مۇعالىمدەر كۇنىنە ارنالعان ۇزدىك قۇتتىقتاۋلار
قۇرمەتتى، ۇستازىم! ءسىزدى ءبارىمىزدىڭ قامقورشىمىز، شاكىرتتەرىڭىزدىڭ جىلى جۇرەكتى ۇستازى بولعانىڭىزدى ماقتان ەتەمىز!
كوپ جىلدار بويى اقىرىن ءجۇرىپ، انىق باسقان ۇستاز بولۋىڭىزبەن بىرگە، ءبىزدى سابىرلى مىنەزبەن، ساليقالى سالماقتى اقىلىڭىزبەن تاربيەلەدىڭىز، ءارقايسىمىزدىڭ ءومىردى ءوز ورنىمىزدى تابۋىمىز ءۇشىن بەرگەن اقىل-كەڭەستەرىڭىزگە، ءبىزدى ەل قاتارىنا قوسقانىڭىزعا مىڭ دا ءبىر راحمەت ايتىپ، شاكىرتتىك ىقىلاسىمىزدى بىلدىرگىمىز كەلەدى. ۇلكەن بيىككە قول جەتكىزۋىمىزگە، كىسىلىككە، ادامگەرشىلىككە تاربيەلەگەنىڭىز ءۇشىن ءبىز سىزگە ءارقاشان قارىزدارمىز.
قوعامنىڭ ءاربىر جاڭالىعىن جىلى قابىلداپ شاكىرتتەردىڭ بويىنا جەتكىزە بىلگەنىڭىزبەن قاتار، بويىڭىزداعى بار جيناپ-تەرگەن ءبىلىمىڭىزدى وقۋشىلاردىڭ ساناسىنا ساپالى ەتىپ سىڭىرە ءبىلدىڭىز، بالالارىڭىزدىڭ ءبىلىمدى، پاراساتتى بولىپ شىعۋىن ماقسات ەتتىڭىز. ول ارمانىڭىز ءوزىڭىزدىڭ ەرەن ەڭبەگىڭىزدىڭ ارقاسىندا ورىندالدى. ءبىز سوعان شىن جۇرەكتەن قۋانامىز. سىزگە ءالى دە شىعارماشىلىق جۇمىستىڭ جەمىسىن جەپ، ءبىزدىڭ قىزىعىمىزعا كەنەلە بەرسىن دەپ تىلەيمىز.
*** *** *** ***
عاجايىپ دۇنيە سىرىن ۇقتىرىپ، ءبىلىم بەرگەن، ۇلكەن ومىرگە اق جول تىلەپ اتتاندىرعان ۇستازدارىمىزعا ماڭگى تاعزىم.
*** *** *** ***
شاكىرتتەرىنە اسا مەيىرىمدى، سوزىنە بەرىك، شىنشىل مىنەزدى، جۇرەگى باتىر، ونەگەسى اسىل، جانى جومارت، پەيىلى دارقان، ەرەن ەڭبەكشىل، بايلامى بەرىك، ويى وتكىر ۇستازدار!
*** *** *** ***
ۇستاز دەگەن ۇعىم بار، مىنا دۇنيەدە. ىلمەيتىندى ىلدىرەتىن، بىلمەيتىندى بىلدىرەتىن. ساناعا اقىل ۇيالاتاتىن، ارماندى الدان قيالاتاتىن. ءومىردى ۇعىنۋىڭا سەبەپ بولاتىن، تىرلىككە كىرۋىڭە كومەك بولاتىن. ءار كەزدە ايالايتىن، ءدارىستى ايامايتىن. بىقسىتپايتىن، جاندىراتىن. تۇلعالىق تابيعاتىن ماڭگىلىك قالدىراتىن. ۇعىمى ۇشار بيىكپەن پارا-پار ۇستازدىڭ بىرىنەن بىزدەر دە ءتالىم الدىق.
