InfoHub Logo

ءال-فارابي اتىنداعى قازاق ۇلتتىق ۋنيۆەرسيتەتى (قازۇۋ) - قازاقستان رەسپۋبليكاسىنىڭ جەتەكشى كوپسالالى جوعارى وقۋ ورىندارىنىڭ ءبىرى. جالپى ۋنيۆەرسيتەت، دۇنيەجۇزىلىك جەتەكشى ۋنيۆەرسيتەتتەر ىشىندە 150ء-شى ورىنعا يە. قازۇۋ- مەملەكەتتىك اتتەستاسيالاۋدان ءبىرىنشى بولىپ وتكەن جانە بارلىق ماماندىقتار مەن دەڭگەيلەر بويىنشا ءبىلىم بەرۋ قىزمەتىن جۇزەگە اسىرۋ قۇقىعىن راستاعان قازاقستان رەسپۋبليكاسى جوعارى ءبىلىم بەرۋ جۇيەسىنىڭ جەتەكشى مەكەمەسى بولىپ تابىلادى. مامانداردى دايارلاۋ 180-نەن استام ماماندىق بويىنشا جۇرگىزىلەدى. بۇگىنگى تاڭدا ءال-فارابي اتىنداعى قازۇۋ-بۇل بىزگە ماماندىقتاردىڭ كەڭ تاڭداۋىن ۇسىناتىن تۇتاس وقۋ-عىلىمي كەشەنى بولىپ تابىلادى. ۋنيۆەرسيتەتتە جوعارى كاسىپتىك ءبىلىم بەرۋدىڭ كوپ دەڭگەيلى جۇيەسى بويىنشا 27 مىڭنان استام ستۋدەنتتەر مەن ماگيسترانتتار وقيدى. بۇگىنگى كۇنگە ءال-فارابي اتىنداعى قازاق ۇلتتىق ۋنيۆەرسيتەتى الەمنىڭ 300-دەن استام ءىرى ۋنيۆەرسيتەتتەرىمەن تابىستى ىنتىماقتاسادى، ۋنيۆەرسيتەتتەردىڭ حالىقارالىق، ەۋروپالىق جانە ەۋرازيالىق قاۋىمداستىقتارىنىڭ، الەمدىك ۋنيۆەرسيتەتتەر كونسورسيۋمىنىڭ مۇشەسى بولىپ تابىلادى. مەن مەحانيكا جانە ماتەماتيكا فاكۋلتەتىندە مەحانيكا جانە ەنەرگەتيكا ماماندىعى بويىنشا 1كۋرس ماگيسترانتى بولعاندىقتان، مەنىڭ ۋنيۆەرسيتەت تۋرالى ويىم مەحانيكا ماماندىعىنىڭ ينجەنەرلەرىن پروفەسسيونالدىق دايارلاۋ تۇرعىسىنان بولادى. مەحانيكا-ماتەماتيكا فاكۋلتەتىندە قازىرگى تاڭدا وتە قاجەتتى جانە وزەكتى، ادام ومىرىنە كەرەك ماماندىقتار مەن كوپتەگەن پراكتيكالىق قۇرال-جابدىقتار بار. سونداي-اق، قازاقستانداعى، ءتىپتى شەتەلدىك كومپانيالار مەن ۋنيۆەرسيتەتتەردەگى كوپتەگەن عىلىمي زەرتتەۋ ينستيتۋتارىمەن ۇلكەن ماتەريالدىق بازا مەن ىنتىماقتاستىقتى اتاپ وتكەن ءجون. سونىڭ ايقىن كورىنىسى رەتىندە، مەن وقىپ جاتقان مەحانيكا جانە ەنەرگەتيكا ماماندىعى فرانسيا جانە تاعى دا باسقا ەلدەرمەن عىلىمي-يننوۆاسيالىق، تەحنيكالىق جانە روبوتوتەحنيكالىق تۇرعىدان قارىم-قاتىناسى جىلدان جىلعا وركەندەۋدە. قازۇۋ ءار جىل سايىن ماگيسترانتتارعا