InfoHub Logo

تۋادى، تۋادى ءالى ناعىز اقىن،
ناعىز اقىن بال مەن ۋ تامىزاتىن.
جەسىردىڭ ايىرىلماس سىرلاسى بوپ،
جەندەتتىڭ كوزىنەن جاس اعىزاتىن.
م.ماقاتايەۆ

مەن ءۇشىن شەرحان مۇرتازا اتام وسىنداي جان. ءبىرتۋار ۇلى جان. ناعىز حالقىم، ەلىم دەگەن كىسى ەدى. قولىمدا ءبىر نارسە بولعاندا اسىل تاستان ەسكەرتكىش ورناتسام دا ارتىق بولماس ەدى  .

جوعارىداعى مىڭ كىسى شەرحان اتامنىڭ تىرناعىنا دا تاتىماس ءقازىر. حالىق سايلاعان دەپۋتاتتار وسىنداي بولسا كەرەمەت بولار ما ەدى، كىم ءبىلسىن.

ارينە شەرحان اتامىزدى دا كوپشىلىك ۇناتپادى عوي.

شىندىقتى ايتقان ادامدى ءبارى كوزگە شىققان سۇيەلدەي كورەتىنى بار ەمەس پا.

قازاق ادەبيەتىنىڭ قارا نانى، قايتالانباس تاۋ تۇلعاسى بولعان، ەلىم دەپ شىر-پىر بولعان، مىلتىقسىز مارقۇم بولعان شەر اتا.ساياساتتى تۋرا تۇسىنگەن، قىلىش ءتىلدى، وتكىر ويلى ادام بولعانى انىق كورىنەدى. ءوز ءسوزىن دالەلدەي الاتىن، سانالىعا دا ساناسىزعا دا اسىل ءسوز، سۇيەكتەردى مىڭ شىتناتاتىن تاستان اۋىر ءسوز ايتاتىن جان ەدى...

كەزىندە قازاق تىلىنە قوسا ورىس تىلىنە دە مەملەكەتتىك ءتىل دەگەن "ستاتۋس" بەرەمىز دەگەندە، شەرحان مۇرتازا ايتقان ەدى، نۇرەكە، "ەكى ءتىل تەك جىلاندا عانا بولادى"، - دەپ. مىنە، ناعىز ەلىم دەپ سوققان جۇرەكتەن وسىنداي سوزدەر شىعادى. 

شەر اعا، ەر اعا جۇرەكتەن كەتپەس ۇلى تۇلعا. ماڭگىلىك ەلدىڭ، ماڭگىلىك تاريحىندا قالاتىن، ەسىمى التىن ارىپپەن جازىلاتىن دارا تۇلعا. ءبىز ءسىزدى جۇرەكتەن دە كوڭىلدەن دە وشىرمەيمىز.

ابىلاي حان اتىنداعى ءقحقجاتۋ جۋرناليستيكا فاكۋلتەتى 1 كۋرس ستۋدەنتى داۆلاتبايەۆا جادرا

---