قىرعي مەن بوكتەرگى
قىرعي مەن بوكتەرگى ويدا جوق جەردە كەزدەسە كەتەدى. ەكى دوس وتكەن-كەتكەندى اڭگىمەلەپ، كەزدەسۋ قۇرمەتىنە كەش وتكىزۋدى ۇيعارادى. كەشتىڭ كەرەگىن ازىرلەۋ ءۇشىن جيىرما تورعاي ۇستاپ اكەلۋگە كەلىسەدى. جيىرما تورعايدىڭ جارتىسىن ۇستاۋدى قىرعي مىندەتىنە الادى، قالعان ون تورعاي بوكتەرگىنىڭ ۇلەسىنە تيەدى.
قىرعي كوپ كەشىكپەي 10 تورعايدى ۇستاپ، توبە باسىندا بوكتەرگىنى كۇتىپ وتىرادى. بوكتەرگىنىڭ كەلەتىن مەزگىلى ءوتىپ، كەشىگەدى. ال، بۇلار كەشتى كۇن باتپاي باستاۋعا ۋادە ەتكەن. اقىرى شىدامى تاۋسىلعان قىرعي دەرەكسىز كەتكەن بوكتەرگىنى ىزدەۋگە شىعادى.
قالىڭ توعاي بويىمەن ۇشىپ كەلە جاتىپ، قىرعي الىستان بوكتەرگىنى بايقايدى. ول ءبىر تورعايدى قۋىپ، ىلديعا ىعىستىرىپ بارادى ەكەن. سول ساتتە قىرعي بوكتەرگىنىڭ سوڭىنان ۇشىپ جەتەدى. ونىڭ قاۋىرسىندارى تەرگە مالشىنىپ، اياعىن تورعايدى بۇرۋگە ىلگەرى سوزا ءتۇسىپتى. بوكتەرگىنىڭ شارشاۋ كەيپىن كورگەن قىرعي: «توعايدا تورعاي قالدىرماي قىرعان ەكەن»، – دەپ ويلايدى. ءسويتىپ، ول بوكتەرگىدەن اسىعىس:
– اۋ، بوكە، قانشا تورعاي ۇستادىڭىز؟ – دەپ سۇراپتى.
سوندا بوكتەرگى الدىندا ۇشىپ بارا جاتقان تورعايدى نۇسقاپ:
– وسىنى السام، توعىز تورعاي قالادى، – دەپتى.
You Might Also Like
-
جاز كۇنىندە مىسىق پەن قويان كەز كەلىپ، ەكەۋى سويلەسەدى. قويان ايتادى: «ەكەۋىمىز اجىراسپايتىن دوس بولالىق»، – دەپتى. سوندا مىسىق ايتادى: «ولاي بولسا، جاقسى بولدى. مەنىڭ بالالار...
-
ەرتە زاماندا ءبىر جولبارىس ءبىر توعايدىڭ قالىڭ بەدەرىندە ۇيىقتاپ جاتىر ەدى. ۇستىمەنەن ءبىر تىشقان جورعالاپ ءجۇرىپ بارا جاتقانىن سەزىپ، ۇيقىسىنان ويانىپ قاراسا، تىشقان ەكەن، ۇستاپ الدى دا تىشقاندى قىسىپ ...