ءوز بىلىمدەرىن تەرەڭدەتۋ جولىندا، فرانسياعا(لوتارينگيا ۋنيۆەرسيتەتى) بارىپ ءبىلىم الۋعا زور مۇمكىندىك بەرەدى. ۋنيۆەرسيتەت بىزگە، ەكى ديپلومدىق باعدارلاما اياسىندا، بولاشاقتا ۋنيۆەرسيتەتتى 2 ەلدىڭ ديپلومىمەن بىتىرۋگە مۇمكىندىك بەرەدى، سونىمەن قاتار تاجىريبەدەن قازاقستاندا جانە فرانسيادا دا قالىپ وتۋگە بولادى.فرانسيادا وقۋ بارىسىندا، ءسىز تەك قانا ءبىلىم عانا ەمەس، سونداي-اق شەتەلدىك تىلدەردى تەرەڭىرەك مەڭگەرىپ، پراكتيكالىق تۇرعىدان جاقسى دامىتا الاسىز. قازىرگى تاڭدا، اعىلشىن جانە فرانسۋز تىلدەرى الەمدىك كوشباسشى تىلدەر بولعاندىقتان، بۇل سىزگە بولاشاقتا وتە قاجەتتى تاجىريبە بولادى دەگەن ويدامىن. سونىمەن قاتار، ءسىز شەت ەلدىڭ مادەنيەتىمەن، تۇرمىس-سالتىمەن دە تانىسىپ، ءوزىڭىزدى جان-جاقتى دامىتۋعا مۇمكىندىك الا الاسىز. ۋنيۆەرسيتەتتە باكالاۆردا وقىعان كەزىمدە دە مەن ءوز ماماندىعىم بويىنشا كوپتەگەن اقپارات الدىم. ۋنيۆەرسيتەت قابىرعاسىندا ىرگەلى ماتەماتيكا، مەحانيكا جانە سونىمەن قاتار ماتەماتيكالىق جانە كومپيۋتەرلىك مودەلدەۋ كافەدرالارىندا وتە جوعارى بىلىكتى وقىتۋشىلار قۇرامى بار. مەنىڭ قازۇۋ-دى تاڭداۋ سەبەبىم، قازاقستاننىڭ جوعارى ءبىلىم بەرۋ جۇيەسىن دامىتۋدىڭ كوشباسشىسى جانە ادىستەمەلىك ورتالىعى بولىپ تابىلاتىن، ءوز قىزمەتىنىڭ بارلىق باعىتتارىنىڭ ءتيىمدى كورپوراتيۆتىك مەنەدجمەنت جۇيەسىنە يە، ەڭ وزىق ادىستەر مەن تەحنولوگيالاردى شەبەر پايدالاناتىن جانە يمپورتتايتىن، ىرگەلى جوعارى ءبىلىمى بار الەمدىك دەڭگەيدەگى باسەكەگە قابىلەتتى مامانداردى دايارلايتىن، عىلىمي زەرتتەۋلەردى جوعارى دەڭگەيدە دامىتاتىن الەمدىك دەڭگەيدەگى زاماناۋي جوعارى وقۋ ورنى. مەنىڭ ويىمشا، ءال-فارابي اتىنداعى قازاق ۇلتتىق ۋنيۆەرسيتەتىندە ءبىلىم الا وتىرىپ، ءسىز بولاشاقتا قازاق ەلىن دامىتاتىن جانە ءبىزدىڭ مەملەكەتىمىزدى دۇنيەجۇزىلىك جەتەكشى 50 ۋنيۆەرسيتەتتىڭ قۇرامىنا ەنگىزەتىن ناعىز عالىم بولا الاسىز.

كالييەۆا ارايلىم

قازۇۋ مەحانيكا جانە ماتەماتيكا فاكۋلتەتىنىڭ 1كۋرس ماگيسترانتى

فيلولوگيا فاكۋلتەتىنىڭ اعا وقىتۋشىسى ۋرازگالييەۆا س.ا جەتەكشىلىگىمەن

---