*** *** *** ***
ءمۇعالىم — ماماندىق، ۇستازدىق — قاسيەت. ياعني، ۇستاز بولۋ — ادام بويىنداعى ۇلى قاسيەتتەردىڭ ءبىرى. ەندەشە، وسىناۋ ۇلكەن ۇعىمداعى ۇستازدىق قاسيەتكە بارىنشا ادالدىق تانىتىپ، بار سانالى عۇمىرىن وسى سالاعا ارناعان، ۇستازدارعا قانداي ماقتاۋ، ماداق ايتساق تا ارتىقتىق ەتپەيدى.
*** *** *** ***
ەل يگىلىگى ءۇشىن ەڭبەكپەن ەتەنە ارالاسىپ، جارقىن بولاشاققا قارىمدى قادام جاساعان ۇلاعاتتى ۇستازدىڭ ءومىرى قيىندىق پەن قۋانىشقا تولى.
*** *** *** ***
ۇستازى جاقسىنىڭ — ۇستامى جاقسى دەگەن ءسوز تەگىننەن-تەگىن ايتىلماسا كەرەك. اتا-انادان كەيىنگى بالاعا ءبىلىم بەرىپ، تاربيە ۇيرەتەتىن سول ۇستاز.
*** *** *** ***
ۇستازدار كۇنى — بۇل ءداستۇرلى ءارى بۇكىلحالىقتىق مەرەكە دەسەك ارتىق ايتقاندىق بولماس. ۇلى عۇلامالاردىڭ دا ۇستازى بولعان، سوندىقتان بولار وسى ابىرويلى مىندەتتى اتقارىپ جۇرگەندەردى حالقىمىز ءارقاشان ەرەكشە قۇرمەت تۇتقان. ۇستازدىڭ ءار ادامنىڭ جۇرەگىنەن الاتىن ورنى ايرىقشا، قولىنا قالام ۇستاتىپ، العاش الىپپەنى ۇيرەتكەن ءمۇعالىمىن جىلىلىقپەن ەسكە المايتىندار كەمدە كەم بولار.
"ۇستاز" ءسوزىنىڭ ءوزى "وتان"، "ار"، "ادامگەرشىلىك" سياقتى قاسيەتتى ۇعىمداردىڭ قاتارىنان ورىن تەبۋىنىڭ وزىندە ۇلكەن ءمان جاتىر.
قازاقستاننىڭ الدىندا باسەكەگە قابىلەتتى ەلدەردىڭ قاتارىنان كورىنۋ مىندەتى تۇر. بۇل ءوز كەزەگىندە ۇستازداردىڭ موينىنا ەكى ەسە جاۋاپكەرشىلىك جۇكتەيدى. سەبەبى، ەرتەڭگى كۇننىڭ قوعامدىق-ساياسي، ەكونوميكالىق ماسەلەلەرىن شەشە بىلەتىن ءبىلىمدى دە بىلىكتى ۇرپاقتى تاربيەلەۋ سىزدەردىڭ قولدارىڭىزدا، قۇرمەتتى ۇستازدار! ءبىلىم بەرۋدىڭ كۇردەلى مىندەتتەرىن رۋحاني باي، پەداگوگيكالىق دارىنى بار، شىعارماشىلىق، كاسىبي تاسىلدەردى جەتىك مەڭگەرگەن جانە جاڭالىققا قۇشتار جان-جاقتى تۇلعا عانا شەشە الادى. سىزدەردىڭ وسى باعىتتاعى ەڭبەكتەرىڭىز جانا بەرسىن! "ۇستاز باقىتى — وزىپ تۋعان شاكىرتى" دەسە، اتتارىڭىزدى اي-الەمگە پاش ەتەتىن تالانتتى دا ءبىلىمدى شاكىرتتەرىڭىز كوبەيە بەرسىن!
