭە-وزىڭ كومەكتەسىڭدەر، — دەدىم رەنجىپ. ولار كەرىلدەسىپ تۇرعاندا، كۇننىڭ كەشكىرىپ قالعانىن بىلمەي قالعان ەدى. كۇن بۇلاردى مازاقتاعانداي سوڭعى رەت كورىنىپ، ۇياسىنا ەنىپ كەتتى.
شاقىرعان داۋىس ەستىلدى. ۇشەۋى دە تومەنگى سىنىپتا وقيدى. ايتقان سوزدەرىنە ىشتەي ريزا بولدىم. قاراپ تۇرىپ كىشكەنتاي جۇرەكتەن ەڭبەككە دەگەن ەكپىن بار ەكەنىن سەزەسىڭ. «سەندەر ءالى جاسسىڭدار، دوستار» دەيمىن. كىشكەنتاي بۇلدىرشىندەر قول ۇستاسىپ كەتىپ بارادى.
You Might Also Like
-
سەرجان بيىل كوكتەمدى كوپ كۇتتى. مىنە، ناۋرىز ايىنىڭ جارتىسى ءوتىپ بارادى، الىگە دەيىن قىس سىزى كەتەر ەمەس. سەرجان، جالپى، بيىلعى قىسقا وكپەلى. ول كوكتەمنىڭ باستاپقى ايىنا زورلىق جاسادى. نەتكەن ادىلە...
-
باعانا بىزگە تۇرپىدەي كورىنگەن اپەندى اتايدى قورشاپ الدىق. ول دا ءماز. ەكى ەزۋى — ەكى قۇلاعىندا. شاي ىشكەندەي بورا-بورا تەرلەپ كەتىپتى. بەت-اۋزىن كولدەي ورامالىمەن ءالسىن-السىن ءسۇرتىپ قويىپ، قا...
