InfoHub Logo

21 عاسىر ءسوزسىز تەحنيكانىڭ جەتىلگەن ءداۋىرى. توركۇل دۇنيە تورىندە سانسىز عاجايىپتار ورنىن الىپ جاتقان كەزەڭ. وكىنىشتىسى تەحنيكا جەتىلگەن سايىن ادامداردىڭ كاسيبي مامان بولۋى جولدا قالىپ بارا جاتىر. قازىرگى تاڭدا ادامدار دا جۇرەك قالاۋى دەگەن تۇسىنىك ىڭعايىنا قاراي اۋىسقان. ياعني، جۇرەگىنىڭ تالاپ ەتەتىنىنە ەمەس، زاماننىڭ نەنى تالاپ ەتەتىنىنە قاراي ماماندىق تاڭدايدى. وسىلايشا ول ماماندىقتىڭ قىر-سىرىن مەڭگەرمەستەن، بولماشى جەرگە جۇمىسقا ىلىگىپ كەتۋ ءۇشىن ءبارىن قۇردىمعا جىبەرەدى. جۇمىسى وڭاي بولسا دا قيىن سىنىپ تۇرادى. نەگە؟ويتكەنى سول ماماندىقتى ءاۋ باستا جۇرەك قالاۋىنسىز تاڭدادى، ەندى بىرەۋدىڭ قول استىندا جۇمىس ىستەپ جۇرسە دە وزىنە ابىروي سانايدى. ەگەر ءوز قالاۋىنداعى ماماندىق تاڭداعان بولسا، ءتىپتى مىڭ جەردەن قيىن جۇمىستى دا ەمىن-ەركىن اتقارىپ جۇرەتىن ەدى. "كەرەك تاستىڭ اۋىرلىعى جوق "، -دەپ جايدارى ءجۇرىپ، جۇمىسىن اتقاراتىن ەدى وسىدان تۇيىنەتىنىمىز مامان بولۋعا كەرەك قادامدىڭ العاشقى ساتىسى-جۇرەك قالاۋى. بۇل قازىرگى باتىس اعىمىندا تاربيلەنىپ كەلە جاتقان جاستاردىڭ ەڭ نەگىزگى پروبلەماسى.

بالاڭ جاستىق كەزىندە تانىمدىق، كاسيبي قىزىعۋشىلىقتار قالىپتاسادى. ءوزىنىڭ بولاشاعىنا ايقىن قاراپ، اساۋ بيىكتەردى ارماندايدى. تەك وسە كەلە ول ارمانىنىڭ ۇشقىنى عانا قالادى . بۇل قىزىعۋشىلىعى جويىلعانى ەمەس، مۇمكىنشىلىكتى ىزدەپ قالۋ سالدارىنان. ماسەلەن ،11-سىنىپ تۇلەكتەرىنىڭ ماماندىق تاڭداۋىن سيپاتتاپ كورەيىكشى:بىرەۋى تانىسى بار وقۋدى، ءبىرى  اتا-تانىڭ ۇگىتتەۋىمەن، ال ەندى بىرەۋى ماتەريالى جەتەتىنىنە قاراي وقۋ تاڭدايدى. مىنە، وسىلايشا جۇرەك قالاۋىن مۇنكىنشىلىك اياسىنا سارپ ەتەدى.

ال، مامان بولۋعا كەرەك قادامنىڭ ەكىنشى ساتىسى-سەنىمدىلىك پەن جانىن سالىپ ەڭبەك ەتۋ. ادامداردىڭ ەڭ نەگىزگى كەمشىلىگى -سەنىمسىزدىك. كوپ نارسەنى سەنىمسىزدىكتەن ورتا جولدا قالدىرىپ قويادى. بيىك بەلەستەردى باعىندىرا الاتىنىنا كۇمانمەن قارايدى. "جەڭىلەسىڭ سەنىمىڭ جوعالعاندا"، -دەگەن يبراحيم يسايەۆتىڭ كەرەمەت ءسوزىن ەسكە الايىقشى. ارينە، ەگەر جارعاق قۇلاعى جاستىققا تيمەي ەڭبەك ەتسە، مىندەتتى تۇردە جەمىسىن كورەدى. "وزىڭە سەن، ءوزىڭدى الىپ شىعار ەڭبەگىڭ اقىلىڭ ەكى جاقتاپ" دەگەن قاعيدانى ۇمىتپاسا بەنەيتى دە زەينەتى كوپ بولاتىنى انىق. ءاسىلى  "تالانت بار، تانىس جوق "دەگەن انشەيىن سىلتاۋ ءسوز بولماق. شىن تابىسىڭ بولسا، تانىسىڭ دا تابىلادى. . .

وسى ءبىر ساتىلاردان كەيىن ەڭ نەگىزگىسى-جاۋاپكەرشىلىك. ناعىز مامان بولۋ ءۇشىن  اۋەلى ءوز ماماندىعىنىڭ الدىندا جاۋاپكەرشىلىكتى سەزىنۋ مىندەت بولىپ تابىلادى. ەگەر ول ءوز ىسىنە تياناقتى قاراماسا، جوعارىدا ايتىلعان  ادامدار سەكىلدى بىرەۋدىڭ بۇعاۋىندا عانا كۇيبەڭ ءىسىن جالعاستىرىپ جۇرە بەرەدى. سول سەبەپتى، ناعىز مامان بولۋ ءۇشىن بارلىق كەرتارتپا مىنەزدەردى دوعارىپ، ماماندىعىڭنىڭ شىڭى بولاتىنداي ارەكەت جاساۋ كەرەك.

احۋنباي ايعانىم سامات قىزى

---