*** *** *** ***
"ۇستازدىق ەتكەن جالىقپاس، ۇيرەتۋدەن بالاعا" — دەگەندەي، ءار شاڭىراقتىڭ ءۇمىت كۇتكەن ۇل-قىزدارى سىزدەردىڭ بىلىمدەرىڭىز بەن بىلىكتەرىڭىزگە جۇگىنىپ، سەنىپ كەلەدى. ەل ەرتەڭى بولىپ تابىلاتىن ۇلانداردىڭ بويىنا ءبىلىم مەن ونەردى، ادامگەرشىلىك پەن ادالدىقتى، تۋرالىق پەن شىنشىلدىقتى، رۋحاني بايلىق پەن ۇلتتىق قاسيەتتەردى ءسىڭىرىپ، ولاردى تۇلعالى ازامات ەتىپ قالىپتاستىرۋدا سىزدەردىڭ ۇلەستەرىڭىز وراسان مول.
*** *** *** ***
جاس ۇرپاقتى وقىتۋ مەن تاربيەلەۋ جولىنداعى ەڭبەكتەرىڭىزگە تابىس، شىعارماشىلىق جەتىستىكتەر، سالاماتتى دەنساۋلىق جانە ءبىلىم مەن عىلىمدى يگەرۋدە ىلگەرى ىزدەنىستە بولۋلارىڭىزدى تىلەيمىن.
*** *** *** ***
ۇلت ۇستازى، قازاقتىڭ وتكەنى عاسىرداعى رۋحانياتىنىڭ كوشباسشىسى احمەت بايتۇرسىن ۇلى: "مەكتەپتىڭ جانى — ءمۇعالىم. ءمۇعالىم قانداي بولسا، مەكتەبى ءھام سونداي بولماقشى، ياعني ءمۇعالىم ءبىلىمدى بولسا، بىلگەن ءبىلىمىن باسقاعا ۇيرەتە بىلەتىن بولسا، ول مەكتەپتەن بالالار كوبىرەك ءبىلىم ءبىلىپ شىقپاقشى. سولاي بولعان سوڭ، ەڭ اۋەلى، مەكتەپكە كەرەگى — ءبىلىمدى، پەداگوگيكا، مەتوديكادان حاباردار، وقىتا بىلەتىن ءمۇعالىم"- دەپتى. ارادا ءبىر عاسىر وتسە دە، الاش ارىسىنىڭ بۇل ءسوزى ءالى كۇن تارتىنەن تۇسكەن جوق. وتانىمىزداعى ميلليونداعان بالاعا ءبىلىم ۇيرەتىپ، تاربيە تاعىلىمىن دارىتىپ كەلە جاتقان مىڭداعان ءمۇعالىم قاۋىمىن ءتول مەرەكەسىمەن قۇتتىقتايمىز! ءوزىنىڭ ىسىمەن، ءوزىنىڭ سوزىمەن ەگەمەن ەلىمىزدىڭ بولاشاعىن ويلايتىن، تاۋەلسىزدىگىن قورعايتىن ءبىلىمدى ۇرپاقتىڭ تالىمگەرى سىزدەرسىزدەر! ۇرپاق تاربيەسى جولىندا قىزمەت ەتىپ كەلە جاتقان مۇعالىمدەردىڭ اتا-انادان كەيىنگى اتقارار ءرولى ەرەكشە، تاۋەلسىز مەملەكەتىمىزدىڭ باستى قۇندىلىعى — ءبىلىمدى ادام. تەك ءوز وتانىمىزداعى ءبىلىم ۇردىسىمەن شەكتەلىپ قالماي، الەمدىك ءبىلىم كەڭىستىگىنە شىعۋ جولىنداعى قادامدارىڭىدىڭ ءوزى باسەكەلەستىكتىڭ باعىن اشادى.
