ءتانتان قىز
«ءتانتان قىز» تاريحىن ايتۋشىلار «مىرزا بۇل كۇيدى ءبىر ۇلكەن تويدا شىعارعان ەكەن» دەسەدى. جازدىڭ كۇنى، مي قايناتقان شىلدە ايى. كورشى اۋىلدىڭ ۇلكەن جيىنىندا باس قوسقان ەل ساۋىق قۇردى. مىرزا اق وردانىڭ تۋىرلىعىن تۇرگىزىپ تاستاپ، كۇي دارياسىن تاسىتتى. كەنەت كۇيشىنىڭ كوزى بوپەسىن جۇباتا الماي جۇرگەن ورىمدەي قىزعا تۇسەدى. مىرزا تاني كەتەدى. «جاقىندا عانا شەشەسى ولگەن جەتىم قىز جىبەك قوي...» — دەپ ىشتەي كۇبىرلەيدى.
قىز قولىنداعى بوپەسىن جۇباتا الماي: «ءاۋپپالي، بوپەم-اي، ءاۋپپالي، بوپەم-اي» دەپ، مۇڭلى اۋەن ىرعاعىنا قوسىلادى. مىرزادان جانىنداعىلاردىڭ ءبىرى: «بۇل كىمىڭىز ەدى، تانىسىڭىز با؟» — دەپ سۇرايدى.
— وي شىراقتارىم-اي! بۇل ءبىر شەشەسى ءولىپ، قامكوڭىل بولعان جىبەك اتتى جەتىم قىز ەدى. قولىنداعى كوتەرگەن بوپەسى — انادان جاستاي قالعان وزىنەن كەيىنگى ءسىڭىلىسى. مىنا — حالىق جينالعان جيىنعا كەلەيىن دەسە، قولىنداعى بوپەسىنەن كەلە الماي، كەلمەيىن دەسە، ۇيدە جالعىز وتىرا الماي، ەندى مىنە، ەكى ورتادا ءتان-تان بولىپ جۇرگەن عوي، — دەپ كۇرسىنەدى مىرزا.
You Might Also Like
-
جاپان دالادا ولەكسەگە قونىپ، جەمتىك شوقىعان قارعا بالاپاندارىنا اقىل ايتىپتى، دەپ باستالادى اڭىز. «بالاپاندارىم، مەن قارتايدىم! ءۇش ءجۇز جاسقا كەلدىم. ومىردە كوپتى كوردىم، كوپتەگەن نارسەلەرگە ك...
-
ۇلى ءجۇز ءۇيسىننىڭ ءبىر ادامى تولە بيگە كەلىپ:
