مىنەزسىز قالامگەردەن مىنەزدى دۇنيە شىقپايدى
تۇران ۋنيۆەرسيتەتى جۋرناليستيكا كافەدراسىنىڭ
1 كۋرس ستۋدەنتى كۋساين ءمولدىر باقىتبەك قىزى
جەتەكشىسى: ءالمىش جادىرا تالعات قىزى
مىنەزسىز ادام... ول كىم؟ بۇل دۇنيەدە مىنەزسىز ادام بولۋشى ما ەدى؟! جاراتۋشىمىز ادام اتا مەن حاۋا انانى جاراتقاندا ولارعا ءوزىنىڭ 99 ەسىمىنىڭ، ياعني، اسىل قاسيەتتەرىنىڭ 0،1% بويىنا دارىتىپ جاراتقان. قاسيەت ول – مىنەز. مىنەز ول – ادامنىڭ ىشكى جان دۇنيەسى، بويىنداعى، ويىنداعى، جۇرەگىندەگى جاقسى مەن جامان قاسيەتتەردى سارالاپ، سۇرىپتاي الۋى.
مىنەز 7 ميلليارد ادامنىڭ بارىندە بار. بىرەۋ جۋاس، بىرەۋ سابىرلى، بىرەۋى جايباسار دەگەن سياقتى... سايكەسىنشە، وسى قاسيەتتەر بويىنان تابىلاتىن ادامدى ەشكىم مىنەزدى ادام دەمەيدى. مىنەزدى دەگەن باسقاشا ماعىنا، باسقاشا تەرمين. مىنەزدى ادام – سانالى ادام. ويىن ەشكىمنەن قورىقپاي، تىك جەتكىزەتىن، بار بولمىسى، جان دۇنيەسى مەن ساناسى ادىلدىكتى قولدايتىن، ادىلدىكتىڭ جولىندا جانىن قۇربان ەتەتىن ادام. مىنەزدى ادام – ءوزىنىڭ پايداسى ءۇشىن وتىرىك ايتپايتىن ادام. مىنەزدى ادام – جاراتۋشىدان باسقا ەشكىمنەن قورىقپايتىن ادام. مىنە، مەن بويىنان وسى قاسيەتتەر تابىلاتىن ادامدى اۋىز تولتىرىپ، «مىنەزدى ادام» دەۋشى ەدىم. دەگەنمەن، مەنىمەن كەلىسپەيتىن جاندار بولار... ءبىراق بۇل مەنىڭ ءوزىمنىڭ جەكە ويىم.
مىنەزسىز قالامگەردەن مىنەزدى دۇنيە شىقپايدى... وتە ورىندى ايتىلعان، كەلىسەسىز بە؟ ورىستاردىڭ جاقسى ءسوزى ەسىمە ءتۇسىپ وتىر: «ۇلتتى قولداپ، ۇلتتىڭ جازۋشىسى بولا الماساڭ قولىڭا نە ءۇشىن قالام الىپ، كىم ءۇشىن جازدىڭ؟»،- دەگەن. مىنەزسىز ادام جوق، ەكىجۇزدى ادام بار. ادىلدىكتى جاقتايمىن دەپ، پايداسى ءۇشىن وتىرىك ايتاتىن ادام بار. مىنەزسىز ادام – ادىلەتتىلىكتىڭ ءيىسىن سەزبەيتىن ادام. ايتپاعىم، مىنەزدى دۇنيە شىعارۋ ءۇشىن ادام ەڭ الدىمەن، وزىمەن جۇمىس جاساۋى كەرەك. جالپى، ءدىني جاعىنان قاراستىرسام دا، پەندەلىك جاعىنان قاراستىرسام دا ءبارىبىر. قۇراندا: «ادام تەك ءبىر مىنەزدى بولۋ كەرەك» دەلىنگەن. باسىڭا قايعى تۇسسە دە، قۋانىش ورناسا دا...
اللانىڭ 86-شى قاسيەتتى ەسىمىن بىلەسىز بە ؟ «ءال-مۋقسيت» - ءادىل. ول ادىلدىك ءاربىرىمىزدىڭ بويىمىزدا بار. تەك، مىنەزسىز ادام عانا سول ادىلدىكتى جاماپ، «ەشكىم كورىپ تۇرعان جوق قوي»، «ەشكىم بىلمەي قالادى عوي» يا بولماسا، ءوز ءومىرى ءۇشىن قورقىپ، تۇلا بويىنداعى تۇنىپ تۇرعان «نامىسىن» تاپتاپ، جويادى. ەندى، وسى ادامنان قالاي عانا «مىنەزدى دۇنيە» شىعادى دەپ ويلايمىز؟...
ماقالامدى ءاليحان بوكەيحانوۆتىڭ سوزىمەن اياقتاعىم كەلىپ وتىر: «ۇلتىن ءسۇيۋ بىلىمنەن ەمەس، مىنەزدەن!».
You Might Also Like
-
كوروناۆيرۋس ينفەكسياcى ينسۋلت پەن ەپيلەپسيا تۋدىرۋى مۇمكىن.
-
اللا ساقتاسىن دەپ سويلەيىك. ءتىس اۋىرعاندى دوس تۇگىلى دۇشپانىمنىڭ باسىنا تىلەمەس ەدىم. ءتىپتى “ءقازىر سەنىڭ جانىڭدى الامىن!” دەپ تۇرعان جانالعىشقا دا تىلەيتىن اۋرۋ ەمەس ەكەن.
