مامين: ءبىلىم مەكەمەلەرىندە سانيتاريا نورمالارىنىڭ ساقتالۋىن ەرەكشە باقىلاۋدا ۇستاۋ كەرەك
ءبىلىم بەرۋ ۇيىمدارىندا سانيتاريالىق نورمالاردىڭ ساقتالۋىن ەرەكشە باقىلاۋدا ۇستاۋ قاجەت. بۇل تۋرالى ۇكىمەت وتىرىسىندا ق ر پرەمەر-مينيسترى اسقار مامين ايتتى.
«كۇن وتكەن سايىن كوپ وڭىرلەر «قىزىل» ايماقتان شىعىپ جاتىر. ءقازىردىڭ وزىندە «سارى» ايماقتا 5 ءوڭىر، اتاپ ايتقاندا، شىعىس قازاقستان، سولتۇستىك قازاقستان، باتىس قازاقستان جامبىل جانە قىزىلوردا وبلىستارى تۇر. سونىمەن قاتار، تۇركىستان وبلىسى «جاسىل« ايماقتا. قازىرگى باستى مىندەتىمىز — قىزىل ايماقتاعى وڭىرلەردە ۆيرۋس جۇقتىرۋ دەڭگەيىنىڭ ورنىقتى تومەندەۋىنە قول جەتكىزۋ»، — دەدى اسقار مامين.
ۇكىمەت باسشىسى ول ءۇشىن ەپيدەميولوگيالىق جاعدايدى ۇدايى باقىلاۋدا ۇستاۋ قاجەتتىگىن، اسىرەسە الماتى، نۇر-سۇلتان، شىمكەنت قالالارىندا، قاراعاندى، پاۆلودار، اقمولا وبلىستارىندا جۇمىستى كۇشەيتۋ كەرەكتىگىن باسا ايتتى.
«جاڭا وقۋ جىلىنىڭ باستالعانىن ەسكەرسەك، ءبىلىم بەرۋ ۇيىمدارىندا سانيتاريالىق نورمالاردىڭ ساقتالۋىن ەرەكشە باقىلاۋدا ۇستاڭىزدار»، — دەدى پرەمەر-مينيستر.
You Might Also Like
-
ۇستاز دەگەن ۇلى ءسوز ۇلاعاتتى، ول بولماسا، كىم بەرەدى پاراساتتى. اسىلىن بەرىپ شاكىرت بويلارىنا، اعارتقان سول ءۇشىن دە قارا شاشتى. ۇستازعا اركىم باسىن يۋ كەرەك، كەمەڭگەر، اقىلشىم دەپ ءبىلۋ...
-
1. ەسى اۋىسقاندار مەن اقىماقتارعا جول بەر. 2. ايەل قالاسا — جارتاستى جارىپ وتەدى. 3. كەتكىسى كەلگەنگە جارماسپا، ەسىك قاققاندى قۋما. 4. تەز دەگەن — باياۋ قيمىلداۋ، ءبىراق ءۇزىلىسسىز. 5....
