InfoHub Logo

ءال-فارابي اتىنداعى قازاق ۇلتتىق ۋنيۆەرسيتەتى – مول تاريحى بار، عىلىم مەن ءبىلىم ورداسى بولىپ تابىلاتىن ەلىمىزدىڭ ماقتان تۇتارلىق جوعارى وقۋ ورنى.  ۋنيۆەرسيتەت قازاقستان مەن ورتا ازيا مەملەكەتتەرىنىڭ اراسىنداعى 200 ۇزدىك ۋنيۆەرسيتەت قاتارىنا ەڭگەن ءبىلىم ورداسى. قازۇۋ قازىرگى ۋاقىتتا QS جاھاندىق رەيتينگىندە 150-ورىنعا كوتەرىلىپ، ۇلتتىق رەيتينگتەردە كوش باستاپ كەلەدى. جىلدان جىلعا قازۇۋ ءبىلىم برەندىنە اينالۋدا، سەبەبى ۋنيۆەرسيتەتتىڭ تۇلەكتەرىنىڭ سانى ارتىپ، ال ماماندارىنا دەگەن سۇرانىس ارتىپ كەلەدى. ارينە  مۇنداي كەرەمەت جەتىستىكتەرگە قازۇۋ ءبىلىم مەن عىلىمعا قۇشتارلىعى مول ستۋدەنتتەر مەن وقىتۋشىلاردىڭ ارقاسىندا جەتىپ وتىر. ۋنيۆەرسيتەت قابىرعاسىندا ساپالى ءارى ىڭعايلى ءبىلىم بەرۋ ماقساتىندا كوپتەگەن جاعدايلار جاسالىپ وتىر. سونىڭ ءبىر دالەلى رەتىندە «كەرەمەت» ستۋدەنتتەرگە قىزمەت كورسەتۋ ورتالىعىن ايتا الامىن.

كەرەمەت «ءبىر تەرەزە» قاعيداتىسىنا نەگىزدەلگەن: ءوقۋ-بىلىم بەرۋ، مەديسينالىق، زاڭگەرلىك، قارجىلىق جانە مادەني ويىن-ساۋىق قىزمەتتەرىن ۇسىناتىن ستۋدەنتتەرگە ارنالعان ورتالىق. مۇندا ستۋدەنتتەر مەن پروفەسسورلىق-وقىتۋشىلىق قۇرامعا كوپتەگەن قىزمەتتەر  كورسەتىلەدى. سونىمەن قاتار قازۇۋ ستۋدەنتتەرى مەن پروفەسسورلىق-وقىتۋشىلىق قۇرامىن مەديسينالىق تەكسەرىستەن وتكىزۋ ءۇشىن ءال - فارابي حالىقارالىق قازاقستان-كورەي دياگنوستيكالىق ورتالىعىن اشقان.

قازۇۋ مۇمكىندىكتەرگە تولى ورتا، مۇندا عىلىمي ورتالىق پەن تەحنوپارك، زاماناۋي تەحنيكامەن جابدىقتالعان زەرتحانالار، ەلىمىزدە تەڭدەسى جوق كىتاپحانا بار. عىلىمي كىتاپحانادا شامامەن 2 ملنعا جۋىق  كىتاپتار بار. ول جىل سايىن 40-45 مىڭ داناعا، جاڭا باسىلىمدارمەن تولىقتىرىلىپ وتىرادى.

الەمدەگى 500-دەن اسا ءىرى حالىقارالىق جوو-مەن ارىپتەستىك بايلانىس ورناتقان. 86 قوسديپلوم باعدارلاماسى ارقىلى ستۋدەنتتەر الەمنىڭ ۇزدىك ۋنيۆەرسيتەتتەرىندە قازۇۋ-مەن قاتار ءبىلىم الىپ، تاعىلىمدامادان وتە الادى. جەر شارىنىڭ 50 ەلىنەن جاستار ءبىلىم الۋدا. وقۋ ورنىندا باكالاۆريات، ماگيستراتۋرا، دوكتورانتۋرا بويىنشا 225 ءبىلىم بەرۋ باعدارلامالار توبى بار. ۋنيۆەرسيتەتتە الەمنىڭ ۇزدىك وقىتۋشىلارى مەن اتاقتى پروفەسسورلار ءدارىس بەرەدى. 250-دەن استام ءتۇرلى عىلىمي، سپورتتىق، شىعارماشىلىق، ۆولونتەرلىك ستۋدەنتتىك كلۋبتار، سونداي-اق ستۋدەنتتىك قۇرىلىس ۇيىمدارى ءبىلىمدى ءارى بەلسەندى جاستاردىڭ باسىن قوسىپ، جاقسى ورتا قالىپتاستىرۋدا.

