«پەداگوگتەردىڭ كاسىبي دامۋىنىڭ جاڭا فورماتى» تاقىرىبىندا بريفينگ ءوتتى
2022 جىلى 3 قاراشا كۇنى «ورلەۋ» باۇو» اق فيليالى الماتى وبلىسى بويىنشا كاسىبي دامۋ ينستيتۋتى ۇيىمداستىرۋىمەن «پەداگوگتەردىڭ كاسىبي دامۋىنىڭ جاڭا فورماتى» اتتى بريفينگ-سەسسيا ءوتتى.
بريفينگ ماقساتى – «ورلەۋدىڭ» قول جەتكىزگەن جەتىستىكتەرىمەن، بىلىكتىلىكتى ارتتىرۋ سالاسىندا ەنگىزىلىپ جاتقان جاڭا باعدارلامالارى جانە جوبالارىمەن پەداگوگيكالىق قاۋىمداستىقتى تانىستىرۋ، پەداگوگتاردىڭ كاسىبيلىگىن جەتىلدىرۋدىڭ جاڭا فورماتى جانە «ورلەۋ» مەن الماتى مەنەدجمەنت ۋنيۆەرسيتەتى بىرلەسە دايىنداعان «جاڭا مەكتەپ: ناتيجەلى باسقارۋ كوماندالارى» كۋرسى جايلى اقپارات بەرۋ.
شارا بارىسىندا «ورلەۋ» باۇو» اق فيليالى الماتى وبلىسى بويىنشا كاسىبي دامۋ ينستيتۋتى جەتىسۋ وبلىسى بويىنشا وكىلدىگىنىڭ باس ادىسكەرى ا.ە. توگاسوۆا وبلىس كولەمىندە اتقارىلىپ جاتقان جۇمىستارعا شولۋ جاسادى.
«ورلەۋ» باۇو» اق فيليالى الماتى وبلىسى بويىنشا كاسىبي دامۋ ينستيتۋتى م.ا. ح.ت. ماسيموۆا اعىمداعى جىلى بىلىكتىلىكتى ارتتىرۋ كۋرستارىنىڭ جاڭا سيكلى ءبىلىم بەرۋ باعدارلامالارىن جاڭارتۋ ارقىلى باستالعاندىعى جانە 122 باعدارلاما جاڭارتىلعاندىعى جايلى توقتالىپ ءوتتى.
سونىمەن قاتار، حۋرشيدام تاشبولات قىزى «الماتى مەنەدجمەنت ۋنيۆەرسيتەتى» ءبىلىم بەرۋدى دامىتۋ ينستيتۋتىمەن، سونداي-اق UNICEF ءبىلىم بەرۋ سالاسىنداعى ساراپشىلار مەن تاجىريبەلى ماماندارمەن ىنتىماقتاستىق ارقىلى جالپى ءبىلىم بەرەتىن مەكتەپتەردىڭ باسشىلارى مەن ورىنباسارلارى جانە كادر رەزەرۆىنىڭ وكىلدەرى ءۇشىن ءبىلىم بەرۋ مەنەدجمەنتى بويىنشا 72 ساعاتتىق كۋرس ازىرلەنگەندىگىن ايتىپ، مەكتەپ باسشىلارى ءوز كوماندالارىن ءتيىمدى باسقارىپ، سىرتقى ستەيكحولدەرلەرمەن تابىستى ءوزارا ىس-ارەكەتتەسۋگە قابىلەتتى بولۋى ءۇشىن ستراتەگيالىق مەنەدجمەنت پەن كوشباسشىلىققا ۇيرەتەتىندىگىن العا تارتتى.
بريفينگ سوڭىندا ۇستازدار وزدەرىن تولعاندىرىپ جۇرگەن سۇراقتارىنا جاۋاپ الىپ، ينستيتۋت باسشىسىنا ريزاشىلىقتارىن ءبىلدىردى.
ايگۇل نۇراقباي
«ورلەۋ» باۇو» اق فيليالى الماتى وبلىسى بويىنشا كاسىبي دامۋ ينستيتۋتى، PR مامانى
You Might Also Like
-
مۇعالىمدىك – ىزگىلىككە قۇرىلعان ينتەللەكتۋال ماماندىق. ەلىمىزدىڭ كەلەشەگىنىڭ كەمەل بولۋى ءبىلىمدى دە ىسكەر ادامداردىڭ باسەكەگە قابىلەتتىلىگىنە تىكەلەي بايلانىستى. قارىمدى قابىلەتكە يە جا...
-
ءال-فارابي اتىنداعى قازاق ۇلتتىق ۋنيۆەرسيتەتى – مول تاريحى بار، عىلىم مەن ءبىلىم ورداسى بولىپ تابىلاتىن ەلىمىزدىڭ ماقتان تۇتارلىق جوعارى وقۋ ورنى. ۋنيۆەرسيتەت قازاقستان مەن ورتا ازيا مەمل...