*** *** *** ***
ءبىلىم سالاسى قىزمەتكەرلەرىن ءتول مەرەكەلەرى — مۇعالىمدەر كۇنىمەن قۇتتىقتايمىز! سىزدەردىڭ ماماندىقتارىڭىز ەلدەگى ەڭ ءقادىرلى، ەڭ مەرەيلى ءارى اسا جاۋاپتى مەركە. سەبەبى، قازاقستاننىڭ بولاشاعى سىزدەردىڭ قولدارىڭىزدا. بالانىڭ بولاشاعى، وقۋدا قانداي جەتىستىككە جەتەتىنى، ومىردە قانشالىقتى تابىستى، ىسكەر بولاتىنى تىكەلەي تالىمگەرگە بايلانىستى. ەلباسىنىڭ ايرىقشا كوڭىل ءبولۋى ناتيجەسىندە ءبىلىم مەكەمەلەرىن كوبەيتۋ جانە ولاردىڭ ماتەريالدىق-تەحنيكالىق بازاسىن زامانۋي قوندىرعىلارمەن جابدىقتاۋ ارقىلى ءبىلىم سالاسىن دامىتۋعا بارلىق جاعداي جاسالىپ كەلەدى. ونىڭ بارلىعى ءبىلىم ساپاسىن ارتتىرۋعا، كاسىبي شەبەرلىكتى نىعاييتۋعا، مۇعالىمدەردىڭ الەۋمەتتىك مارتەبەسىن جوعارىلاتۋعا ىقپال ەتەتىنى ءسوزسىز. بۇل سىزدەردىڭ قازاقستان ازاماتتارىن ءوز ەلىنىڭ پاتريوتى جانە تاربيەلى ءارى جاۋاپتى ادام ەتىپ تاربيەلەپ شىعاتىندارىڭىزعا سەنىمدىمىز. قۇرمەتى ۇستازدار مەن ءبىلىم سالاسىنىڭ ارداگەرلەرى! سىزدەردى مەرەيلى مەرەكەلەرىڭىزبەن شىن جۇرەكتەن قۇتتىقتاي وتىرىپ، مىقتى دەنساۋلىق، شىعارماشىلىق تابىستار، ىزگى ماحاببات پەن مەيىرىم تىلەيمىز!
*** *** *** ***
ۇستاز،ۇستاز!!!
وسى سوزدە جاتىر قانشا ۇلىلىق،
وسى سوزدە تاۋسىلمايتىن جىلىلىق.
ءال فارابي، ىبىراي مەن، اقاڭدى
وسى ءسوز عوي قويعان بىزگە ۇلىعىپ.
ۇستاز شەبەر قيسىقتاردى جوندەيتىن،
تەنتەكتەردى اقىلمەمەن ەمدەيتىن،
بولسا داعى مالعا كەدەي ومىردە.
بار بايلىعىم شاكىرتتەررىم سەن دەيتىن!
قۇرمەتتى ۇستازدار سىزدەردى شىن جۇرەكتەن مەرەكەلەرىڭىزبەن قۇتتىقتايمىز! ۇزاق ءومىر، قاجىماس قايرات، تاۋسىلماس باقىت، ۇزاق ءومىر، زور دەنساۋلىق، تالماس قانات تىلەيمىز!!!
*** *** *** ***
قۇرمەتتى ۇستازدار!
تاماشا مەرەكە — مۇعالىمدەر كۇنى قارساڭىندا ءوزىمىزدىڭ سۇيىكتى ۇستازدارىمىزدى وسى ءبىر ايتۋلى وقيعامەن شىن جۇرەكتەن قۇتتىقتايمىن.
ءبىز ءبىلىم ورداسى — مەكتەپ تابالدىرىعىن اتتاپ، وندا قازىقتى دا تەرەڭ ءبىلىم الىپ، تىلسىم دۇنيەنى تانىدىق. ۇستازدارىمىز ءبىزدى ءبىلىم تۇڭعيىعىنان ءنار الدىرىپ، قارجىللىلققا، ىزگىلىك پەن ادامگەرشىلىكككە باۋلىدى، تاباندىلىقپەن ەڭبەك ەتىپ، الدىمىزعا بيىك ماقساتتار قويۋدى ۇيرەتتى.
