مىسىق پەن قويان
جاز كۇنىندە مىسىق پەن قويان كەز كەلىپ، ەكەۋى سويلەسەدى. قويان ايتادى: «ەكەۋىمىز اجىراسپايتىن دوس بولالىق»، – دەپتى. سوندا مىسىق ايتادى: «ولاي بولسا، جاقسى بولدى. مەنىڭ بالالارىمدى سەنىڭ بالالارىڭنىڭ ۇستىنە الىپ بارايىق»، – دەيدى. ەكەۋى بالالارىن جونەلتىپ، بىرگە جاتىپ جۇرەدى. مىسىق بالالارىنا كۇندە كەكىلىك، قىرعاۋىل تىستەپ اكەلىپ بەرەدى. قويان ءشوپ-شار بەرىپ، كۇن كورىپ ءجۇرىپتى. ءبىر كۇنى مىسىق ءبىر قۇستى اڭداۋسىزدا قارماپ الىپ، تىرىدەي ۇياسىنا الىپ كەلەدى. قۇستى ۇشىپ كەتپەس ءۇشىن قانات، قۇيرىعىن قىرقىپ، بالالارىنا بەرەدى. بالالارى ارى-بەرى جورعالاتىپ ويناپ، جەمەيدى. ونى قويان كورىپ ايتادى: «مىسىقجان، مىناۋ جۋاس ايۋان ەكەن، بالالاردىڭ ىشىنە قوسىپ قويا تۇرىپ، مەنىڭ بالالارىمنىڭ كوزى اشىلعاندا، وسىنداي قىلىپ ويناتايىق»، – دەپتى. مىسىق دوسىنىڭ ءتىلىن قيماي، «ماقۇل» دەپ قوسىپ قويىپتى. ەرتەسىنە ەكەۋى دالاعا كەتىپتى. قۇس ەكەۋىنىڭ بالالارىن ءبارىن تويعانشا جەپ، قالعانىن ءولتىرىپ، كەتە بەرىپتى. ماقال: «ءبورى بالاسى – يت بولماس».
You Might Also Like
-
باياعى زاماندا جىلقى ەمىن-ەركىن ءوز بەتىمەن جۇرگەن جابايى اڭ ەكەن. ەشقانداي ايداۋ-قايىرۋدى بىلمەپتى. قىستى كۇندەرى قارى جۇقا جازىق دالانى، ءشوبى قالىڭ توعايدى، وزەن بويىنداعى قۇراقتى جەرلەردى، كول جاع...
-
قىرعي مەن بوكتەرگى ويدا جوق جەردە كەزدەسە كەتەدى. ەكى دوس وتكەن-كەتكەندى اڭگىمەلەپ، كەزدەسۋ قۇرمەتىنە كەش وتكىزۋدى ۇيعارادى. كەشتىڭ كەرەگىن ازىرلەۋ ءۇشىن جيىرما تورعاي ۇستاپ اكەلۋگە كەلىسەدى. جيىرما...