قازۇۋ-نەن باسقا ورتالىق ازيا مەن قازاقستاننىڭ بىردە-بىر ۋنيۆەرسيتەتىندە QS Stars بەس جۇلدىزى جوق! الەمدە بارلىعى 62 جوعارى وقۋ ورنىندا QS Stars «5 جۇلدىزى» بار، ولاردىڭ ىشىندە: گارۆارد، وكسفورد، كەمبريدج، چيكاگو، پرينستون، كولۋمبيا ۋنيۆەرسيتەتتەرى.

ەلىمىزدەگى ەڭ ءىرى ءارى بەدەلدى جوعارى وقۋ ورىندارىنىڭ بىرىندە وقىپ جۇرگەنىمدى ماقتان ەتەمىن بە؟ ارينە، ءيا! قازىرىگى تاڭدا مەن «مەحانيكا- ماتەماتيكا» فاكۋلتەتىنىڭ قوسديپلومدىق «مەحانيكا جانە ەنەرگەتيكا» ماماندىعىنىڭ ماگيسترانتىمىن. بۇل قوسديپلومدىق باعدارلامانىڭ ستۋدەنتتەرگە بەرەر مۇمكىندىگى كوپ. ماگيستراتۋرا جالپى مەن ءۇشىن  جەكە جانە كاسىبي دامۋدىڭ فاكتورى بولىپ تابىلادى. بۇل شەشىمدى قابىلداۋدا ۇلكەن ءرول اتقارعان عىلىمعا دەگەن سۇيىسپەنشىلىگى مول، مەنىڭ عىلىمي جەتەكشىم جانە ەلىمىزدەگى مۇمكىندىككە تولى ۋنيۆەرسيتەت.

ۋنيۆەرسيتەتتىڭ تاعى دا ماعان ۇنايتىن ءبىر تاماشا ەرەكشەلىگى ەكولوگيالىق تازا ايماقتا ورنالاسقانى. الماتى سياقتى مەگاپوليستە ورنالاسقان قازۇۋ قالاشىعى قالانىڭ ەڭ «جاسىل» بۇرىشتارىنىڭ ءبىرى رەتىندە كەڭىنەن تانىمال. اۋاسى قالا ءىشى اۋاسىنان كولىك جولدارىنان الىس، تاۋلارعا جاقىن ورنالاسۋىنا بايلانىستى الدە قايدا تازارىراق.تاۋ بوكتەرىنە اشىلاتىن كورىنىستى سوزبەن ايتىپ جەتكىزۋ قيىنعا سوعار، ال كەرەمەتكە بارار جول بولسا راۋشان گۇلدەرىمەن، فونتاندارىمەن ەرەكشەلەنەدى. سونىمەن قاتار «الماتىنىڭ وكپەسى» دەپ اتالىناتىن بوتانيكالىق باققا جاياۋ بارۋىپ كەلۋگە دە بولادى.

ۋنيۆەرسيتەت ءار سالانىڭ قاس مامانىن دايىنداۋعا جوعارىدا ايتىپ كەتكەندەي بارلىق مۇمكىندىكتەرى بار، ىڭعايلى ءبىلىم الۋ ءۇشىن دە جاعدايلار جاسالعان. وسىنداي مۇمكىندىكتەر سىيلاپ وتىرعان ۋنيۆەرسيتەتكە العىسىم شەكسىز.

كەرەيكۋلوۆا ايىم

قازۇۋ مەحانيكا- ماتەماتيكا فاكۋلتەتىنىڭ 1 كۋرس ماگيسترانتى

فيلولوگيا فاكۋلتەتىنىڭ اعا وقىتۋشىسى ۋرازگالييەۆا س.ا جەتەكشىلىگىمەن

---