"ۇستاز، سەنىڭ الدىڭدا باس يۋگە رۇقسات ەت!" — دەگەن كوپكە تانىمال ولەڭ جولدارىندا وسى ءبىر جانكەشتى ابزال جاندارعا دەگەن ۇلانعايىر العىس كورىنىس تاپقان.
قۇرمەتتى ۇستازدار، بۇگىن سىزدەردىڭ مەرەكەلەرىڭىز!
سىزدەرگە دەنساۋلىق، باق-بەرەكە تىلەيمىن. شاكىرتتەرىڭىز بيىك شىڭداردان كورىنىپ، ەڭبەكتەرىڭىز اقتالا بەرسىن!
*** *** *** ***
قۇرمەتتi، ەلوردالىق ۇستازدار! سiزدەر نۇر-سۇلتاننىڭ ءتورiندە وتىرىپ، باس قالانىڭ بالالارىن وقىتۋدا تالماي ەڭبەك ەتiپ، بiلiممەن سۋسىنداتىپ، ەلiمiزدiڭ دامۋىنا اتسالىسىپ كەلەسiزدەر. سوڭعى ونجىلدىقتا ەلوردالىق بiلiم جۇيەسiنiڭ قارقىندى دا ناتيجەلi دامۋى بۇكiل ەلiمiزدiڭ بiلiم وشاقتارىنا ۇلگi بولارلىقتاي بولدى. مۇنىڭ بارلىعى، مىنا وتىرعان سiزدەردiڭ ارقالارىڭىز. بارشاڭىزدى بۇگiنگi مەرەيلi مەرەكەلەرiڭiزبەن قۇتتىقتايمىز!
*** *** *** ***
قۇرمەتتى ۇستاز قاۋىمى! سىزدەردى قازان ايىندا اتالىپ وتەتىن مۇعالىمدەر كۇنىمەن شىن جۇرەكتەن قۇتتىقتايمىز! سىزدەردىڭ بالا كوڭىلدەرىڭىز ءار وقۋشىنىڭ جاندۇنيەسىن نۇرلاندىرىپ، جۇرەگىنە شاپاعات نۇرىن توگۋدە. مۇعالىمنەن ونەگە-بىلىم الىپ، ءومىر تەڭىزىنە قۇلاش ۇرعان كەز كەلگەن شاكىرت ۇستازىمەن ماقتانادى. «مەكتەپتىڭ جۇرەگى»، «بالا جانىنىڭ باعبانى»… ءيا، بۇل مەكتەپ ءمۇعالىمى — ۇستازعا ارنالعان تەڭەۋلەر. مۇنداي ماداقتاۋلاردى جالعاستىرا بەرسەك، دانالىق سوزدەر تىزبەگى شەكسىزدىككە ۇلاسادى. مەرەيلى مەرەكەدە دەندەرىڭىزگە ساۋلىق، وتباسىلارىڭىزعا اماندىق، ىستەرىڭىزگە ساتتىلىك تىلەيمىز.
*** *** *** ***
ۇرپاق تاربيەسى — ۇستازعا بايلانىستى. “ۇيادا نە كورسەڭ، ۇشقاندا سونى ىلەرسىڭ” دەگەندەي ونەگەلى ۇستازدان جاقسى شاكىرت شىعاتىنى ءسوزسىز. ۇستاز — ۇلاعاتتى ەسىم. شاكىرتتەرىن ءبىلىم نارىمەن سۋسىنداتىپ، تالىم-تاربيە بەرۋ، جاقسى قاسيەتتەردى بويىنا دارىتىپ، ادامگەرشىلىك رۋحتا باعىت-باعدار بەرۋدە ۇستازدىڭ ەڭبەگى زور. سوندىقتان دا ول ءاردايىم قاسيەتتى تۇلعا رەتىندە ەرەكشەلەنەدى. ءبىلىم كوشىن جىلجىتىپ كەلە جاتقان ۇستازدار قاۋىمىنا قۇرمەت ارتا بەرمەك! سىزدەردى كاسىبي مەرەكەلەرىڭىزبەن شىن جۇرەكتەن قۇتتىقتايمىز!
