مۇڭلى قىز
بۇل كۇي حالىق اراسىندا «ءاۋپپالي، بوپەم-اي»، «جەتىم قىز»، «مۇڭلى قىز» دەگەن اتاۋلارعا يە. كوپ تاراعان اتى — «مۇڭلى قىز». كۇيدىڭ دە، اڭىزدىڭ دا بىرنەشە نۇسقالارى بار. سول اڭىزداردىڭ بىرىندە بىلاي دەلىنەدى:
ءبىر جىگىت اكەدەن جاستاي جەتىم قالىپ، شەشە تاربيەسىندە وسەدى. تەنتەك اتانىپ وسكەن ول بەتىنە ەشكىمدى كەلتىرمەپتى. شەشەسىنىڭ «مۇمكىن، توقتار» دەپ ۇيلەندىرگەن نيەتىنەن ەشتەڭە شىقپايدى. ايەلى ۇل بالا تۋادى، ءبىراق توقتاۋىنا ول دا سەپتەسپەيدى.
اقىرى سول ەلدىڭ اۋقاتتى اۋلەتتەرىمەن سىيىسپاي، ەلدەن شەتتەپ كەتەدى. ماڭايىنا ادام توپتاپ، بايلارعا بورىدەي تيەدى. ءبىر كۇنى ءوزى جوقتا ەلىن قاراقشىلار شاۋىپ، اۋىلدى اياۋسىز ماسقارالاپ، قىرىپ-جويادى. قان ساسىعان اۋىلدا جىگىتتىڭ قارىنداسى مەن جالعىز بالاسى عانا ءتىرى قالىپتى.
اعاسىنىڭ جاس بالاسىن ارقالاعان قىز، جىگىتتىڭ بەكىنگەن جەرىنە كەلىپ، اعاسىنا شەشەسى مەن جەڭگەسىنىڭ، بۇكىل اۋىل ازاماتتارىنىڭ قازاسىن ەستىرتىپتى. «جىگىت كەك الۋ جولىندا اتقا مىنەدى»، — دەپ اياقتالادى شەجىرە-سوز. «ءاۋپپالي، بوپەم-اي» نەمەسە «مۇڭلى قىز» كۇيى ومىرگە وسىلاي كەلىپتى.
You Might Also Like
-
بالجان دەگەن قىز قاراقالپاقتار ورتاسىندا تۋىپ-وسكەن قازاق قىزى ەكەن. اقىلىنا كوركى ساي، قىلىعىنا ونەرى ساي، جۇرت اۋزىنا ىلىككەن ارۋ بويجەتكەن بولسا كەرەك. قازانعاپ جەر كورىپ، ەل تانىپ، ونەر ىزدەپ ج...