ۇستازدارعا جانە مەكتەپ ۇجىمىنا شىعارماشىلىق تابىس، قاجىماس قايرات، زور دەنساۋلىق تىلەيمىز.
اق جۇرەكپەن سەزىپ «ۇستاز باقىتىن»،
شاكىرتىمەن وتكەن بارلىق عۇمىرى.
سىزگە ارنايمىز تىلەكتىڭ ەڭ جاقۇتىن،
داڭقىڭىزدىڭ بيىك بولسىن تۇعىرى.
*** *** *** ***
مىنە، جادىراپ جاز ءوتىپ، التىن كۇز دە كەلىپ جەتتى. تابيعاتتىڭ وسى ءبىر جىل مەزگىلىن اركىم-اق سىڭعىرلاعان جەز قوڭىراۋ ۇنىمەن، مەكتەپتەگى مۇعالىمدەر مەن وقۋشىلاردىڭ قاربالاس، ساعىنىسا تابىسقان قۋانىشتى ساتتەرىمەن ەلەستەتەدى. جاڭا وقۋ جىلىمەن قاتارلاس كەلەتىن مۇعالىمدەر كۇنى دە كۇزدىڭ ۇلەسىنە ءتيىپتى. مەكتەپ قابىرعاسىنان الدەقاشان الىستاپ كەتسە دە، بويىندا جىلۋى بار ءاربىر پاراساتتى ازامات ءالىپ ۇيرەتىپ، ءبىلىم تەڭىزىنە جەتەلەگەن ۇستازدارى مەن بالالىق شاعىنىڭ تالاي قىزىقتى كۇندەرىنە كۋا بولعان التىن ۇيا — مەكتەبىن ءاردايىم ۇلكەن ساعىنىشپەن، قۇرمەتپەن ەسكە الىپ وتىرادى.
اسا كورنەكتى قازاق گەولوگى، عالىم، قوعام قايراتكەرى، قازاقستان عىلىم اكادەمياسىنىڭ ۇيىمداستىرۋشىسى جانە تۇڭعىش پرەزيدەنتى، اكادەميگى قانىش ساتبايەۆتىڭ ايتۋىنشا “...1 قىركۇيەكتە نە سالتاناتتى شەرۋ، نە ساليۋتتەر بولمايدى. ءبىراق بۇل كۇن ەشقانداي مەرەكەمەن تەڭ كەلمەيتىن، ءبىلىمنىڭ اسقار شىڭىنا جەتەلەيتىن، قايتالانبايتىن كۇن. بۇدان اسقان ۇلى مەرەكە جوق”- دەپ تولعاعان.
ولاي بولسا، ءمۇعالىم باقىتى — شاكىرت قۇرمەتى.
ءبىلىم كوشىن جىلجىتىپ كەلە جاتقان ۇستازدار قاۋىمىنا قۇرمەت ارتا بەرمەك! سىزدەردى كاسىبي مەرەكەلەرىڭىزبەن شىن جۇرەكتەن قۇتتىقتايمىز!
*** *** *** ***
ۇرپاق بولاشاعى، حالقىمىزدىڭ كەلەشەگى قازىرگى ۇستازداردىڭ قولىندا.
ۇستاز بولۋ — جۇرەكتىڭ باتىرلىعى،
ۇستاز بولۋ — سەزىمنىڭ اقىندىعى،
ۇستاز بولۋ — مىنەزدىڭ كۇن شۋاعى،
ازبايتۇعىن ادامنىڭ التىندىعى —
دەپ اقىن ع.قايىربەكوۆ جىرلاعانداي، ءسوزى مارجان، ءۇنى ءان ۇستازداردىڭ بار بولعانىن ماقتانىش ەتەمىن. ارينە، ۇستاز جۇگى — اۋىر جۇك. ۇستازداردىڭ اسەرلى ۇنمەن، اسىقپاي مانەرلەپ سويلەگەن سوزىنەن ءاربىر وقۋشىعا دەگەن قامقورلىقتىڭ، انالىق، اكەلىك سەزىمنىڭ دانا ويدىڭ ىستىق لەبى ەسىپ تۇرعانداي. ءيا، ادامنىڭ جان دۇنيەسىن ءتۇسىنىپ، رەنجىتپەي، قاتەلىگىن سەزدىرە ءبىلۋ — بۇل ناعىز شەبەرلىك ەمەس پە؟!
وسى ۇستازدار جايىندا حالقىمىزدىڭ ۇلى باتىرى باۋىرجان مومىش ۇلى “ۇستازدىق — ۇلى قۇرمەت. سەبەبى، ۇرپاقتاردى ۇستاز تاربيەلەيدى. بولاشاقتىڭ باسشىسىن دا، داناسىن دا، عالىمىن دا، ەڭبەكقور ەگىنشىسىن دە، كەنشىسىن دە ۇستاز وسىرەدى... ومىرگە ۇرپاق بەرگەن انالاردى قانداي ارداقتاساق، سول ۇرپاقتى تاربيەلەيتىن ۇستازداردى دا سونداي ارداقتاۋعا مىندەتتىمىز” دەگەن.
بالا بويىنا اتا-انادان كەيىنگى اقىل-وي، ادامگەرشىلىك، ادەپتىلىك، ار-ۇيات، ۇلتتىق سانا-سەزىمدى ءسىڭىرۋشى ادام — ءمۇعالىم.
ەندەشە ءوز ىسىنە بەرىلگەن، جاڭالىقتى جاتسىنباي قابىلدايتىن، شاكىرتىنىڭ جانىنا نۇر قۇيىپ، ومىرگە ءوزى دە باقىتتى بولىپ، وزگەلەردى دە باقىتقا جەتكىزسەم دەپ جۇرەتىن ۇستازداردىڭ ءجونى دە، جولى دا بولەك.
“ۇستازدىق ەتكەن جالىقپاس، ۇيرەتۋدەن بالاعا” دەپ اباي اتامىز ايتقانداي، ۇستاز ەڭبەگىنىڭ قىر-سىرى مول، قيىن دا جاۋاپتى، شىعارماشىلىق ەڭبەك ەكەندىگىن بارشامىز مويىندايمىز.
*** *** *** ***
ءال فارابي بابامىزدىڭ تاربيەسىز بەرگەن ءبىلىمنىڭ ناتيجەسىز بولاتىنىن كورەگەندىكپەن ايتقان، تاربيە مەن ءبىلىم بەرۋ ءىسىن تارازىنىڭ باسىنداي تەڭ ۇستاۋدى ۇمىتپاڭىزدار!
You Might Also Like
-
قۇرمەتتى، ۇستازىم! ءسىزدى ءبارىمىزدىڭ قامقورشىمىز، شاكىرتتەرىڭىزدىڭ جىلى جۇرەكتى ۇستازى بولعانىڭىزدى ماقتان ەتەمىز!
-
ۇيرەتەدى كىم وعان انا ءتىلىن قىزعالداقتاي اتىلعان قارا ءتۇرىن، اتا-انانىڭ دەگەندەي قاناتىمىن. سەن ەكەۋىڭ سويلەيسىڭ باسقا تىلدە، ۇيرەتەدى كىم وعان انا ءتىلىن؟ سول ەمەس پە كۇنى-تۇنى قارايتىنىڭ؟ با...
